الموضوع: باركولى .. أشتريت مقطورة حمولة 3 طن .. قصدى 307 sw :)

المشاركة الأصلية كتبت بواسطة ahmed amin

المشكلة عندك علي حد وصفك أن أول مرة لما سخنت كان التسريب اليل جاي من ناحية كوعة الترموستات بيخلي المية تقل وعشان كدا العربية كانت بتسخن لأن المية في مرحلة نقصان مستمر,, ولما روحت للميكانيكي وفكها وحط معجون وربطها كان التربيط دا أي كلام لأن الكوعة لما بتتفك مش بتركب تاني زي الأول ولا زي الجوان الأصلي,, والمعجون مش بيبقي حلو ولا قوي زي الجوان,, خصوصاً لو فيه بقايا من معجون قديم أو تربيط خاطئ بوظ الكوعة هتجيب منك مية تاني.

ودا اللي حصل معاك تاني مرة بعدها بأسبوع لما سربت مية والحرارة عليت, واللي يخلي الكوعة تتاكل إما يكون العربية أتحط لها مية من الحنفية قبل كدا,, أو كنت بتمشي بالمية ناقصة كتير بسبب تسريب المية اللي كان بيحصل والحرارة الزيادة أكلت جوان الكوعة من غليان المية المستمر,
دا غير أنو قالك أول مرة دا عيب تربيط, يعني معني كدا كان فيه لعب فيها قبل كدا,,

غلطتك بقي هنا عشان حصول المشكلة التالتة أنك مجبتش الكوعة الأصلي, لأن الفرق ما بينهم مش كبير حوالي 150 جنيه,, بس هتعيش 3 ل 5 سنين علي الأقل.
النوع اللي أنت جبته مش أصلي وممكن يكون مش فرنساوي ومكتوب عليه فرنساوي مشي حالك,


كان المفروض تجيب الأصلي بتاعتها,,
وتروح تنضف دورة التبريد عند أي بنزينه بجهاز تنضيف دورة التبريد اللي عندهم,, وتركب الكوعة الجديدة مع تغير مية جديدة, والمية يكون نوعها oat حمرا أو برتقالي متحطش مياة خضراء.
وإن شاء الله مش هيكون عندك أي مشاكل في التبريد لفترة طويلة إن شاء الله,

أو تعمل زي الفيديو دا بس متخليش المية القديمة تنزل علي الأرض ولا ترميها في المجاري عشان لو حيوانات أليفة شربت منها هتموت وهتشيل وزرها,, وكمان لو حطيتها في المجاري ممكن تتدخل علي مياة شرب وناس تانية تتسمم لأن زي مانت عارف في بلدنا المجاري ساعات بتدخل علي مياة الشرب,, بتحصل عادي
coolant and thermostat change - youtube



أخر حاجة عايزك تتأكد منها أن لما العربية توصل لدرجة حرارة 90 في الطابلوة أنزل بص علي العربية من قدام وشوف المروحة شغالة ولا لأ,,
وبعدين شغل التكييف وشوف المروحة هتشتغل علي سرعة أعلي ولا لأ,
عشان نتأكد من كتاوت المروحة بيشغل المروحة في الوقت المناسب ولا معلق وعشان كدا العربية بتسخن والحرارة بتزيد وبتهلك دورة التبريد.

الفكره يا باشا مش فى السعر انا ديه اغلى حاجه لقيتها انا الاصلى لو لقيتها كنت هجبها والعربيه مركونه عند الراجل قولت هجبها اهو تمشى سنه مثلا لغايه منزل القاهره اجيب الاصلى او افضى او اى حاجه تحصل مجاش فى دماغى انها تبوظ بعد 10 ايام وكمان الحراره لما بتوصل 90 المروحه بتشتغل ولما بتسخن كانت السرعه الثانيه بتشتغل على طول ومع التكييف اول درجه بتشتغل اول مفتحه
انا ان شاء الله نازى انضف دوره التبريد كلها وانضف الريداتير بالمره واغير الكوعه واجيب الاصليه وربنا يستر ومتعلاش تانى

المشاركة الأصلية كتبت بواسطة ahmed amin

طيب كويس إن المروحة مظبوطة,
ومعلش أهو أديك جربت الكوعة دي المرة دي, وعرفت أدائها عامل أزاي,

وإن شاء الله لما تجيب الأصلية وتركبها مع تنضيف الدورة ومية جديدة تروح كل المشاكل اللي عندك,
بس أبقي هاتها من التوكيل وتركبها يا عنده,
أو تجيبها من عند مصطفي شوقي اللي في مدينة نصر وتركب عند حد نضيف, لأن لازم مكان المعجون القديم يتنضف كويس يا أما جوان الكوعة الجديدة ممكن يبوظ هوا كمان بالكوعة,

المشكله ان طبعا العربيه بايظه والكوعه متشاله ووقفه فى الجراج فهنزل الحرفيين او التوكيل اجيب الاصليه بس معرفش شكل الكرتونه بتعتها ايه الصراحه او افرق بينهم ازاى وهطر واحد يركبها بس بس السبب ايه انها باظت هى قعد اسبوع شغاله تمام معايا مفيش فيها اى مشاكل خالص والحراره كانت على 89 وتعلى على 90 المروحه تشتغل وتنزل بعديها تانى على 89 وكمان الكوعه الجديده كانت بتنقط بسيط يعنى مفروض الحراره مكنتش تعلى قوى كده خصوصا القربه كان فيها مياه انا شاكك ان ممكن يكون الترموستات قفش وقفل على الموتور مبقاش فى مياه بتخش للموتور

انا زيك اشتريت نفس العربيه وتقريبا نفس الظروف والعربيه جميله ماشاء الله
بس اتا كونت عايز اسالك بالنسبه للصيانه ايه احسن مكان تكون انت استريحت فيه وياترى ايه اخبار الاسعار