اريد شراء سيارة زز قطع غيار رخيصة ومتوفرة؟ وايضا ..

**enazaky** · 12-05-2013 04:46 PM

مساء الخير
اريد شراء سيارة مستخدمة
ولكن شرط توافر ورخص قطع الغيار والميكانيكا يفهموا فيها
السعر لا يزيد عن 39 الف جنيها
علما بان لا يمكنى التقسيط

ياريت ترشيحات كل السيارت (رخيصة فى قطع الغيار ومنتشرة وكويسة)

كنت اريد البونتو ولكن قطع غيارها غير متوفرة وغاليه جدا

علما بانى اريدها باور وتكييف
وشكل انسيابى
....* استخدام سيدة

لانى لا اعلم ما هى الماركات والانواع الكويسة والرخيصة
برجاء ذكر السيارة بالسنة والماركة
وشكرا

**ahmedalaahosny** · 12-05-2013 08:39 PM

اقول لحضترتك لو عايزه عربية صغيرة جوا البلد يبقي سوزوكي ماروتي بس يعيبها انها بدون تكيف لو عايزه عربية اكبر شوية ممكن سوزوكي سويفت موديل 93 لان ده الياباني بالتكيف بس شرط حالتها تكون كويسة لو عايزاها سفر وتلمي جواها العيلة كلها يبقي هيونداي اكسيل تكيف وفي منها اوتوماتيك

**ahmed legend** · 12-05-2013 10:08 PM

لانوس 1 قطع غيارها رخيصة ومتوفرة واى حد بيفهم فيها

**ahmedalaahosny** · 12-05-2013 10:21 PM

بس 39 الف حالتها هتبقي متهانة

**enazaky** · 13-05-2013 12:37 PM

اكسيل ؟
طاب معلش هى البونتو 95 او 98 قطع غيارها غالية زى 2002 ومش متوفرة برضة ولا اية النظام اصلها فيات وشكلها حلو؟
وبعدين الاكسيل شكلها مش عارفة انا مش حاباة؟ خاااااااااالص
ممكن مساعدة اكثر من فضلكوا

**ahmedalaahosny** · 13-05-2013 07:44 PM

والله انا مابطيقهاش اساسا بس اهي المنتشرة وعم عبده البقال يشتغل فيها وقطع غيارها عند عم عبده البقال برده لكن البونتو محتاجة ناس فاهمة ده رايح فين وده جاي منين كعادة كل الاوروبي علي فكرة انا برده عايز اشتري علي 35الف وعامل موضوع http://www.nilemotors.net/Nile/355745-a.html وكنت شايف ف الابيزا 94 متطلباتي بس حسيت انها قطع غيارها برده غالية وانا لسة ماطلعتش رخصة فهخبط واكسر كتير ف طنشت واستقريت اني اشتري ماروتي 99 بتاعة ابن خالي ب 22 الف واكبر دماغي من وجع الدماغ بتاع الاوروبي هو اعتمادي اوي بس انا كده محتاج 35 الف كمان عشان اصلح

**enazaky** · 14-05-2013 12:31 AM

المشاركة الأصلية كتبت بواسطة ahmedalaahosny

والله انا مابطيقهاش اساسا بس اهي المنتشرة وعم عبده البقال يشتغل فيها وقطع غيارها عند عم عبده البقال برده لكن البونتو محتاجة ناس فاهمة ده رايح فين وده جاي منين كعادة كل الاوروبي علي فكرة انا برده عايز اشتري علي 35الف وعامل موضوع http://www.nilemotors.net/nile/355745-a.html وكنت شايف ف الابيزا 94 متطلباتي بس حسيت انها قطع غيارها برده غالية وانا لسة ماطلعتش رخصة فهخبط واكسر كتير ف طنشت واستقريت اني اشتري ماروتي 99 بتاعة ابن خالي ب 22 الف واكبر دماغي من وجع الدماغ بتاع الاوروبي هو اعتمادي اوي بس انا كده محتاج 35 الف كمان عشان اصلح

معلش يعنى اية اعتمادية؟
والماروتى دى 800 سى سى
وكمان مفهاش تكيف ومعرفش باور ولا لا ؟

**ahmedalaahosny** · 14-05-2013 12:46 AM

اعتمادية يعني بتحطي قطعة الغيار وانسيها لمدة 4 سنين اما بالنسبة للماروتي دي فقط كمثال لحضرتك لسيارات المدينة اللي انتشرت وقطع غيارها ببلاش عشان كده هشتريها اكسر فيها براحتي وبملاليم اصلحها وان شاء الله لما ابقي بسوق كويس ناوي علي حاجة من الجديد اهو يبقي الواحد حس بطفره