الموضوع: حدائق الاهرام مستقبل ولا الى العشوائية افيدونا

باشا سيبك من كل الكلام شوف انت شغلك فين واسكن جنب المنطقه الي فيها شغلك بس بتبقى حاسس ان شغل مستقر وهتستمر فيه شويه حلوين

وان شاء الله ربنا يقدم لك الي فيه الخير متزعلش على اي حاجه ومتضمنش ايه الاختلاف في الظروف الي جايه

اهم حاجه تبقى جنب شغلك والمنطقه يبقى فيها خدمات ومدارس للولاد

المشاركة الأصلية كتبت بواسطة حماده المصري

باشا سيبك من كل الكلام شوف انت شغلك فين واسكن جنب المنطقه الي فيها شغلك بس بتبقى حاسس ان شغل مستقر وهتستمر فيه شويه حلوين

وان شاء الله ربنا يقدم لك الي فيه الخير متزعلش على اي حاجه ومتضمنش ايه الاختلاف في الظروف الي جايه

اهم حاجه تبقى جنب شغلك والمنطقه يبقى فيها خدمات ومدارس للولاد

الله يطمنك :)

انا يعتبر ساكن فى وسط القاهرة وشغلى فى الدقى , وسط القاهرة لعنة من الزحمة والدقى اسعارها عالية جدا بالتأكيد

المشاركة الأصلية كتبت بواسطة terrible_darsh

الله يطمنك :)

انا يعتبر ساكن فى وسط القاهرة وشغلى فى الدقى , وسط القاهرة لعنة من الزحمة والدقى اسعارها عالية جدا بالتأكيد

مش عايز اقولك فكر في الهرم او فيصل عشان نفس اللعنه بالضبط

ولكن انا دلوقتي بقيت بستخدم الحقيقه المترو اه هو زنقه وحر وخنقه ولكن افضل بكتير من اللطعه في العربيه والركنه والهري ده

مش محتاج انت تبعد عن شغلك صدقني غلطه بشعه

وسط البلد المترو سالك للدقي في 10 دقايق تبقى في الدقي ونفس الكلام وانت راجع 10 دقايق وفي عز الزحمه اه بتاخدهم قرف شويه ولكن يظلوا 10 دقايق في مقارنه 30 دقيقه مقرفه في الزحمه والركنه


لو عايز تاخد في الهضبه ممكن تحاول تختار شارع جانبي وقريب اكيد الشارع ده مش هيبقى زحمه وملقف تكاتك زي الحتت الرئيسيه

ممكن تخليك زي ما انت وتفكر في الشقه الجايه تبقى استثمار وممكن تاخد في اكتوبر هتلاقي حاجات كتير حلوه واكتوبر مش بيئه ولسه قدامها كتييير اوي عشان تتزحم او تتقفل والجو ده وتقسيمه الشوارع حلوه جدا تعرف تخلع من الزحمه في اي وقت وعندك اكتر من طريق يوديك لمكان واحد

المشاركة الأصلية كتبت بواسطة inspiron

أنا مصاب بإحباط وحسرة بعد قراءة الردود بتاعتكم
أنا لسه شاري في حدائق الأهرام شقة 195 متر البوابة التانية
في تاني شارع بعد حسني الكبابجي.كنت فرحان بيها..دلوقتي بعد ما شوفت ردودكم قفلت منها

السلام عليكم ورحمه الله
اخى العزيز سوف انتقل الى حدائق الاهرام فى نهايه شهر يونيو بعد ان ينتهى الاولاد من الامتحانات.
فيه حد ابقى جاره ويحس بالاكتئاب - انا بعديك بشارعين لاننى رابع شارع يمين بعد شارع البوابه.
ممكن تقول لى فى نقط واضحه لماذا قفلت من حدائق الاهرامز
تقبل تحياتى

المشاركة الأصلية كتبت بواسطة koshary

من خلال اللى انت قولتله الحدائق عندنا افضل حل من وجهة نظرى بص تعالى اتفرج على منطقه ز فى اخرها من ناحية

شارع الجيش والدائرى المنطقه دى كلها فلل وشوارع هادية جدا والله مش هتندم انا ساكن هناك والمنطقه هادية اوى

ومفيش محلات والشوارع كويسه ممكن تدفع ال 80 مقدم وتقسط الباقى على 50 شهر وتستلم بعد 4-5 شهور لسه

واخدين لابن خالى فيها ....

للعلم انا ساكن على الضغط العالى والمنطقه كويسه مفيش غير كوافير قدامى ومش بيعمل دوشه خالص ولا بيجيلو

عرايس حتى ومفيش محلات جنبى نهائى لاننا قريبين من المول وشارع 5 أ اى محل بيفتح بيتقفل علطول لان مش

بيمشى ...

و الله أنت أستاذ. كل المطلوب من صاحب الموضوع يبعد عن الشوارع الرئيسية و تشتري في عمارة فيها جراج عشان تضمن ركنة لعربيتك و كمان ما فيش محلات تحت عمارتك. ال 80 ألف مقدم معقول لشقة 125 أو 140 متر. و لازم تشتري من واحد عمارته خلصانة تمام أو علي الأقل بني دورين تلاتةو ابعد عن الشركات و المكاتب و الأسعار اللي ب 1000 جنيه و 1100. اتمشي كده لوحدك و شوف المناطق اللي جوا و بعيد عن البوابات عشان تبعد عن الزحمة و الزبالة اللي الناس بتتكلم عليها. و الله أنا ساكن في منطقة أ و مع ذلك لو صورتلك الشارع بتاعي هتتوهم و ما فيهوش و لا محل عشان الشارع جوا خالص. و أنا كنت قاصد أجيب جوا خالص مع أني شاري من حوالي 8 سنين لأني كنت عارف أن الزحمة هتعمل أكتر من كده. لكن طبعا الشوارع مكسرة و ان شاء الله لما الغاز يخلص هتتظبط و السور قارب علي الانتهاء.

المشاركة الأصلية كتبت بواسطة |mostafa|

بكام والعمارة فيها اسانسير ولالا وساكنة ولالا

يمكن نشتري معاك وميجيلكش احباط ونقعد سوا :)

المنطقه التى يمين البوابه الثانيه اسمها هـــ وهى من اجمل المناطق فى الهضبه لان الخدمات كلها متوفره بها ومرتفعه عن باقى الهضبه يعنى ممكن لون انت شقتك عاليه شويه تشوف الاهرامات بفيو رائع مثلما عندى.
الاسانسير اساسى فى جميع العمارات
ايضا اذا احببت مساعده ففى العماره جيران لهم شقق معروضه للبيع بها عدادات كهرباء
ابلغنى على الخاص

انا بروح الشغل بالمترو بسبب الزحمة ده شيء اكيد

اخواتى كلهم فى الهرم بس للاسف الهرم العن والعن بكتير جدا من وسط القاهرة مقدرش اسكن هناك

ممكن الفترة الجاية لو تابعت تحسن فى حدائق الاهرام اتكل على الله واشوف هناك

شكرا لكل شخص بيحاول الافادة , جزاه الله خير :)