الموضوع: حدائق الاهرام مستقبل ولا الى العشوائية افيدونا

كل اللى هقدر اقوله ان حدائق الاهرام بالنسبة للاسعار حاليا كويسه اوى اوى لان السور بتاع المدينة خلص 80 % منه وجارى العمل مش هيبقا للجمعيه اللى ماسكه المنطقه حجه لدخول الحرامية وسرقة السيارات

وفى خطه لوضع كاميرات على ال 5 بوابات زى الرحاب بالظبط وتم التعاقد مع شركات نظافه الاسبوع اللى فات تابعه للحى وتم عمل فرع خاص لحى الهرم داخل المدينة ... وحاليا الشوارع فى الضياع بسبب الغاز والمياة لاكن كا مستقبل

لحد الان مش باينلها ملامح لو هتسكن اسكن فى مناطق بعيده عن الشوارع الرئيسيه وبالنسبالى احلى منطقه دلوقتى منطقه ز لان مفيش محلات هتفتح فيها كتير لانها قريبه من المول فى نهاية المدينة ومافيهاش شوارع رئيسيه

كتير شوارعها واسعه وهاديه عن بقية المناطق وحاليا فى عربيات سوزوكى فان صغيره موجوده فى الموقف وده دليل كويس ان ممكن مع الحديث مع المسؤلين انه يتم عمل مناقصه والغاء التوكتوك من الاساس وممكن تفضل على

نفسى الحال بس وجود العربيات يدل على ان فيه نيه للالغاء التوكتوك وفى ناس اصحاب تكاتك باعوه واشترو عربيات طبعا الخدمات كلها موجوده جوه المدينه انا سمعت كلام كتير عن المية انها مش صالحه للشرب بس فى ناس كتير

ساكنه وبتشرب منها وعادى جدا وانا دوقتها زى اى مية فى مصر ومركب عندى فلتر 4 مراحل من امريكا وزى الفل وبالنسبه للكهرباء دى مشكله صاحب العماره انما فى المدينه مفيش اى مشكله فى الكهرباء وطبعا كل ماهتسترخص

فى سعر المتر وانت بتشترى كل ماهتتعب بعد كدا فى دخول العداد والخدمات للعماره وهكذا يستحسن تاخد حد معاك معرفه ساكن فى المدينة ويعرف اصحاب عقارات كويسين وتشترى منه حاليا سعر المتر من 1100 - 1400 كاش .

للشقق الخلفيه و 1200-1700 كاش للشقق الواجهة على حسب موقع العمارة والقسط بيزيد 100 جنية على المتر .. ممكن تدخل على جروب المنطقه على الفيس بوك وتشوف الوضع بردو عامل ازاى .... انا بفكر اسيب المنطقه

ومتردد بس فى نفس الوقت الاسعار فى المناطق الاخرى عاليه اوى ...

ده تحقيق كان عامله الاهرام عن مشاكل حدئق الاهرام.

حدائق الأهرام‏..‏ مدينة أتلفها الإهمال‏!‏ - الأهرام اليومي

انا شايق ان ليها مستقبل لو بس ظبطو موضوع التوك توك و حتى لو متلغاش هيتظبط حالها عن دلوقتى لما يخلصوا الغاز و يعيدو السفلته و اول ما السور يكمل و الغاز يخلص اعتقد سعر المتر فيها هيزيد و هى منطقه سكنيه كويسه و دلوقتى فى محلات بدات تفتح فى كل حته فيها ده برده هيعمل حس فى المنطقه بدل ما كانت مدينه اشباح :d

مش عايز احبطك! لكن مضطر

انت عشان تجيب حتة شقة في مصر تكون معقولة في مكان جيرانك ميبقوش فيه حرامية ولابلطجية وتفرشها فرش معقول مش افخم حاجة

حضرتك محتاج 450 الف جنيه.

ودا مكان معقول على قده مش فخم ولاراقي....

دا ملخص الكلام عشان متتعبش نفسك وتضيع وقتك وفلوسك في اللف.

حدايق الاهرام سكانها ندموا للأسف والشروق غليت جدا وكمان مش عمار زي مانت متخيل يعني هي اول بوابة بس واوقات وجود الطلبة في الكليات اللي هناك غير كدا بتبقى هووووو دا غير طبعا انها مش راقية ولاحاجة

لانه ببساطة مبيفصلش بينك وبين المساكن بتاعت الناس اياهم اكتر من كيلو ولا كيلو ونص...يعني اي هوجة زي بتاعت الثورة هتتقلب ياحلو.

نصيحتي ليك انك متفكرش في موضوع الشقة لانك هتتجنن او هتتعقد زي حالاتي وتسكت في الاخر :(