الموضوع: هل الهوندا سيفك مناسبة بالنسبة لكونها اول عربية ليا ...؟

المشاركة الأصلية كتبت بواسطة SAMEH_FOUAD

اللى الاستاذ صاحب الموضوع

شوف ياباشا الهوندا سيارة محترمة جداااااااااااااا , فوق مااى حد يتخيل هقولك مميزاتها وعيوبها بكل امانة

اولا : المميزات :

1- شكل رياضى جميل جدااا

2- واسعة

3- سريعة جدااا

4- ثباتها عالى قوى

5- اعتمادية جدااااااااا(مابتعطلش بسهولة ابدااا)

6- قطع غيار متوافرة ( جديد اصلى فى التوكيل وخارج التوكيل - جديد يابانى - تايلاندى - استيراد )

7- الصاج بتاعها كلة موجود جديد تايوانى واسعارة ممتازة ( ابواب - رفارف - فوانيس - اكصدامات )

8- السيارة بتستهلك بنزين 190-200 كيلو فى الصفيحة داخل المدينة و 320 لتر على الطريق السريع

9- عزل كويس جداااااااااا

10- سعرها ثابت بل بالعكس بيغلى يوم عن يوم ( يعنى لو انت مثلا شوفت واحد كان مشترى Si من 7 سنين هتلاقية كان جايبها ب48 الف الى 50 الف جنية , دلوقتى بعد مرور سبع سنين بتعمل من 50 الى 55 الف جنية وفية ناس بتطلب 60 الف جنية بعكس اى اى عربية تانية سعرها بيقع بسرعة جداااااااااا

11- العربية مطلوبة جدااا وناااااااااااااس كتير نفسها تركب هوندا الموديل دة بالذات

12- العربية فيها كل الاوبشن اللى انت عايزة ( سنتر - انذار - فتحة سقف - تكييف قوى - اربعة زجاج كهرباء مع كنترول تحكم للسائق - فوج لايت - باور - قفل امان للاطفال - امكانية طى الكنبة كليا لتوسيع الشنطة - فرامل ديسكات - ساعة - مسند يد امامى - حامل اكواب - اماكن تخزين كتيير اوى - 4 سماعات )
فئة ال Si الموجودة فى مصر ولكن النسخة الامريكى ودية هتلاقيها كتير وموجودة وفيها الاتى زيادة
(2airbags- abs-multi function- cruise control-ebd )

عيوب السيارة :

1- قريبة من الارض كحال كل السيفيك واعتقد مابقاش عيب دلوقتى لان 75% من سيارات مصر الان تقريبا فى نفس معدل الانخفاض

2- السقف من الخلف واطى شوية فلو واحد طولة زيادة عن 185 سم راسة ممكن تخبط فى السقف

3- مش اى ميكانيكى بيفهم فيها لازم ميكانيكية متخصصين ( والصراحة دية ميزة مش عيب ) ان مش اى صبى ب2 جنية يمسك عربيتك يصلحهالك بس تعمل اية بقى فى تفكير الشعب المصرى

4- للاسف قطع غيارها مش منتشرة فى المحافظات يعنى هما ( القاهرة - بورسعيد ) اللى فيها قطع الغيار بوفرة جدااا وكمان الفنييين , لكن فى المحافظات لأ

5- العربية عشان تركب الحاجة وتنساها : ابعد عن قطع الغيار التايوانى خليك فى الاصلى او اليابانى هتركب الحاجة وهتنساها

دية كل حاجة عن الهوندا بكل امانة والاعضاء ممكن يأكدوا كلامى عادى جداااا يعنى اجماع من جميع مالكين الهوندا

واى حاجة او سؤال اتفضل

يا ا/ سامح الف شكر علي المعلومات دي وانا الصراحة كنت مقرر ان شاء الله وبعد مشيئته طبعا ان اجيب هوندا 93 وخاصة بعد المقالات اللي قريتها هنا وبعد المواضيع الجميلة اللي انت والاعضاء عملينها وبتشكروا فيها بس الناس لما دخلت وعملت الموضوع جابوا لي احباط وقالوا لي متجبهاش عشان قطع الغيار واعادة البيع وانا الصراحة مع اني لا من القاهرة ولا بورسعيد من الدلتا وتكاد تكون قطع غيارها منعدمة بس لي اقاربي كتير في بورسعيد وقالوا لي كل حاجتها متوفرة
وانت عارف لما تكون مختار حاجة وييجي ناس تقولك حاجات وعيوب ويطلعوا ان العربية ملهاش ولا سوق ولا قطع غيار اكيد هتتردد في الشرا

الاهم يا ا/سامح انا كنت عاوز اعرف سعر الـ
ex
si
el
عشان الميزانية واكون عامل حسابي علي رينج معين في الفلوس ( رحم الله امرئ عرف قدر نفسه )
فياريت تقولي اسعارهم بتكون ايه في السوق الله يبارك لك
والف شكر يا باشا علي معلوماتك دي

المشاركة الأصلية كتبت بواسطة habd

ازاى يا اخوانا الهوندا 93 -94 قطع غيارها مش منتشرة فى بورسعيد انا مجربتش اشترى بس عندى كذا صاحب معاهم الموديل ده تحديدا بس منطقة حرة و اخر حلاوة و جمال ف التزبيط و قطع الغيار و مبسوطين و تمام التمام دا فيهم منهم واحد شذ و جاب اوبل استر 96 و طالع عينه ف قطع الغيار و ندمان انه مجابش السيفيك زى بقية اصحابنا
يمكن حضرتك قطعة الغيار تحديدا اللى كنت بتدور عليها ناقصة او نادرة شوية عادى بتحصل ف اى عربية انما القطع الاستهلاكية متوفرة و قطع التزبيط كمان متوفرة
و لاخونا صاحب الموضوع عشان ما تتعبش اى عربية استعمال اهم من الموديل هو الحالة عشان متطلعش عينك

ربنا يطمنك يا باشا والله العربية دي مع اني مركبتهاش خالص بس ليها طعم مميز انا من عاشقي الهوندا بس مركبتهاش كفاية ان الواحد بس بيشوف حرف h علي العربية وهي ماشية عربية فعلا سابقة زمنها
انا من كتر ما جالي احباط بعد ما عملت الموضوع وناس قالوا لي ملهاش قطع غيار وهتتعب في بيعها قفلت النت وقمت وفضلت متضايق طول اليوم بس الحمد لله

المشاركة الأصلية كتبت بواسطة tawdeeb

علشان موضوع قطع الغيار الى مش موجود بتفرق من حد لحد ممكن حد يروح يشوف قطع غيار ويلئيها غالية او مش عجباة يروح لتانى يئولة مش موجود او مش كل المحلات عارفها فلما تيسئلة يئلك مش موجودة انا غن نفسى وطول عمرى سايق هوندا عمر ما اى حاجة اى قطع غيار ليا او لصحابى معرفتش اجبها من قطع غيار موتور لاى حاجة برة فى الشكل الخارجى رفرف شمال يفرق بس ممكن متلاقيش يابانى بتاعها فتروح تجيب تايوانى او من بنك الاسكان او تستنا يومين وترجع تجبها لكن قطع غيار من اول 90 لحد الموديلات الحديثة كلة كلة موجوود فى بورسعيد

تسلم يا نجم العربية دي فعلا جميلة جدا ولا تقدر بزمن مش عشان موديل التسعينات تبقي خلاص طيب ما اغلب الميكروباصات اللي بنسافر بيها اسكندرية القاهرة وكل البلاد موديلات تسعينات وماشاء الله لسه بتجري كل يوم بين المحافظات فعلا مش شرط انها موديل 93 تبقي خلاص راحت عليها وعندك البيجو ال 7 راكب مهو موديل السبعينات ولسه بردوا علي الطريق كل يوم بيسافر بين المحافظات انا شخصيا شايف انه مش مقياس موديل العربية ممكن تلاقي عربية 2008 وحالتها طين ولما تشوفها تحس انها موديل ستينات

المشاركة الأصلية كتبت بواسطة tarekomar66

تسلم ايدك يا موحه :s_thum1[1]::s_thum1[1]::s_thum1[1]:
الاخ العزيز صاحب الموضوع ياريت تصلى استخاره الاول وربنا ان شاء الله هايهديك للافضل

ان شاء الله طبعا هستخير ربنا سبحانه وتعالي
اشكرك يا باشا

المشاركة الأصلية كتبت بواسطة SAMEH_FOUAD

معلش مع احترامى لكل اراء الاعضاء , محدش يعرف حاجة غير ملاك العربية , اة ممكن اى حد يقيمها يقولك مميزاتها وعيوبها لكن هيجى عند قطع الغيار واسعارها وعمرها وتسأل فيها ملاك العربية

- سعر الel ودية اقل اوبشن ( الفاضية ) : من 33-36 الف جنية

- سعر ال ex ودية ( half option ) : من 38-42 الف جنية

- سعر ال si دية ( full option ) : من 46- 53 الف جنية وهتلاقى منها ازيد من كدة فى السعر بيكون على حسب التعديلات والاضافات اللى فيها

عاجز عن الشكر يا عم سامح وان شاء الله طبعا بعد ما اصلي صلاه استخارة لو فيه نصيب بإذن الله ممكن تدلني علي اي حد بيبيع ex لانها تقريبا علي اد فلوسي
وجزاك الله كل خير
( يا عم الحج ده انت عامل مجهود للهوندا مش عامله التوكيل ذات نفسه والله لو الشغل بتاعك ده اتعمل من التوكيل الهوندا هتكون رقم واحد في مصر )

على فكرة انا معايا هوندا 2008 وبدور بئالى شهرين على هوندا 2009 نضيفة فانتا متسعجلش ودور على عربية كويسة ولو وقعت فى 2009 ابقى عرفنى :)