باركولي يا شباب بعد عناء جبت النترا 2007 هاي لاين
الأول ازيكم يا شباب
الحمدلله بعد لف فترة طويلة ربنا كرمني وجبت العربية اللي كنت بأدور عليها
النترا 2007 لونها أسود هاي لاين رشة جنبين نضافة و عاملة 70 الف كيلومتر
العربية حالتها فعلا كويسة ما شاء الله
فيها جنوط سبور 16 الأصلي و abs و ايرباج و تكييف تتش و تارة ملتي
و طبعا جراب نضارة و مخدع أمامي و مخدع في الكنبة الخلفية مع حامل أكواب
كمبيوتر رحلات و فتح الشنطة من الريموت و من الداخل و فوج لايت و كرسي سائق هيدروليك (بيعلى و يوطى)
كاسيت دبل دين تاتش سكرين (متركب) فيه بلوتوث و جي بي اس و شاشات في المخادع
أنا كان بقالي حوالي 3 شهور بأدور على النترا 2007 أو 2008 بالمواصفات دي و حالتها كويسة
و كنت عامل موضوع هنا بخصوصها و ده اللينك بتاعه
http://www.nilemotors.net/Nile/344678-2007-2008-a.html
أنا كان معايا اكسنت 2005 و بعتها و جبت دي بصراحة فرق كبير
أنا محتاج أعرف منكم يا ملاك الالنترا أيه اللي مفروض أعمله أو أغيره في العربية
و شكرا لاهتمامكم