الموضوع: ماوظيفه شاشه المعلومات بالفيكترا b1

طب يا استاذ فادى ممكن معلومات اكتر عن تركيبها بعد اذنك مثل التكلفة والمكان وكم الحساسات اللى لازم تركب معها

مشكور مقدما

المشاركة الأصلية كتبت بواسطة mohammed_memo

انا مركبها عندى وشغاله
بالنسبة للمعلومات :
1- ستوب واتش
2-متوسط استهلاك اللبنزين الحالى
3-معدل استهلاك للبنزين
4- طول الرحله
5- استهلاك البنزين فى الرحلة
6- عدد الكيلو متر للكمية البنزين الحالى ودى بقى ما كمية البنزين اللى فى التنك تمشيك 50 كيلو يظهرالك لوحده
7-السرعة
8-درجة الحرارة
اما بالنسبة للاعطال:
1- كمية المياه بتاعت الردياتر (طبعا مش شغاله ولا القربة موجوده حتى )
2- كمية المياه بتاعت المساحات (نفس الكلام اللى فوق)
3- الكشافات الامامية والخلفية (نفس الكلام اللى فوق)
4- تيل الفرامل ودا بقى ملهوش فيش اصلا واكيد التيل نفسه هيبقى غالى
5- زيت الموتور وبردوا ملهوش حساس ولا فيشة فى الضفيرة
كل الاعطال دى ممكن تتلغى عادى بس مش بتفرق انت بتمشيها بالدراع اللى وررا الطارة
الاعطال اللى حصلت وظهرت لما حساس ال tps فصل جابلى على الشاشةautomatic transmission
دا كل اللى فيها مافيش حاجة تانى

وزي ما قال محمد بالظبط. عندي نفس الحكاية
بس بتحسب استهلاك البنزين غلط. يعني لما تكتب اني استهلكت 40 لتر. اروح افول الاقيهم 30 لتر بس
هي عندي بالانجليزي تماما . بس المشكلة ان علشان مافيش حساسات. كل ما اشغل العربية الشاشة تقف على كلمة Oil leak ولازم اغيرها بنفسي من الزرار علشان مثلا اجيب درجة الحرارة.
انا مركب الشاشة ودراع المساحات اللي فيه ازار التحكم بس ده كان من فترة طويلة حوالي 4 سنين. كنت تقريبا واخد الشاشة ب 200 والدراع ب 100
هي كشكل جميلة واحلى من الصغيرة
بس كاستفادة مش هي اللي تتوقعها
انا بستخدمها كتير ككومبيوتر رحلات واستوب ووتش غير كدة مالهاش اي لازمة. لأن حساب البنزين غلط.
على الرغم في عربية تانية بتاعة صاحبنا محمد مختار كانت بتحسب استهلاك البنزين صح جدا

عندى راكبه ونفسى أشغلها بجد

واقفه على تاريخ قديم ودرجه حراره زيرو