غش تجارى من غبور

**kazamodia** · 13-05-2013 04:00 PM

المشاركة الأصلية كتبت بواسطة reda elgohary

ياباشا قل الحمد لله أنها جت ع أد كدة ،،ويمكن بعد فترة ربنا يصلح حال البلد ونعرف ناخد جزء من حقوقنا،،،وربنا يولى من يصلح .

**hilal** · 13-05-2013 04:03 PM

هي دي الجريمة الكاملة
لا يوجد أي دليل على الحرامي غير اقوال الضحية
يمكن مع تكرار الجريمة واحد يقفشه

**emad_2020** · 13-05-2013 04:35 PM

شئ مضحك كتير قلنا القديم بيحصل فيه نصب ومفيش احسن من الجديد طلع الجديد كمان فيه غش ونصب
يبقا ليا حق اضحك صح
ربنا يعوض عليك ويكفيك شرها

**Samah AbdAllah** · 13-05-2013 07:49 PM

المشاركة الأصلية كتبت بواسطة hazemsabry

(تذكير بسيط بالمشكلة : عربيتى فيرنا 2011 عامله صيانة ال 1000 كم فقط العداد عامل 36000كم الصيف ده لقيت التكيف ضعف رحت لمركز صيانة عادى جدا الفنى اللى هناك قالى السربنتينة فيها لحام حسيت إنى هايغمى على من المفاجأه )
المهم رحت توكيل غبور وقلت للمهندس انا مش بدور على الضمان ولا على صيانة ولا إنكم تصلحوا التكييف مجانا أنا إتعرضت لعملية غش تجارى من الدرجة الأولى .قال المهندس :للأسف أنت خارج الضمان ولو فى مشكلة حصلت وأنت فى الضمان غبور مابيصلحش غبور بيغير علطول

(صلاه النبى أحسن)
أنا إتسرقت يا فيرناوية

هو حضرتك معملتش صيانة للعربية خالص من صيانة الالف ؟

اسمحلى حضرتك حط نفسك مكان المهندس
عميل اشترى عربية ومش بيعمل صيانة فى مراكز الصيانة
وجه بعد 36000 وقال السربنتية فيها لحام من عندكم
هتصدقه ازاى ؟
انا مش بدافع عنهم اطلاقا بس بتكلم بالمنطق البشرى

**elsheikh2010** · 14-05-2013 12:31 AM

بعد معايشتي للفيرنا تقفيل مصري أقدر و أقول بكل صراحة أحنا ضايعين ضايعين ضايعين دايما بنبوظ الطبخة على شوية ملح أنا اتحدى اي واحد في المنتدى هنا معاه فيرنا التقفيل المصري مابيشتكيش من أصوات طالعة من عربيته عاملة زي مراجيح مولد النبي لدرجة اني بطلت اركز مع العربية خلاص بالرغم من انه ناقص انيم العربية جنبي على السرير وبرده بتطلع أصوات

**Ashraf_Ibrahim** · 14-05-2013 03:31 AM

الموضوع صعب شوية
لكن تقدر تثبت ان العربية فابريكة ومرشتش خالص الاكصدام الامامي او الرفارف او الكابوت
ومن ثم لم يحدث ما يستدعي لحام السربنتينة
وعليك وعلى جهاز حماية المستهلك بقا
متسيبش حقك