ارجو المساعدة فى سيارة فليشيا ناوى اشتريها

**sakr_skoda** · 15-05-2013 05:49 PM

المشاركة الأصلية كتبت بواسطة ضى القمر

توكلت على الله وقلت اروح اشترى الفليشيا لقيتها اتباعت النهارده ملقيش نصيب فيها

ياراجل بعد كل دا حرام عليك والله التردد اكبر عيب يصيب الانسان تعرف انا اشتريت عربيتى دى ووالله ما كنت اعرف يعنى ايه عربية وازاى اعرف انها سليمة ولا معيوبة كنت مع واحد سمسار دوخنا فى السوق ملقناش حاجة قالى تعالى نوصل مشور لواحد صحبى ليه عندة طلب بعدين اروحك روحنا لصاحبة قلنا ايه ملقتوش عربية فى السوق قولنا لاء قال طيب ما تشترى العربية دى اسكودا مكنتش اعرف يعنى ايه اسكودا فليشا ولا فيفورت ولا كومبو اسكودا وخلاص قلت هى للبيع قال اه ناده على صاحبة العربية فى العمارة قالها انزلى فى ناس عاوز تتفرج على العربية صاحبى اللى ماشى معايا (السمسار) قال لا العربية دة مش مظبوطة سالته ازى عرفت قال كدا وخلاص قلت له ركبتها دورتها مشيت بيها ازاى تحكم على حاجة من غير ما تفتح كبودها وتكشف عليه ففى اللحظة دى صممت انى اخدها والحمد الله خلصنا ودفعت الفلوس وبقيت 1000 لجنبة لحين احضار التوكيل وشهادة البيانات وشهادة المخالفات وتانى يوم بعتتهم ودفعت ال 1000 جنية واهى دلوقتى حبيبتى وصديقة كفاحى فيفورتى الشقية وربنا كرمنى والحمد الله....

فى حد يشترى عربية بالطريقة دى !!!!!!!!!!!!! اه انا لنى دايما باتوكل على الله وفلوسى متأكد انها حلال 100% ومؤمن بانه لن يصيبنا الا ما كتب الله لنا.... وعلمت يقينا ان رزقى فى السماء لن ياخذه غيرى فطمأن قلبى....