الموضوع: تحذير شديد جدااا من قطع الغيار

اخواني الاحباء
بصراحه موقف خصل امبارح قدام الواحد مش قادر اقوله
هو اني توجهت امبارح الصبح عند التاجر بتاعي بتاع قطع الغيار الصبح قبل ماروح المركز
توجهت صباحا لشراء قطع غيار من عنده و الحمد لله منذافتتاح سبيد سيرفيس و علي مدي التعامل لمده 4 سنين لم يحدث مشكله في قطع الغيار حيث ان الراجل موزع معتمد لغبور و اهم حاجه عنده اسمه و سمعته
فدخلت المحل كما اني متعود و جلست علي المكتب عنده لاني كنت محتاج اشرب كبايه شاي الصبح
و كان في شاب حاطط بضاعه علي البنك بتاع البيع عنده كانه بيفرجه عليها فبصراحه لم اهتم
فقال مداعبا ايه رايك يا هندسه في قطع الغيار دي
فقمت و اتفرجت علي الحاجه منهم اطقم دبرياج - كاتينه وسيور و بلي كاتينه - بستم - شمبر -- فلاتر
و الحاجه كلها genuine parts فرديت السعر و صل كام دلوقتي علشانى احنا بنلاقي الاسعار كل يوم برقم
قالي طاب شوف كده الحاجه تاني بصيت و مافهمتش هو قصده ايه و هنا قالي المفاجاءه اللي قلبت بطني علي الصبح
دي حاجات كلها مغلفه مش اصلي ولا نيله !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!
يا نهار اسود
وهنا فتحت بقي و تنحت ونزل عليا سهم الله
فقلت له انت عرفت منين قالي الراجل هو الللي قالي ناهيك طبعا عن سعرهم اللي هو 20% من تمن الاصلي فرد الكلب اللي جايب قطع الغيار لا يا باشاااا
اي حاجه علي مسوليتي و انا اضمنها برقبيتي
فقاطعه الراجل صاحب المحل لا يا عم خد بضاعنك و امشي انا مابشتغلشي في الحاجات دي المغلفه ولا المضروبه
و رحت قايم قعدت اقلب في الحاجه لقيتها انك لو عندك شويه ممكن تبيعهم للتوكيل نفسه و يتخموااا لقيتهم هم هما بالاختاه و الطباعه و الكيس و كل حاجه مفيش اختلاف
طاب دا انا الراجل اللي اشتغلت في التوكيل 7 سنين و و اتعملت مع عربيات اد شعر راسي بره في المركز
امال الشخص العادي يعمل ايه !!!!
انا بنقل التجربه لعده اسباب
اولا انا بلاقي بعض الاصدقاء هنا بيشتروا قطع غيار باسعار مش ممكن وب بيقولوا اصليه و انا بصراحه بشد شعر راسي من الاسعار دي ازاييي
تاني حاجه لازم نتاكد من التاجر او المصدر تماما
و برضه في ناس لسه كويسين و مش شرط اسم المحل ايه ولا الكلام دا يبقي يعني خلاص اشتري و انا مغمض
اترك لكم التعليق و اتركككم ورعايه الله

المهم وايه الحل!!!! يعنى واحد زيى معندهوش فكره على الميكانيكا يعمل ايه