الموضوع: محتاااااااار ..مرسيدس ولا فولكس فاجن ولا سكودا؟؟

السلام عليكم يا جماعة

ده يعتبر اول موضوع ليا في المنتدى بما اني قررت اشتري عربية باذن الله بس محتار ومحتاس حوسة السنين

الموضوع باختصار اني عايز اشتري عربية وهجيبها بقرض بنكي يتسدد على 7 سنين فانا عايز عربية تكون من الاخر انساها طول الفترة اللي بسدد فيها القرض ده الا لو شاء الله اني اضطر ابيعها لاي ظرف من الظروف

العربيات اللي محوساني هي :
1- سكودا اوكتافيا A5 موديل 2007 ودي تقريبا تمنها عامل ما بين 90 و 100 الف كاملة من غير فتحة سقف
2- مرسيدس B150 موديل 2007 وهي كاملة من كله وهي تقريبا عاملة ما بين 120 الف لحد 130 الف
3-فولكس باسات 2007 كاملة من كله وهي تقريبا عاملة نفس رينج المرسيدس بس اقل حاجة بسيطة

الأسعار دي على حسب ما بشوفه على مواقع بيع العربيات على الانترنت..

عارف اني مختار عربيات عالية في التمن خصوصا اني هاخدها بقرض من البنك وكمان مستعملة مش جديدة بس من الاخر عايز اركب عربية نضيفة جدا وارتاح فيها وانساها

انا كنت عايز رأيكم انهي فيهم الاحسن من ناحية الفخامة والاداء وراحة البال والاوفر في التراخيص وقطع الغيار وانهي احسنهم في اعادة البيع لا قدر الله خلال فترة القرض وانهي اللي تعيش معايا من الاخر والعربية متخلنيش ابص لعربيات تانية

ياريت يا جماعة اللي عنده معلومة يقدر يفيدني بيها ما يبخلش عليا لاني نازل اجازة اسبوع بداية من النهاردة وكنت عايز اجيبها في الاسبوع ده وخصوصا ان ربنا قدرني بواحد في بنك ممكن يخلصلي القرض تاني يوم ما اروح اعمله

بالنسبة لاغلب. العربيات ف السوق ورق يعني صاج تعبان وانا عايز ابعد عنهم طب ايه الانواع التانية المتاحة وكمان ميزة العربيات اللي محيراني دي انك ركب قطع الغيار وانساها سنييييين خصوصا اني مبحبش الجري وكمان هستعملها اسبوعين ف الشهر كله
متشكر اوي علي ردودكم ونفسي حد يجيبلي من الاخر