كورسا & بولو & لانوس

**SMHFAHMY** · 14-05-2013 05:01 PM

بسم الله الرحمن الرحيم

بجد والله انا اضطلعلت على مشاركات كتييييير للاعضاء هنا وعجبتنى اوى واتمنى انكم تقبلونى زميل ليكم فى المنتدى

من الاخر انا على الابيض !!!!!! يعنى معرفش اى حاجة عن الميكانيكا

اخوكم لسه مطلع رخصة جديد و عايز اجيب عربية عشان ترحمنى من المواصلات انا واسرتى الصغيره (زوجتى و حبيبه اللى عندها سنتين تقريبا)

ان شاء الله هاقدر اجمع مبلغ من 30 الى 35 الف عشان اشترى سعيدة الحظ اللى هاتبدأ معايا المشوار ده

محتاج رأيكم المحترم فى الاختيارات اللى انا بفكر فيها وهى كورسا / بولو ولا لانوس

انا مش محتاج عربية كبيرة اوى عشان زى ما قولت ان اسرتى صغيرة كمان محتاج عربية تكون الى حد ما حديثة (يعنى باور و لو امكن تكييف) وكمان موضوع تكاليف الصيانة مهم اوى اوى اوى عشان اخوكم مزنووووووووق

للامانة أنا عرضت نفس السؤال ده على الاخوه فى قسم البولو و أفادونى كتير بصراحة

مستنى رأيكم الكريم فى العربية الاوبل - كورسا

آسف لو كنت طولت عليكم

أخوكم / سامح ابو حبيبه

**فادى محمد** · 14-05-2013 05:14 PM

اهلا بيك ياابو حبيبه...
-المقارنه العادله بين البولو والكورسا.طلع اللانوس دلوقتي
انا شايف ان الكورسا اعتماديه اكتر من البولو من حيث
-سهوله الاصلاح -رخص قطع الغيار-ندره الاعطال
الكورسا 1200 سي سي وجاهزه لتركيب المكيف انما البولو 1000 سي سي
وبتتعب جدا لما تشغل المكيف وبالذات جوه البلد
الكورسا مش بتحتاج باور لان جنطها صغير
شنطتها اوسع من البولو كذلك الكابينه
-الموتور بتاعها هو الاخ الاصغر لموتور الفيكترا واللي بيعتبر
من احسن المواتير اللي نزلت في الاوبل نظرا لقدره تحمله وقله اعطاله
وعلي فكره نفس الموتور برده نزل في الايسوزو الربع نقل من شركه جي ام
سنه 98 بس سي سي اكبر طبعا

-تعالي بقي للانوس , اولا تمنها (الحاله الكويسه) اكتر من 35 الف
اول الاربعينات كده ..
المهم..العربيه دي تكنولوجيا متقدمه جدا (وعلي فكره الموتور وقاعده الشاسيه من جي ام المصنع لاوبل)
حساسات و4 رشاشات وماب وتي بي اس وايدل كونترول وحساس شكمان وحساس كرنك ...كل ده علي موتور
1500 سي سي!!!!!
استهلاكها في البنزين كبير
قطع غيارها سعرها معقول بس مش معمره
-مزاياها عن الكورسا والبولو هو التكييف احسن والكابينه والشنطه اوسع
ربنا يوفقك ,تحياتي

**shaddadfalcon1** · 14-05-2013 05:33 PM

اللانوس معايا وعربيه حمالة اسية وقطع غيارها عند البقالي وفيه الصيني وفيه الأصلي وانت وفلوسك والحمد لله بتعيش معايا

بس هي عشان تجيب عربيه حاله كويسه مش اقل من 40 الف

**hilal** · 14-05-2013 05:35 PM

انا شايف انك بتسأل في المكان الخطأ
مش معقول الواحد يروح عند عشاق ركوب الالماني وأسألهم عن رأيهم في الالماني
ورغم ذلك الاستاذ فادي كان موضوعي بقدر المستطاع
من ركب الالماني لن يرضى بالكوري ، دي الخلاصة

**nagy wassef** · 14-05-2013 09:39 PM

اولا ربنا يخليلك الامورة الصغيرة
ثانيا انا رأى انك اختار على ارض الواقع يعنى متقررش و انت على النت يعنى اللى تقابله حالته احسن فى التلاته هاتها ومتبرمجش تفكيرك على نوع معين و دور الاول
و طالما اول عربية مش هتفرق معاك المانى ولا كورى المهم الحالة و يا سيدى لما ربنا يفرجها بعد فترة ابقى غيرها

**tananybasha** · 14-05-2013 11:24 PM

لو عايز قطع غيار حنينه
و سعر اعادة بيع كويس
و سرعه كمان فى البيع
يبقى لانوس

**nagy wassef** · 15-05-2013 02:31 PM

البولو ال95 اسمها بولو فوكس و هى 1300 و كمان موديلات 96 و 97 و 98 هى 1300 CC من اول 99 1000 cc و ممكن تلاقى بردوا فى 98 1000 و لكن عن تجربة اربع عربيات بولو ال 1300 لا تقارن بال 1000
كمان ال1000 قاعدة الموتور المونيوم بتتاكل و عايزة مياه معينة G18 و مقرفة

اما 1300 قاعدة الموتور زهر فا مافيهاش المشكلة ديه و موتور اقوى و افضل من كل النواحى
احسن بولو فى الموديلات ديه ال 95 اللى هى الفوكس بس صعب تلاقى حالة جيدة
و بالتوفيق