نيسان معدلة بشكل رهيب بس ادمرت !!!!!!

**katkootaya** · 19-08-2008 05:31 PM

هذه صورة للسيارة ذات اللون الأسود نوع (التيما) عندما كانت تتمتع بصحة وعافية لكن أتحرقت بفعل فاعل كما قيل

وأدناه صورة للسيارة نفسها بعد أن تعرضت لحريق دمرها بالكامل وحولها إلى كومة من الفحم والرماد

منقول

**WalidAdel** · 19-08-2008 05:35 PM

لا حول ولا قوة الا بالله
ربنا يعوض عليه

**SHNORY** · 19-08-2008 06:23 PM

سياده العضو الفاضل:
شكرا ليك علي تعبك في نقل الموضوع بس ممكن نعرف ايه وجه الاستفاده منه؟؟؟؟؟؟؟؟؟؟؟؟؟
لو علي وجع البطن فحنا بطننا موجوعه خلقه من كميه الحوادث اللي بنشوفها
وفي الاواخر ظهرت صيحه جديده علي المنتدي كل واحد شايف حادثه ييجي يوصفها واللي شاف جثه ونص جثه وفرده جزمه مرميه علي جنب وهو تخيل انها كانت موجوده جوه رجل بني ادم وبقي جثه
وناس كتير اوي من المنتدي ابدت استيائها من الحاجات دي وظهرت في الاواخر مواضيع لمحاربه الاخبار دي اللي مفيش منها اي فايده غير اثاره الاشمئزاز ووجع القلب
قسم المنتديات العامه مش صفحه حوادث او اوضه عمليات نفتح فيها بطون ونقطع بني ادمين بالعكس دا قسم جميل جدا هدفه اشاعه روح الالفه بين الاعضاء وتبادل الاخبار الهامه او ابدا راي او فتح موضوع معين بهدف ان الناس تشارك فيه
انما عربيه محروقه مش حقدر اشارك غير اني اروح اجيب الطفايه من عربيتي واطفيها او الملم شويه تراب من علي الرصيف وارميهم عليها
والله الواحد من كتر ما بقي بيقرا عن الحوادث بقي لما يعدي علي طوبه بالعربيه ينزل يشوف ايه اللي حصل من كتر ماهو خايف انه يتعمله موضوع والناس تقول العضو شنوري داس علي زلطه قلبته (ربنا يبعد عني الشر انا والموؤمنين اجمعين) ودخل فيه 300 عربيه وجثث هنا وجثث هناك وتصاعدت رائحه اللحمه المشويه والكفته من بين النيران اللي مسكت في العربيات
رفقا باعصابنا يا جماعه احنا محتاجين حاجه تريح اعصابنا وتهديها او حاجه تفيدنا ونشارك فيها
اتمني ان صاحب الموضوع مياخدش كلامي بمحمل شخصي انا بتكلم عموما وانا بهاجم الموضوع مش بهاجم شخص واسف للاطاله
واتمنالكم السلامه
واقدم اعتزاري للمره التانيه
وكل سنه وحضراتم طيبين بمناسبه شهر رمضان

**SHNORY** · 19-08-2008 06:48 PM

المشاركة الأصلية كتبت بواسطة mosso

استاذ شنوري انا معاك في موضوع وصف الحوادث و انه بيعمل روح من الكآبه فعلا و المفروض نقلل منه لان ملهوش مغزى,
بس صاحب الموضوع هنا منقلش حادثه هو كان بينقل سياره متعدله تعديل رائع(في نظري) و لكن من قدرها و من الصدفه انها اتحرقت,
يمكن لو مكانتش اتحرقت كان صاحب الموضوع نقل الصوره في قسم السيارات المعدلّه,
فصاحب الموضوع نقل الصورتين انما هو مش قصده انه يوصف الحادثه

يا باشا انا شكرت صاحب الموضوع علي تعبه في نقل الموضوع ومش بعيب في صاحب الموضوع باي شكل من الاشكال ومش موجهله اي تهكم او اسائه
انا كل عتابي علي الموضوع نفسه مش علي صاحبه
ولو علي موضوع السيارات المعدله كان ممكن نحط اول صورتين وربنا يكفينا شر باقي الصور
بس كنت عاوز اعرف نوع الكاوتش اللي راكب في العربيه دا ايه علشان النار معملتش فيه حاجه
ويا ريت محدش يفهمني غلط
ولو حصل فهم غلط او حصل اني غلطت في حد بدون قصد فانا بعتزر عن غلطي

**bee** · 19-08-2008 07:37 PM

لا تعليق ..

:)

**NaderNabil** · 19-08-2008 08:00 PM

شكرا علي الصور...

ربنا يعوض صاحبها:(

**Noha.M** · 19-08-2008 09:06 PM

Merci 3la el mawdou3 :-) Rabena ye3awad 3la sa7ebha?Sorry for the franco arab as i'm logging on from my mobile........ ( We b3den ma3 el talakeek di !? Khalas ma7adesh taye2 7ad !!) .

-

-

الموضوع: نيسان معدلة بشكل رهيب بس ادمرت !!!!!!

LinkBack

أدوات الموضوع

عرض

-

-

-

-

-

المواضيع المتشابهه

نيسان صني 2005 معدلة تحفة

فيديو رهيب رهيب لازم الكل يشوفه (ريسات بترفع هورس بتاع كيلو)

ايه حكاية النوبيرا بريميم انتشرت بشكل رهيب ايه التفاصيل ؟؟

الدركسيون تقيل بشكل رهيب

لادا معدلة تعديل رهيب تعالوا شفوها بسرعة

الكلمات الدلالية لهذا الموضوع

المفضلات

المفضلات

ضوابط المشاركة