مخدة طبية

**dedi** · 14-05-2013 09:11 PM

عندى مشكلة فى فقرات الرقبة و باعانى من المخدة القطنية حيث غير مستوية حد عندة فكرة عن مخدة تريح الراس و الفقرات طبية او غير طبية بس مريحة من فين و اية اسعارها واية مقاسها
تحياتى لكم

**مزمار وحيد** · 14-05-2013 09:39 PM

حضرتك اذا كنت حدور فى المنتجات الطبية بمعني منتج مستورد لشركة مصمم مخصوص انصحك ممكن تنزل شارع القصر العيني علشان الاسعار هناك بتكون اقل بكثير من الصيدليات الكبيره فى الادوات الطبية وطبعا منتجات مختلفه فى الجوده

وفي تجربة شخصية مع شركة تاكي المصريه طبعا هي شركة تصنيع مراتب واثاث وكمان عندهم موديلات كثيرة من المخدات الطبية وادوات طبية مساعده وعلي فكرة الشركة محترمة جدا جدا فى المنتجات والخدمة وتتفوق على المنتجات المستورده والاسعار غير مبالغ فيها وحضرتك ممكن من الموقع بتاع الشركة تشوف المنتجات واظن ممكن تتطلب التوصيل وكمان الفروع موجوده بشكل جيد فى القاهرة

**Imhotep** · 14-05-2013 09:46 PM

كنت اشتريتها من كذا سنة من تاكى بحوالى 50 جنيه و هى عبارة عن اسفنج مضغوط و فيها زى تجويف بسيط عشان يريح فقرات الرقبة

**mohamed_selim** · 14-05-2013 09:47 PM

شفت مخده من ماده غريبه ناعمه قوى بس بتاخد شكل الرقبه و الدماغ
كانت بحوالى ٣٠٠ تقريبا فى انجلندر فرع مصطفى النحاس
ربنا يعفو عنك ان شاء الله

**dedi** · 14-05-2013 11:19 PM

المشاركة الأصلية كتبت بواسطة مزمار وحيد

حضرتك اذا كنت حدور فى المنتجات الطبية بمعني منتج مستورد لشركة مصمم مخصوص انصحك ممكن تنزل شارع القصر العيني علشان الاسعار هناك بتكون اقل بكثير من الصيدليات الكبيره فى الادوات الطبية وطبعا منتجات مختلفه فى الجوده

وفي تجربة شخصية مع شركة تاكي المصريه طبعا هي شركة تصنيع مراتب واثاث وكمان عندهم موديلات كثيرة من المخدات الطبية وادوات طبية مساعده وعلي فكرة الشركة محترمة جدا جدا فى المنتجات والخدمة وتتفوق على المنتجات المستورده والاسعار غير مبالغ فيها وحضرتك ممكن من الموقع بتاع الشركة تشوف المنتجات واظن ممكن تتطلب التوصيل وكمان الفروع موجوده بشكل جيد فى القاهرة

الف شكر ليك هادور على موقعهم علشان انا فى الاقصر و اعتقد انة مالهمش فرع هنا

**dedi** · 14-05-2013 11:27 PM

المشاركة الأصلية كتبت بواسطة imhotep

كنت اشتريتها من كذا سنة من تاكى بحوالى 50 جنيه و هى عبارة عن اسفنج مضغوط و فيها زى تجويف بسيط عشان يريح فقرات الرقبة

اعتقد انها سوف تكون مناسبة و سعرها كويس
اعتقد انة الاسفنج افضل من الفيبر لانة لما باسافر لفنادق و بانام على مخدة فايبر موش بارتاح عليها
شكرا ليك تحياتى

**dedi** · 14-05-2013 11:29 PM

المشاركة الأصلية كتبت بواسطة mohamed_selim

شفت مخده من ماده غريبه ناعمه قوى بس بتاخد شكل الرقبه و الدماغ
كانت بحوالى ٣٠٠ تقريبا فى انجلندر فرع مصطفى النحاس
ربنا يعفو عنك ان شاء الله

شكرا ليك
ربنا يعفو عن الجميع

**salodas** · 15-05-2013 08:45 AM

ربنا يشفيك ويعفو عنا جميعا :
أشتريتها لزوجتى من 4 سنوات .... شركة هابيتات .... اسفنج طبيعى ... تاخد شكل الرقبة تمام .... قطعة واحدة تكفى لشخص واحد السعر حوالى 350 ج .... بتعيش الى مالا نهاية حسب الأستخدام (اسفنج طبيعى ).
طبعا فيه انواع تانية كتير ... ولكن كبر دماغك هابيتات وخلاص المهم فى الأخر اسفنج طبيعى

**dedi** · 15-05-2013 11:41 AM

المشاركة الأصلية كتبت بواسطة salodas

ربنا يشفيك ويعفو عنا جميعا :
أشتريتها لزوجتى من 4 سنوات .... شركة هابيتات .... اسفنج طبيعى ... تاخد شكل الرقبة تمام .... قطعة واحدة تكفى لشخص واحد السعر حوالى 350 ج .... بتعيش الى مالا نهاية حسب الأستخدام (اسفنج طبيعى ).
طبعا فيه انواع تانية كتير ... ولكن كبر دماغك هابيتات وخلاص المهم فى الأخر اسفنج طبيعى

شكرا ليك هاسال عن هابيتات فى الاقصر اعتقد ليهم توكيل طبعا اسفنج افضل من الفايبر موش باعرف انام علية لما باكون مسافر و كانت الفكرة التى لدى انة المخدات الموجودة كلها فايبر علشان كدة ماكنتش باسال
بس 350 من 4 سنوات دة اكيد السعر زاد على الاقل الضعف موش كتير بردة علة مخدة هاسال و ربنا يستر
و شكرا لاهتمامك