هرش وهكبر رغم ان العربية 2007

**hamdy** · 20-08-2008 11:00 AM

المشاركة الأصلية كتبت بواسطة sab3aawy

بص، انا واحد من الناس لا اتحمل منظر الحرابيش فى عربيتى، وبعدين ساعة البيع يحلها ربنا، لأن انا اصلا بتفقع مرارتى لما الاقى واحد رايح يدفع شئ وشويات فى عربة منقرة ومخرمة من كل حتة بمناسبة ان الهانم لسة فابريكة، فاضل ان لما واحد يشترى عربية فابريكة يغينلها(يا حلوة يا بلحة يا مقمعة شرفتى اخواتك الأربعة)

انا فى رأييى ان اللى يعيب العربية هو اى رش داخلى(حوض، قوائم ، شنطة الخ) لكن الرش الخارجى فقط بيدلنى على ان صاحب العربية راجل نزيه مبيستحملش منظرها وهى مدهولة(فقط حاول تبتعد عن رش السقف قدر الامكان)

بس هى المشكلة ان هيبقى فيه فرق فى الللون، الكحلى والأسود فقط هما اللى مبيبانش فيهم فروق اللون، لكن كل الألوان الفاتحة بيبان فيها، انا لو مكانك والموضوع مضايقنى اوى، هرش الجنب بالكامل علشان فروق اللون متبانش

واللهيبجد يا سبعاوي باشا ونعم التفكير هو ده التفكير الصح بجد
هو انا جايب العربية عشان اتقرف من منظرها عشان سيادتو لما ييجي يشتريها ققلو المحروسة صاج سليم

**shoudy2005** · 20-08-2008 01:24 PM

انا بالنسبالى منظر العربيه بيهمنى اكتر من اعادة بيعها لآنى انا من النوع اللى مبيحبش يبيع السيارات الكلاسيك مش مهم الرش الخارجى المهم الداخلى و على فكره انا كنت عملت حادثه بسيفيك 92 و غيرت ربع و الحام مكنش باين علشان اتعمل عند واحد مشهور فى الحرفيين و دخلت العربيه كلها فرن بره و جوه و مكنش باين اى حاجة و اتباعت ب 52000 الف

**MoToRiZeR** · 20-08-2008 01:36 PM

الناس يا جماعة بتجيب العربية و تركب فرش و هي لسة زيرو يقولك عشان احافظ عالفرش الأصلي عشان اما أجي أبيعها

و تتخبط و يسيبها و يقولك عشان تبقي فابريكة اما ابيعها

هو الواحد بيجيب العربية لنفسه ولا للي هيبيعهاله كمان كام سنة !
و مدام دي عربيتك و قاعدة معاك شوية لسة مش هتبيعها إلا كمان 5 سنين عالأقل .. معتقدش حتي إن فرق السعر اللي هينزل فيها يستاهل حرقة دمك الخمس سنين دول كل ما تشوف العربية .. ليه تسيب في عربيتك حاجة يا راجل رش و دلع عربيتك .. تتخبط ولا تتخربش تاني دي حاجة بتاعة ربنا المهم صلح دلوقت

**EGMIDO** · 20-08-2008 04:57 PM

دة راى بردة وعلى فكرة انت لما تسيب العربية كدة هتقلل من تمنها بردة وطالما هة خربوش يبقى مفيش مشاكل بس هل فى اعوجاج فى الصاج لو مفيش يبقى الموضوع حل نفسة واى واحد ممكن يعملها وتجيب اللون من اى شكة بوية محترمة بالرقم الى على السيارة

**pondk20000** · 21-08-2008 11:31 AM

el salamo 3alikom gami3n

code el looon beta3 el 3rbia mawgood law fat7t el kabooot hatl2ee odamk 3ala toool 3and matoor el masa7aat

**bee** · 21-08-2008 06:14 PM

عمر ما رش العربية الخارجي يقلل من ثمنها..
الا لاقدر الله في حالة انها تكون مخبوطة وشايله معجون ..
غير كده بيبان ..
وبعدين خلاصة الكلام انت جايب عربية تتمتع بيها وشاريها لنفسك
والعربية بتتكلم عن نفسها ..
الي يعيب العربية انك ترش دواخل او حوض فقط لا غير
واي عربية مهما كانت جديدة معرضة انها تتخربش او ترش بره .. ده طبيعي
وطالما حضرتك مضايق طبعا رش
بس نصيحة لوجه الله لو هترش ترش جمب كامل وعن تجربة
انا رشيت رفرفين من الناحيتيت وبرقم اللون وكل حاجه بيطلع اللون مغير
وهتضايق اكتر
عشان كده رش الجانب كامل
وربنا يباركلك فيها
تحياتي

**hamdy** · 24-08-2008 11:39 AM

المشاركة الأصلية كتبت بواسطة MoToRiZeR

الناس يا جماعة بتجيب العربية و تركب فرش و هي لسة زيرو يقولك عشان احافظ عالفرش الأصلي عشان اما أجي أبيعها

و تتخبط و يسيبها و يقولك عشان تبقي فابريكة اما ابيعها

هو الواحد بيجيب العربية لنفسه ولا للي هيبيعهاله كمان كام سنة !
و مدام دي عربيتك و قاعدة معاك شوية لسة مش هتبيعها إلا كمان 5 سنين عالأقل .. معتقدش حتي إن فرق السعر اللي هينزل فيها يستاهل حرقة دمك الخمس سنين دول كل ما تشوف العربية .. ليه تسيب في عربيتك حاجة يا راجل رش و دلع عربيتك .. تتخبط ولا تتخربش تاني دي حاجة بتاعة ربنا المهم صلح دلوقت

واللهي ياباشا انا بقول كده برضه دا عين العقل واللهي واللي اتعلمته من دروس فاتت قبل كده

**superkenwood** · 15-09-2008 02:10 AM

المشاركة الأصلية كتبت بواسطة shoudy2005

انا بالنسبالى منظر العربيه بيهمنى اكتر من اعادة بيعها لآنى انا من النوع اللى مبيحبش يبيع السيارات الكلاسيك مش مهم الرش الخارجى المهم الداخلى و على فكره انا كنت عملت حادثه بسيفيك 92 و غيرت ربع و الحام مكنش باين علشان اتعمل عند واحد مشهور فى الحرفيين و دخلت العربيه كلها فرن بره و جوه و مكنش باين اى حاجة و اتباعت ب 52000 الف

لو تتكرم يا باشا تقولي على السمكري و بتاع الدوكو المعلم ده . محتاجه ضروري

**shoudy2005** · 15-09-2008 02:15 AM

سمير على فى الحرفيين ده السمكرى و استنانى هجيبلك نمرته و هوه عنده بتوع الدوكو بتوعو بس انا عملت الدوكو عند محسن المصرى ماشاء الله ظبطلى لون الدواخل جامد الون شكلو قديم و مجرد متروح عند سمير اسال على محسن المصرى بس خلى بالك روح لسمير لو العربيه فيها حاجه صعب اى سمكرى يعملها بنضافه تركيب اجزاء جوهريه مثلآ او استعدال الشاسيه بالكمبيوتر

**superkenwood** · 15-09-2008 12:33 PM

مشكور shoudy2005 على المعلومة

الموضوع: هرش وهكبر رغم ان العربية 2007

LinkBack

أدوات الموضوع

عرض

-

-

-

-

-

المواضيع المتشابهه

مشكلة في سحب العربية لانوس 2007

ميزان العربية اللانسر 2007

للبيع شاهين 2007 .. العربية فابريكة وبحالة ممتازة

مشكلة فى الفرنا 2007 .. ريحة بنزين جامدة و العربية كش بتدور على طول .

بطارية نيسان صنى 2007 ..العربية وقفت منى خالص

الكلمات الدلالية لهذا الموضوع

المفضلات

المفضلات

ضوابط المشاركة