إختبار الدينامو

**belal rashed** · 12-09-2008 08:33 PM

يا جماعه أنا سمعت معلومه على الطاير من واحد زميلى فقلت أسألكوا فيها... يعنى مدى صحتها وهل هيه بتضر العربيه ولا عادى.
زميلى ده قالى لو عايز تختبر شحن الدينامو للبطاريه ممكن تحط مفك وراه ولو جذبه زى المغناطيس يبقى بيشحن لو ما جذبش المفك يبقى لأ.
أرجو من الإخوه الأعضاء الخبراء فى هذا المجال توضيح مدى صحة هذه المعلومه.وشكرا

**shoudy2005** · 12-09-2008 11:23 PM

افضل طريقه هى قياسها بالmultimeter و سعره 14 جنيه و الطريقه هى ظبطه على ال20 فولت و تقيس مفروض يديك 13.8 و او 14 يبقى تمام اوى

**sab3aawy** · 13-09-2008 02:30 PM

المشاركة الأصلية كتبت بواسطة shoudy2005

افضل طريقه هى قياسها بالmultimeter و سعره 14 جنيه و الطريقه هى ظبطه على ال20 فولت و تقيس مفروض يديك 13.8 و او 14 يبقى تمام اوى

كلام مظبوط 100%

فقط للتسهيل، الجهاز اسمه فى المحلات آفوميتر، لو قلت مالتى ميتر محدش هيعرفق انت بتتكلم عن ايه، وهات الديجيتال متجيبش ابو موشر، سعر الديجيتال بيبدأ من 15 جنيه وانت طالع

دور العربية وحط طرفى الجهاز على قطاشين الباطرية، الأحمر على الموجب والأسود على السالب بعد ضبط مفتاح الجهاز على 20 فولت VDC(تيار مستمر)،مفروض يقرا معاك كم 13.8 الى 14.3

**belal rashed** · 14-09-2008 11:55 PM

يعنى أفهم من كده إن موضوع المفك فى ظهر الدينامو ده غلط؟؟؟

**shoudy2005** · 15-09-2008 02:19 PM

بس علشان مفتيش انا مجربتش لكن نظريآ صح بس مش ده المقياس لأنه ممكن يشد المفك و كل حاجه لكن الدينامو بيسقط شحن(يعنى الشحن ضعيف) او حاله اخرى زياده الشحن مثلآ قيمه الشحن المثاليه من 13.8 الى 14.3 لو اعلى من كده تبقى زياده شحن و بردو المفك هيمسك معاك فأفضل حاجه هى قياسه بالآفو