هرش وهكبر رغم ان العربية 2007

**r0xer** · 19-08-2008 06:37 PM

السلام عليكو

بصفتي من هواة إن العربية ميبقاش فيها خرابيش ولا نقرات من المعتادة في بلدنا قررت إني هرش الباب الشمال عندي و جزء من الرفرف الشمال بسبب عتيه كان سايق نص نقل. طبعا والدي و كل الأهل والمعارف نصحوني بأنها خطوة سيئة جداً لإن سعر إعادة البيع هيقل! و لكن في الواقع يقل ولا ينقص أحسن ما الواحد كل ما يشوف عربيته يتغمّ!

المهم اللي عايز أعرفه هل المسألة بتاخد وقت ؟ السمكري و البوهيجي موجود ولكن أخشى إن اللون يطلع مختلف ولو بنسبة بسيطة، فهل حد يعرف مكان كود لون السيارة ؟ وهل البوهيجية بيفهمو في الحاجات دي يعني لو لاقيت الكود و أدتهوله هيعرف يجيب نفس الدرجة بالضبط؟

شكراً مقدماً.

**Rsarabia** · 19-08-2008 07:03 PM

المشاركة الأصلية كتبت بواسطة r0xer

السلام عليكو

بصفتي من هواة إن العربية ميبقاش فيها خرابيش ولا نقرات من المعتادة في بلدنا قررت إني هرش الباب الشمال عندي و جزء من الرفرف الشمال بسبب عتيه كان سايق نص نقل. طبعا والدي و كل الأهل والمعارف نصحوني بأنها خطوة سيئة جداً لإن سعر إعادة البيع هيقل! و لكن في الواقع يقل ولا ينقص أحسن ما الواحد كل ما يشوف عربيته يتغمّ!

المهم اللي عايز أعرفه هل المسألة بتاخد وقت ؟ السمكري و البوهيجي موجود ولكن أخشى إن اللون يطلع مختلف ولو بنسبة بسيطة، فهل حد يعرف مكان كود لون السيارة ؟ وهل البوهيجية بيفهمو في الحاجات دي يعني لو لاقيت الكود و أدتهوله هيعرف يجيب نفس الدرجة بالضبط؟

شكراً مقدماً.

حسب انت رايح لمين بس انصحك بلاش ترش :skeptical: دى نعمة انك تقول عربيتى فابريقة احسن من انك تشوف مفيش خرابيش بس راشة

**sammor_28** · 19-08-2008 07:09 PM

مش اي بوهيجي بيقدر يطلع اللون بالظبط ...وانصحك زي ماقالك الأستاذ rsarabia حرام انك ترش العربيه وهي 2007 لأنه زي ماقال نعمه انك تقول عربيتي فبريكه بالكامل الا لاقدر الله في حاله ان الخبطه كانت جامده ومن النوع اللي لازم يتصلح...نصيحه لو خرابيش بسيطه بلاش

**mrghost** · 19-08-2008 09:08 PM

انصحك بلاش لان مش اى حد بيعرف يطلع نفس درجة اللون (عن تجربه ) مفيش غير التوكيل

**noble911** · 19-08-2008 09:14 PM

حتحس بفرق الجديد عن القديم اللي اتعرض للشمس و اتغير لونه مع الوقت
الفرق مش كبير بس تلاحظه العين الخبيرة

**hazem_khidr** · 19-08-2008 10:48 PM

بلاش احسن
ما انت حترش و حيجيلك نقر و خرابيش برضه
حتفضل بقي تصرف فلوس و تقلل من قيمه عربيتك كل شويه؟؟!!

**r0xer** · 20-08-2008 04:01 AM

طيب الواحد يعني المفروض كل يقوم ميبصش على جمب عربيته اليمين اللي واخد خربوش بطول نص متر ؟ بجد محتار.

عموما الكل قال نفس نصائح الوالد :d و محدش قالي إلاقي لون العربية فين

**sab3aawy** · 20-08-2008 08:45 AM

بص، انا واحد من الناس لا اتحمل منظر الحرابيش فى عربيتى، وبعدين ساعة البيع يحلها ربنا، لأن انا اصلا بتفقع مرارتى لما الاقى واحد رايح يدفع شئ وشويات فى عربة منقرة ومخرمة من كل حتة بمناسبة ان الهانم لسة فابريكة، فاضل ان لما واحد يشترى عربية فابريكة يغينلها(يا حلوة يا بلحة يا مقمعة شرفتى اخواتك الأربعة)

انا فى رأييى ان اللى يعيب العربية هو اى رش داخلى(حوض، قوائم ، شنطة الخ) لكن الرش الخارجى فقط بيدلنى على ان صاحب العربية راجل نزيه مبيستحملش منظرها وهى مدهولة(فقط حاول تبتعد عن رش السقف قدر الامكان)

بس هى المشكلة ان هيبقى فيه فرق فى الللون، الكحلى والأسود فقط هما اللى مبيبانش فيهم فروق اللون، لكن كل الألوان الفاتحة بيبان فيها، انا لو مكانك والموضوع مضايقنى اوى، هرش الجنب بالكامل علشان فروق اللون متبانش

**MOHAMED ABD EL SHAFY** · 20-08-2008 09:05 AM

طب سؤال على الماشى
البطارية بتنقط سعات مياه وشالت اللون الاصلى من الصدر فى الجزء الموجودة به وبقت على الحديد بدون لون فهل ارشها ولا اكبر عشان محدش يقول انها عاملة حادثة

**sab3aawy** · 20-08-2008 09:10 AM

المشاركة الأصلية كتبت بواسطة MOHAMED ABD EL SHAFY

طب سؤال على الماشى
البطارية بتنقط سعات مياه وشالت اللون الاصلى من الصدر فى الجزء الموجودة به وبقت على الحديد بدون لون فهل ارشها ولا اكبر عشان محدش يقول انها عاملة حادثة

حط على الحتة دى شحم ومترشهاش

الموضوع: هرش وهكبر رغم ان العربية 2007

LinkBack

أدوات الموضوع

عرض

-

-

-

المواضيع المتشابهه

مشكلة في سحب العربية لانوس 2007

ميزان العربية اللانسر 2007

للبيع شاهين 2007 .. العربية فابريكة وبحالة ممتازة

مشكلة فى الفرنا 2007 .. ريحة بنزين جامدة و العربية كش بتدور على طول .

بطارية نيسان صنى 2007 ..العربية وقفت منى خالص

الكلمات الدلالية لهذا الموضوع

المفضلات

المفضلات

ضوابط المشاركة