بالله عليكم لاهل التخصص ساعدونى في اوبل فيكترا ٢٠٠٠

**salahuddin_sad** · 16-05-2013 02:35 PM

السلام عليكم ورحمه الله
اول مشاركة لى بعد ما تعبت من كتر سؤال الناس وموش فاهم منهم شي
انا اول مرة هجيب عربيه عاوز اجيبها اوبل فيكترا ٢٠٠٠
قدامى عربية اوبل فيكترا ميتالك ٢٠٠٠ وموتورها ٢٠٠٠ سي سي بفتيس اوتوماتيك وكانت الاول ١٦٠٠ مانويل صاحبها قالى انه غيرها من زمان الى اوتماتيك ٢٠٠٠ وقالى فابريكه بره وجوة وعربيه باشا
شوفتها عاجبنى والى جبته يشوفها قالى حلوه
هو سعرها ٥٢ الف جنيه رخصه تنتهى كمان شهرين
قال تسوى اكتر من ٥٥ الف لكن قالى عشانك ٥٢ الف

طبعا الناس قالتلى ٢٠٠٠ هيتشال منها الدعم. كمان شهرين
قالولى اوبل تقيله بيعها واعطلها وحراره وقطع غيار غاليه وكلام من ده

طبعا انا رافض تماما اى نوع من هوينداى او لان س او لانسر او تويوتا نفسيا موش بحبهم

اعمل ايه اجيبها ولا لاء ؟! وهى عربيه حلووة ولا لاء لانى ما بعرف فيهم

**hagagatc** · 16-05-2013 03:11 PM

انا معايا 2000 سي سي زيك بس نصيحه ابعد عن ال 2000 دلوقتي كل الي معاه 2000 سي سي بضرب اخماس في اسداس السعر حلو بس دي اكيد موديل قبل 2000 او فيها حاجه موش طبيعيه الله اعلم بس نصيحه لو حتشتري اكشف عليها كويس اوي لو حالتها كويسه مش حتتعبك لاكن لو ملعوب فيها كتير حتقرفك وبالنسبه للحراره الطبيعي الي كلنا نعرفه ان الاوبل حرارته 90/92 وممكن توصل 98

**فادى محمد** · 16-05-2013 03:40 PM

بلاش ال2000 سي سي دلوقتي علشان الدعم
دور علي 1600 سي سي من 96 الي 2003 مانوال هتنبسط منها جدا
قطع غيارها مش غاليه انما معمره بشكل مش طبيعي
درجه حراره تشغيل مواتير الاوروبي كلها عاليه وده طبيعي

**salahuddin_sad** · 16-05-2013 04:05 PM

هى ٢٠٠٠ موديل دى اتاكدنا منها زى ما تقول تقريبا صاحبها كان بيصرف عليها اى حاجه كان بيغيرها ما بيصلح لانه ما عندهوش وقت رجل اعمال وكده
عاوز يخلص منها ويجيب واحده تانيه زيروا المانى برده
هو الى فصلها اداها سعر ٥٥ الى ٦٠ الف بس عشان موش معاى الا خمسين فقالى هتبقى ٥٢ وبالعافيه
انا موش لاقي بحالتها حاجه ١٦٠٠ سي سي وموضوع فابريكا بذه وجوة مغري