افضل لاب توب حاليا

**mido_soliman** · 15-05-2013 05:58 PM

متجيبش فئة البافليون فى اتش بى خااااالص
مرتجعاتها زى الزفت والاجهزة كلها بتسخن
نصيحة ابعد عن اتش بى
لينوفو z سيرس او اعلى
ديل 52xxx او 55xx

**SAMEH_FOUAD** · 15-05-2013 07:23 PM

شكرا لكل الاراء

وانا فعلا كنت محدد الاختيارات مابين ال lenovo ,dell

وانتوا الصراحة وفرتوا عليا كتير اوى فى موضوع ال z series بخصوص اللينوفو

شكرا ليكوا

**solid_khaled** · 16-05-2013 08:28 AM

ياشا انا جايب ال lenovo z580A من 10 ايام i5/4/1tera/gt635 2gb بدون windows كان عامل 4250 جنية ال....l color من محل فى computer malls الخليفة المأمون و كنت جايب قبلية HP m6 من كمبيوتر شوب ب 5300 جنية بس رجعتة بعديها بساعة عشان كان فية dead pixels 2 فى الشاشة و معجبنيش ال كيبورد و touchpad بتوعو
لو حابب تسأل فى حاجة انا فى الخدمة

**koshary** · 16-05-2013 12:49 PM

ايييه ياجماعه سامسونج فين من الليله دى اجهزه والله محترمه لسه جايبين واحد ب 4100 من كارفور مش بيسخن خالص وريزليوشن الشاشه تحححفه والامكانيات كويسه جدا وبيقعد 3 ساعات البطاريه ياريت ياسامح تلقى نظره على السامسونج وتقولى رايك انا معايا توشيبا لسه جايبه ب 6666 بس شاشه السامسونج احلى منه بكتيير واحلى من الديل كمان وندمت انى جبته وللعلم الجهازين اشتريناهم فى نفس اليوم ومن كارفور

**mido_soliman** · 16-05-2013 03:05 PM

المشاركة الأصلية كتبت بواسطة koshary

ايييه ياجماعه سامسونج فين من الليله دى اجهزه والله محترمه لسه جايبين واحد ب 4100 من كارفور مش بيسخن خالص وريزليوشن الشاشه تحححفه والامكانيات كويسه جدا وبيقعد 3 ساعات البطاريه ياريت ياسامح تلقى نظره على السامسونج وتقولى رايك انا معايا توشيبا لسه جايبه ب 6666 بس شاشه السامسونج احلى منه بكتيير واحلى من الديل كمان وندمت انى جبته وللعلم الجهازين اشتريناهم فى نفس اليوم ومن كارفور

متفق معاك مليون المية فى موضوع سامسونج دة بس الناس لسة مش مصدقة ان سامسونج عندها لابات حلوة اوى فعلا واحسن من برندات كتير جدا اقدم منها فى المجال دة والميزة الاهم كمان تصميم لابات سامسونج سواء كان رخيص او غالى تحفة والخامات محترمة جدااااااااااااااااااااااا اااا

**SAMEH_FOUAD** · 16-05-2013 03:39 PM

يعنى كدة سامسونج ولا لينوفو ولا ديل

انا عموما بحب سامسونج جداا وبثق فى منتجاتها , وكمان معايا لاب لينوفو core 2 duo وممتاز جدااااااا معايا لحد دلوقتى بقالة اهوة تقريبا 4 سنين ممتاز , متحمل منى جامد الصراحة ومرة وقع وقعة محترمة , ولا الدموع ولا كأنة وقع الصراحة

عموما خلاص انا قررت هنزل هايبر وان واشوف اللابات المعروضة واستخدمها واشوف شاشتها وسرعتها

وربنا ييسر الحال

وشكرا لتعبكوا جدااا وهوافيكوا بالاخبار ان شاء الله