شكرا على الموضوع
رقم العضوية : 168
تاريخ التسجيل : 24Apr2007
المشاركات : 7,982
الاقامة : المحله الكبري
الحالة :
المكان: ابو ظبي اوائل عام 2006 و كانت نازله بقالها سنه و كانت مع واحد قريبي هناك كان يدوب لسه شاريها(حوالي 110 الف جنيه مصري!!!!)و كان بيفاضل بينها و بين الكامري مع ان الياباني واخد سمعه جامده في الخليج بس هو فضل البيجو عنها.
طبعا العربيه ال 407 خليفه ال 406 في نفس الفئه يعني بتنافس في الفئه المتوسطه و اقرب منافس ليها الاوبل فيكترا و السكودا اوكتافيا و الباسات و طبعا بعيده عن المرسيدس سي كلاس و البي ام الفئه التالته .
العربيه من قدام شكلها وهم طبعا و ماحدش ينكر كده نهائي و بيجو خدت الشكل دا و عممته علي كل العربيات الجديده بتاعها(207 و 307 المعدله اللي موجوده في مصر) بس الضهر ماجا زي ما انا متخيل يعني الو احلي من الضهر بكتيير
ركبت العربيه و بصيت عليها كويس .التابلوه رائع و كل حاجه في متناول ايدك و خامات التابلوه نضيفه جدا اينعم مش بمستوي مرسيدس بس الصراحه يستاهل كل مليم يندفع فيها و الكونسول باللون الفضي علشان الموضه السائده في التصميمات حاليا و كل المفاتيح التعامل معاها سهل جدا و فيها سي دي بس اوديو فقط و صوته بالمناسبه رائع مش محتاج تركب سماعات تانيه غير اللي فيها لو انت عاوز تسمع صوت نضيف بس و مش عاوز دوشه و كان فيه زرار للتحكم باتماسكESP و فعلا لما كنت مش بشغله كنت بحس بفؤق جامد في الملفات العدادات كانت الاضاءه بتاعها بلون احمر و عباره عن دواير و كان كل دايره عليها طوق نيكل و ابره العدادات كانت لما النور يقيد كان لونها بيبقي ازرق و بيعكس علي الدواير النيكل كان بيديها منظر حلو الصراحه في الاول معجبنيش تناسق الوانه بس بعد كده لقيته حلو جدا.الكراسي مريحه جدا و شكلها يوحي انها بيجو مش من اي شركه تانيه حتي فرش الابواب و مكان الاكره برضه بيجو مش عارف ليه افتكرت ال 504 ساعتها مع الفارق الشاسع طبعا بينهم و بين بعض :lol: .شغلت العربيه و سمعت صوت الموتور عادي مش ملفت اوي زي الهوندا بس عموما العربيه دي عربيه سياحيه مش عربيه رياضيه و علي فكره الموتور كان 2000 سي سي 140 حصان .طبعا راكب جوه و قافل الزجاج و مشغل التكييف (ضروري هناك تشغل تكييف ما تعرفش تمشي من غيره معظم اوقات السنه) م سامع اي حاجه من بره اطلاقا العزل بتاعها نضيف اوي .زوايا العربيه هيا اللي كانت مشكله علشان ارتفاعها عموما و ارتفاع الشنطه بطريقه ملحوظه بس لما تتعود عليها ما يبقاش في مشكله .
سحب العربيه معقول مش حلو قوي يعني مش زي الهوندا سيفيك ال 2007 مثلا(سوقتها هناك وكانت 1800 سي سي) و كانت اوتوماتيك و فيها ستيبترونيك بس مالوش لازمه علشان لما كنت بقرص علي العربيه اوي كان ينقل لوحده.
السحب عموما كويس و انا وصلت لسرعه قصوي بيها 215 و كانت في منتهي الثبات و ممكن تزود عن كده لكن كان الار بي ام حيخش في الاحمر.وصلت من صفر ل 100 كيلو في حوالي 11 ثانيه و ثباتها مالوش حل الصراحه و علي فكره العربيه دي اجهزه التعليق بتاعها او اليايات و المساعدين الاماميه متركبه بزاويه ميلان زي عربيات السباقات و الفورميلا واحد علشان الطريقه دي بتزود ثبات العربيه و فعلا كانت ثابته جدا جدا حتي بعد 180 كانت ثباتها معقول و فراملها كمان كانت فعاله اوي بس بتحس ب ال ABS لما بيشتغل و دا ضايقني شويه اني سمعت صوته كنت متصور انه من الجيل الاحدث بس عموما مش عيب قاتل يعني.الدركسيون بتاعها دقيق جدا بس مش بينقل ليك احساس الطريق جامد زي السيفيك الجديده مثلا.و طبعا ما تحسش بيها في المطبات و دي لعبه بيجو من زمان من ايام ال 504 8) فعلا ما تحسش بمطب ولا بحاجه العربيه سلسه جدا و تكييفها رائع و دي اول مره اركب فرنساوي و يعجبني تكييفه يمكن علشان لسه جديده الله اعلم بس عموما التكييف حلو جدا و عربيه ممتازه و علي فكره دي من اول العربيات اللي تكون متماشيه مع قوانين السلامه اللي حيتعمل فيها باوربا علشان المحافظه علي سلامه المشاه و دا اللي بيفسر ان الكبوت بتاعها قصير و تصميمها غريب كده(الياريس برضه متصممه علي نفس الاسلوب علشان القوانين دي)
ايه رايكم بقي في العربيه؟طبعا اللي نازله مصر ديزل بس لو نفس القوه حتبقي بنفس نتايج التجربه ....
بعض الصور:
رقم العضوية : 1494
تاريخ التسجيل : 19Jul2007
المشاركات : 1,216
النوع : ذكر
الاقامة : Mansoura, KSA
السيارة: Passat CC
السيارة[2]: Vectra A 96
دراجة بخارية: .....
الحالة :
شكرا على الموضوع
رقم العضوية : 475
تاريخ التسجيل : 05May2007
المشاركات : 8,407
النوع : ذكر
الاقامة : الأسكندرية
السيارة: I30 & Megane estate
السيارة[2]: E36 Coupe 328i
دراجة بخارية: .
الحالة :
بصراحة عربية ممتازة جدا
و شكرا على الموضوع
الحمد لله[sor2]http://farm3.static.flickr.com/2639/3939929853_4547d6e150.jpg[/sor2]
رقم العضوية : 1898
تاريخ التسجيل : 25Aug2007
المشاركات : 40
النوع : ذكر
الاقامة : cairo
السيارة: لا يوجد
السيارة[2]: لا يوجد
الحالة :
يا ريت تقولنا علي الوسع
MANKIND
رقم العضوية : 168
تاريخ التسجيل : 24Apr2007
المشاركات : 7,982
الاقامة : المحله الكبري
الحالة :
هيا عربيه واسعه بطريقه معقوله و احلي حاجه فيها شنتطهاا ريت تقولنا علي الوسع
رقم العضوية : 1898
تاريخ التسجيل : 25Aug2007
المشاركات : 40
النوع : ذكر
الاقامة : cairo
السيارة: لا يوجد
السيارة[2]: لا يوجد
الحالة :
وهل وسعها يقارن بالباسات
MANKIND
رقم العضوية : 168
تاريخ التسجيل : 24Apr2007
المشاركات : 7,982
الاقامة : المحله الكبري
الحالة :
ما ركبتش الباسات الجديده علشان احكم عليها
رقم العضوية : 794
تاريخ التسجيل : 27May2007
المشاركات : 3,700
النوع : ذكر
الاقامة : Cairo
السيارة: هيونداي فيرنا أوتوماتيك 2007
السيارة[2]: رينو فلوينس
دراجة بخارية: No
الحالة :
بغض النظر ، بصراحة الفرنسين ملوك الأناقة في العربيات ، تحس كده إنك راكب حاجة شيك فعلآ
أنا مرة كنت بتفرج علي عربية ستروين لما قعدت فيها مكنتش عايز انزل من جمال التابلوه و الصالون
رقم العضوية : 168
تاريخ التسجيل : 24Apr2007
المشاركات : 7,982
الاقامة : المحله الكبري
الحالة :
علي رايك كلمه فرنسا لوحدها بتدي للعربيه طابع خاص بغض النظر عن شكلهابغض النظر ، بصراحة الفرنسين ملوك الأناقة في العربيات ، تحس كده إنك راكب حاجة شيك فعلآ
أنا مرة كنت بتفرج علي عربية ستروين لما قعدت فيها مكنتش عايز انزل من جمال التابلوه و الصالون
رقم العضوية : 475
تاريخ التسجيل : 05May2007
المشاركات : 8,407
النوع : ذكر
الاقامة : الأسكندرية
السيارة: I30 & Megane estate
السيارة[2]: E36 Coupe 328i
دراجة بخارية: .
الحالة :
انا النهالردة استعجبت جامد جدا جدا جدا جدا
و انا واقف لقيت عربية بيجو 407 معدية من جمبى و كانت بتدخن :shock: :shock: :shock:
بصراحة السولار فى مصر ممتاااااااااااز
الحمد لله[sor2]http://farm3.static.flickr.com/2639/3939929853_4547d6e150.jpg[/sor2]
المفضلات