الموضوع: معايا فيات اونو موديل 94 بس بقيت تاكل ميه كتير ومش عارف من ايه

ممكن يكون جوان وش سلندر منفس او ممكن تكون طبة من طبب المية مصدية وبسرب مية

احتمال واحد من اثنين فقط :

1- وجود تسؤيب من مكان ما فى دورة التبريد (ريداتيير - خراطيم - غطاء الرداتير او القربة ) وممكن يكون خرم صغير لا يسرب الا بعد ارتفاع درجة حرارة المياة جرب تمشى مشوار وبعدين قف فى منطقة ناشفة وسيب العربية دايرة وبعد ربع ساعة شوف فى مياه نزلت على الارص ام لا

2- الاحتمال الاسواء هو تسريب من جوان وش السلندر يبقى لازم تغيير بس لا تقوم بعملة الا بعد التاكد تماما من النقطة 1 ليست هى المشكلة

وش السلندر دا غطاء معدنى (يعتبر جزء من الموتور) وبيكون جزء علوى بيتربط بمسامير حوالى 6 او8 على ما اعتقد وبيمثل حوالى 25% من حجم الموتور والجزء دا بيكون اعلى الموتور فوق السلندرات (4 سلندر) ومن كدا اسمة وش السلندر
المهم من وصفة التقريبى دا انه عشان يتربط مع الموتور بيتحط بينة وبين جسم الموتور جوان
الجوان دا بعمل فاصل بين الاتى :
1- كبس البساتم (فراغات السلندرات)
2- دورة مياة التبريد (فتحات بتمشى فيها مياه التبريد)
3- دورة الزيت (فتحات بتدور فيها دورة الزيت)

المهم فى الموضوع لو درجة حرارة الموتور زادت عن الحد الطبيعى نتيجة قصور فى دورة التبريد (مروحة الريدياتير عطلت مثلا - مياه التبريد نقصت ومخدش بالك) ومشيت بيها فترة الجوان دا بيتحمص وبتتحرق حوافة الدخلية (مش شرط من اول مرة ترتفع فيها الحرارة ممكن مناول مرة او بعد 10 مرات )
المهم بيحصل تسريبات فى الاجزاء الثلاثة :

- اما دورة المياه تختلط مع دورة الزيت (زيت يدخل الى القربة او العكس مياه تدخل مع زيت الموتور وبتعمل طحينة)

-اما دورة المياة تختلط مع كبس البساتم ودا يؤدى الى ارتفاع درجة حرارة الموتور وتبخر المياه وتخرج مع العادم
والحالة الاخيرة بتظهر علاماتها لو انت دورت السيارة وهى باردة وفتحت غطاء القربة لقيت المياه بتفور وتخرج منها ولو شفت الشكمان بعد مشوار طويل لقيته بيجيب مياه كتيرة

وفى الحالتين تحس ان سخونة الموتور اكبر من المعتاد

الحل :

يتم فك وش السلندر والكشف علية لو حصلة تفقيع يتم تسويتة عند الخراط وتركيب جوان جديد
فى حالة حدوثها اكثر من مرة واتساوى اكثر من مرة يتم معادلة مقدار القشط الكبير دا بتركيب 2 جوان
بعد كدا تشترى وش سلندر جديد
تكلفة تغيير الجوان من 80 الى 120 جنية حسب سعر الجوان بالمصنعية
بس خلاص دا اللى اعرفة والله اعلم

لا المياه تفوور يعنى بتخرج برة الريداتيير من عند الغطاء لما تفتحة وتنزل براة
زى اللبن ما بيفور على البتوجاز كدا
اوعى تدخل فى موضوع وش السلندر دا الا لما تكون متاكد 100000 % ان العيب منه
ممكن تروح لواحد بتاع ريداتير محترم ويفكة برة ويكبسة مياة برة ويشوفه مخروم ولا لا وينظفة
ويراجع على الخراطيم والوصلات كلها الموضوع دا يكلفك 20 او 30 جنية بالكتيير اوى
ممكن الخرم بيكون صغيير اوى وعمرك ما تلاحظة
ليا احد الاصدقاء كان بيحصل معاه كدا فى سيارة بيجو 406 موديل 2000 وعمل كل حاجة وفى الاخر طلعخرم صغيير فى خرطوم دورة المياه لا يسرب الا لما درجة حرارة المياة ترتفع اوى وكمان بتخرج على هيئة بخار فغيير الخرطوم وكله بقى تمام
ومفيش مشكلة انك تفضل تمشى بيها وتزود مياه كل يومين الى ان تحل الموضوع
وتاكد ان الحرارة لاتزيد عن الحد الطبيعى وغالبا عندك يكون 90 درجة (نصف المؤشر)