إيه علاقة الفرامل بعدد الركاب؟؟

**amr mokhtar** · 18-08-2008 12:44 PM

السلام عليكم

انا بحس ان فرامل العربية بتبقى ضعيفة لما يكون فى العربية 4 او 5 أفراد
يعنى لما إتنين مثلآ بيبقوا على الكنبة بحس ان الفرامل أضعف
فى حين ان لما ببقى سايق لوحدى او حد قاعد جنبى بس بحس ان الفرامل قوية و من أقل دوسة العربية بتقف

و الشكوى دى سمعتها من كذا واحد و من عربيات مختلفة

إيه سبب الموضوع ده؟؟

و شكرآ

**فادى** · 18-08-2008 01:23 PM

طبيعى جدا لسببين,
أولا زيادة وزن السيارة و بالتالى زيادة قوى الدفع الذاتية inertia, لذا فانك تحتاج الى قوة أكبر للتحكم بالسيارة.
ثانيا الفرامل تكون مجهزة على توزيع الوزن المثالى للسيارة لتقليل الانزلاق أثناء الكبح, و يتم ضبط المكابح على أساس الوزن المتوقع على المحور الخلفى و الأمامى, و عندما يزيد عدد الركاب يختل توزيع الوزن, و تختل معه بشكل طفيف منظومة الفرامل الخلفية و الأمامية.

**amr mokhtar** · 19-08-2008 01:44 AM

شكرآ يا استاذ فادى
الحمد لله إنها حاجة عادية
بس انا عندى المساعدين الخلفيين خفيفة شوية... ممكن برضه يكونوا بيسببوا المشكلة دى؟؟

شكرآ

**sab3aawy** · 19-08-2008 09:21 AM

زى ما فادى قال لك كدة بالضبط، زيادة الحمل فى السيارة زى ما بيؤثر على الموتور بيؤثر على الفرامل

كون المساعدين ضعيفة بيؤثر بشكل ما على الفرامل لأن انكفاء العربية مع الفرامل طبيعى انه بيغير توزيع الأحمال، لكن مش بدرجة كبيرة يعنى

**amr mokhtar** · 20-08-2008 12:46 AM

معلش هتقل عليكم
بمناسبة الكلام عن الفرامل
هى حاجة ملهاش علاقة بالعربية عندى
بس انا سمعت عن حاجة إسمها (الضفدعة) بلغة الصنايعية... و هى المسئولة ان توقيف السيارة لو واقفة على منحدر بمعنى انك لو رافع فرامل اليد و نزلتها ..المفروض إن الضفدعة دى بتخلى العربية واقفة فى مكانها

مش عارف انا كده فهمت صح و لا لأ؟؟
و هل الجزء ده موجود فى كل العربيات و لا لأ؟؟

شكرآ

**MMamdouh** · 20-08-2008 03:01 AM

مينفعش الضفدعة توقف العربية على منزل الا لو مسكت الكاوتش باديها...

عمرى ما سمعت عن ضفدعة ولا اى حيوانات ليها علاقة بالفرامل... طيب لو كلام الصنايعية صح و انت واقف على منزل و نزلت فرامل اليد و الضفدعة كلبشت العربية... حتمشى اواى انت بقى؟؟؟... تبعت تشيل العربية على ونش طبلية لحد ما الضفدعة تزهق و تخللى العربية تمشى؟؟

اعتقد كلام مش منطقى

MMamdouh

**dr_abooody** · 21-08-2008 01:16 PM

المشاركة الأصلية كتبت بواسطة amr mokhtar

معلش هتقل عليكم
بمناسبة الكلام عن الفرامل
هى حاجة ملهاش علاقة بالعربية عندى
بس انا سمعت عن حاجة إسمها (الضفدعة) بلغة الصنايعية... و هى المسئولة ان توقيف السيارة لو واقفة على منحدر بمعنى انك لو رافع فرامل اليد و نزلتها ..المفروض إن الضفدعة دى بتخلى العربية واقفة فى مكانها

مش عارف انا كده فهمت صح و لا لأ؟؟
و هل الجزء ده موجود فى كل العربيات و لا لأ؟؟

شكرآ

الميكانيكي بتاعي فصلي ماستر الضفدعة قالي عشان ملوش لزمة في مصر

هل دة صح و لا غلط

**NaderNabil** · 21-08-2008 01:29 PM

ماستر الضفدعة متوصل بعمود للمقص الخلفي شمال...

فايدته انه لما العربية من ورا بتوطي أي فيها حمل زيادة ...العمود المتصل بالماستر ده بيتحرك لفوق...و منها بيقوم بتوسيع فتحة valve داخل الماستر...مما يؤدي الي السماح بمرور كمية أكبر من زيت الفرامل للفرامل الخلفية....مما يعني بالضرورة قوة كبح أكبر خصوصا في الحمولات...

و في نفس الوقت لما العربية تكون فاضية من ورا بيقلل الحمل علي الفرامل الخلفية عشان ماتقفش بسهولة و تخلي العربية تعوم و تلف معاك

**MMamdouh** · 21-08-2008 01:53 PM

يعنى قصدك ان الضفدعة دة brake pressure regulator??

MMamdouh

-

الموضوع: إيه علاقة الفرامل بعدد الركاب؟؟

LinkBack

أدوات الموضوع

عرض

إيه علاقة الفرامل بعدد الركاب؟؟ - انشر الموضوع فى :

-

-

-

-

-

-

-

-

المواضيع المتشابهه

علاقة الفرامل بالدريكسيون

في علاقة بين الفرامل و اني اكون مشغل العربية ولا لا ؟؟ (كيا بيكانتو 2008)

السيارات الصينى فى حوار الركاب

اية علاقة الفرامل بالموتور؟؟؟

علاقة جدول الصيانة بعدد الكيلو مترات وعدد الشهور

الكلمات الدلالية لهذا الموضوع

المفضلات

المفضلات

ضوابط المشاركة