استفسار بخصوص فيكترا 2001 ياريت المساعدة يا جدعان

**ukahama** · 15-05-2013 06:50 PM

بصوا يا جدعان انا معايا فيكترا 2001 اوتوماتيك 1600 سى سى 2 كامة
اللى هوا الايكوتيك المكنة كويسة جدا معايا وحالتها تمام وبقالها معايا
سنتين ماغيرتش فيها حساس واحد بس اللى حصل ان الكونترول كذا
مرة على مدار السنتين اى سى يضرب مرة بتاعت حساس الكرنك
ومرة تانية تباع دواسة البنزين وكل مرة كنت باصلح الكونترول
ب 750 جنية ويقعد 6 شهور وحساس تانى يضرب اخر مرة
قلت اريح دماغى وغيرت الكنترول ب 3000 جنية فى الحرفيين
وغيرت رادياتير وقتها وشجرة المية اللى فى ضهر الموتور
يعنى شوية صيانة عادية ودلوقتى بدات تظهر علامة التشيك
من تانى بتدينى ايرور خاص بالفتيس انا دلوقتى زهقت من
الصرف اللى باصرفوا على الكونترول وعاوز حل بالنسبة
للافكار اللى اتعرضت عليا هاقولوكوا عليها وياريت تفيدونى

1- زى ماكل الصنايعية بتقول انى اسقط المكنة ال 2000 سىسى
قطع غيارها رخيصة والكنترول بتاعها حتى لو باظ مع انو مابيبوظش
زى مابيقولوا ب 700 جنية بس انا قلقان من استهلاك
البنزين بالنسبة للمكنة اما بالنسبة لموضوع الدعم انا فى
اعتقادى مش هايتطبق فا وانتوا بتحكموا شيلوا نقطة دعم
البنزين من دماغكوا وهل انا فعلا هاريح دماغى من الهرى
بتاع المكنة اللى انا فيها دلوقتى ؟؟؟؟ مع العلم ان المكنة
ذات نفسها عندى نضيفة وعالية فى الاداء

2- فية صنايعى عندى فى طنطا عرض عليا حل انو يعملى تعديل هايحط
لنفس المكنة زى ماهيا هايغير الكنترول والضفيرة وهايحطلى كنترول
ال 98 انتوا عارفين ان كنترول ال 98 بعيد عن جسم المكنة دة
على اساس ان مشكلة الكنترول بتاع ال 2001 لازق فى جسم
المكنة وهوا دة سبب المشاكل كلها حسب رايهم هوا قالى كل
المشكلة العربية هاتقل تقريبا 7 حصان مش اكتر وكدة كدة
حاجة زى علبة البيئة اللى كل الناس بتشيلها من الشكمان
بتقيل بتاع 5 حصان لوحدها اسسا لما تشيلها لو مش هاتفرق
معاك اعملهالك وهايكلفنى تقريبا 2000 جنية العملية دى

ياريت اسمع ارائكم ولو حد عندو حل تانى او تعليق على اى حل
من الحلول دى علشان انا جبت اخرى من الصرف بزيادة على
الجزء دة من العربية وبالاقية صرف على الفاضى زى
ماحكيتلكم حكايتى شكرا ومستنى ردودكم

**lamada** · 15-05-2013 07:23 PM

بصراحه مش مقتنع و بلاش الفتى بتاع الصنايعية

بيعها و ريح دماغك

**ashourashour** · 15-05-2013 07:32 PM

الحل الاولاني ممكن نتكلم فيه

الصنيعي اللي قالك عالحل التاني لو معاك طبنجه اديله طلقتين

ابعد الكنترول عن المكنه

خلي حد بيفهم يبعدلك المنترول عن المكنه شوبه

يا تبيع العربيه فعلا

**zizo50001** · 15-05-2013 11:12 PM

بص هو افضل حل تسقيط 2000
مشكلة الماكنة 1600 2 كامة اللى ببدل كهربة كنترول بتاعها بيضرب كتير
المهم
حل نقل الكنترول دة حل فاشل تقريبا
لسبب ان الكنترول بيضرب مش من السخونة من الحمل

**ENG\AHMED** · 15-05-2013 11:22 PM

بالنسبة للحل بتاع كنترول الـ 98 والـ 7 حصان والهبل ده لو رديت هشتم فابلاش احسن!!!!

انا رأيي قبل ماتغير موتور وهتصرف كتير وهتخسر فى موتورك اللى مفهوش مشاكل شوف ايه المشكلة اللى بتخلى الكنترول يضرب , لو مشكلة فى الضفيرة تتحل او حتى تتغير كلها لو مشكلة مكان الكنترول والعزل ممكن تعزله