السلام عليكم ورحمة الله وبركاته





عنوان غريب .. بس ده فعلا ده اللي بفكر فيه جديا وعايز اسمع آراءكم فيه.. الموضوع مليان صور للشرح..

في البدايه.. انا لا افقه شيء في العربيات الا خفيف.. فياريت لو قلت حاجه غلط تنبهوني :)

الموضوع حياخد وقت ممكن شهرين تلاته لحد بس ما اعرف الليلة ده حتكلف كام وموضوع دعم السولار والبنزين وانخفاض تمن عربيات 4×4 بسبب ان الدعم حيتشال..

عايز اجيب جيب رانجلر فاااااااااااضية واسقطلة موتور ديلز واركب فيها كل حاجه.. من الاخر افصلها..

اللي خلا الموضوع ده يلعب في دماغي لدرجة التملك هو الاستاذ مينا.. وبالذات في المواضيع ده..

رانجلر.... بس تيربو ديزل....

جي ام سي بليزر .... تيربو ديزل...

أفكار للرانجلر القديمة....



اللي يعرف حاجه من اللي حقولها ياريت يقولي..


حنقسم الموضوع لكذا نقطه عشان الترتيب..

اولا : موديل العربية

ومادام جتبقى فاضية عفش وماتور فبفضل يكون موديل 1997 اللي هيا عيون مدورة.... بس بستفسر حتفرق ايه 97 عن 87..


- سعر الرانجلر 87 - 97 فاضية من غير ماتور ولا تابلو ولا فرش بكام..؟؟
عرفت ان الرانجلر فيها 3 انواع من الكبوت.. طويل ووسط وقصير.. وان الافضل الوسط..

ثانيا : ماتور الديزل ..

- عرفت ان ماتور الايسوزو تربو بكل حاجته حوالي 18 الف.. بس طبعا عيبه الصوت.. في احد ردود الاستاذ مينا قال..

اقتباس المشاركة الأصلية كتبت بواسطة M!NA مشاهدة المشاركة
المشكلة أن مواتير التويوتا و النيسان اللي فيهم فتيسين نادرين جدا.... كلهم بفتيس واحد و لو لقيتهم ممكن يبقوا غاليين أوي.... لكن الايسوزو عملي عشان حاجاته منتشرة.... و بالنسبة للصوت... الفرق مش كبير أوي... اللي فعلا مالوش صوت.... موتور التويوتا ال6 سلندر.... 1hz اللي بيركب في الكوستر... و في التويوتا لاند كروزر
فماتور التويوتا الـ 6 سلندر بكام..؟؟ هل ده اللي سعره يتراوح مابين 20-25.. لو هيا هل حجاتها موجوده..؟؟ وايه نظام قطع غياره.. وهل نزل من مواتير الايسوزو حاجه مالهاش صوت..؟؟

- في احد ردود الاستاذ مينا كان قايل
اقتباس المشاركة الأصلية كتبت بواسطة M!NA مشاهدة المشاركة
أنا شخصيا فاكك كردان الغرز حاليا... و ممشيها 4x2 و لما اجي داخل صحرا ان شاء الله هركبه.... (مش هياخد 5 دقايق تركيب)
هل فيه طريقة ان احنا نغير مابين 4×4 لـ 4x2 بطريقة ميكانيكية من غير ما نفك ونربط..؟؟ والموضوع ده حيكلف كام لو حبيت اعمله..

- في احد ردود الاستاذ مينا
اقتباس المشاركة الأصلية كتبت بواسطة M!NA مشاهدة المشاركة
لو هتجيبه تيربو ديزل... هتكون المشكلة في الصوت العالي و الاهتزاز... و لو هتجيبه بنزين هتكون المشكلة في الاستهلاك العالي....

العربية زي الفل لحد 130-140
ايه موضوع الاهتزاز ده.. وهل فيه طريقه عشان نتفاداه..؟؟
وايه اللي يحصل لو جريت اكتر من 140 !!


ده الجزء الخاص بالماتور ومشاكله وانواعه..


ثالثا : الفرش والكماليات..

الدركسيون : الباور حيكلف كام.. ولا هيا بتيجي مع ماتور العربية ولا ايه نظامه !!
وهل ممكن اركب باور جيب موديل اعلى لو بتاعها مش موجود.. انا حاسس ان اللي بقوله ده تهييس :D

فرش العربية بالكراسي : الليله ده حتكلف كام.. ممكن نقول حاجه زي اللي في الصوره ده.. بالفرش اللي في السقف..



التابلوه : ايه اللي ممكن يركب معاها.. يكون تابلوه محترم وفيه مكان لكاست DVD بشاشة (2 Din)

ده تابلوه حيجننكو..


واخدين بالكو من الدراع ده.. حاسس انه خاص بالتحويل من 4×4 لـ 4x2

التكييف : انا قريت ان تاكييف محترم حيكلف 2000-3000 بالمصنعية.. طب لو حبيت اعمل مكان للتكييف لورا زي العربيات الجديده.. هل ينفع..؟؟

السماعات : الفكره هنا اني مش عايز صب والكلام ده.. لا انا بفكر في 6 سماعات كويسين (كينوود) ومكانهم حيكون غريب..

2 في الباب..
2 التابلوه..
2 (لو ينفع يكونو بتوع كمبيوتر) بس مش ورا لا.. في الجنبين اللي في الكرسي اللي ورا .. حاجه زي الصوره ده..



HARD TOP : ده بقى عايزه زي كده..



عايزه بفتحة سقف.. والاجناب شبابيك !!! ازاي .. ماعرفش بس كل حاجه ممكن تيجي.. وهل ممكن اعمل اللي ورا باب بحيث انها تفتخ .. واوصله بالعربية من جوا بزرار يفتح الباب اللي ورا.. سواء لفوق او للجمب.. وسنتر وكده..؟؟

نسيت احط باقي الصور ليها.. واللي عاملها صايع بصراحه..







الصدادات والاضاءة : حاجه زي كده تعمل كام..؟؟



[