السلام عليكم
دلوقت انا كلنا عارفين انهم رفعوا الدعم عن بنزين 95 وفى الطريق لرفعة عن باقى الانواع الاخرى
لية بقى لسة مخليين العربيات اللى سعتها أكبر من 1600 جماركها توصل ل 100 و 200% ؟؟؟
منا البنزين اللى هستهلكه هدفع تمنه، بتحسبنى ليه عليه دلوقت؟
عرض للطباعة
السلام عليكم
دلوقت انا كلنا عارفين انهم رفعوا الدعم عن بنزين 95 وفى الطريق لرفعة عن باقى الانواع الاخرى
لية بقى لسة مخليين العربيات اللى سعتها أكبر من 1600 جماركها توصل ل 100 و 200% ؟؟؟
منا البنزين اللى هستهلكه هدفع تمنه، بتحسبنى ليه عليه دلوقت؟
حكومة فاشلة
عايزين يوفروا لميزانية الدولة من الشعب اللى محلتوش حاجة غير اللبس اللى لابسة
كل دول العالم فيها ضرائب على السيارات (جمارك) و كمان مفيش دعم على المحروقات
أصحاب السيارات في مصر بيأخدوا دعم أكتر من الغلابة اللي معهومش سيارات و ده قمة الظلم .
=======
الطرق محتاجة فلوس علشان تتبني و أحنا نسوق عليها ,,,,,, و محتاجة انارة (الطرق الداخلية )
و الحاجات دي بتتكلف مليارات .
دعم البنزين مش من حقنا أصلا علشان نزعل لما يتشال و حضرتك تقول لما يشيعل عني دعم البنزين يشيل معاه الجمارك !!!
أصلا الدول الداعمة للبنزبن في العالم كلهم على بعضهم 10 دول و كلهم دول منتجة للبترول بوفرة و كمان كلهم دول نامية و متخلفة صناعيا و أحنا معاهم .
كل دول أوروبا بـتأخد ضرائب على السيارات و كمان مفيش دعم للبنزين أو أي سلعة تانية مهما كانت .
مش علشان أحنا أتعودنا على الدعم معناه أنه بقى حق مكتسب من حقوق الناس .
منطق
بياخدو الضرائب دي عشان العربية مستوردة وبتدخل البلد وكمان عشان يبقي ليك حق تمشي في اراضي الدولة الي هية اصلا للشعب و نظير عواميد النور وكل الخدمات الي علي الطريق احنا الي بندفع تمنها من الضرائب دي
تمام راي حضرتك يحترم
.. بس طالما هو عايز يقلد اوروبا يبقي المفروض يديني مرتب اقدر اجيب بيه البنزين من غير دعم + كهرباء + ايجار الشقة +...
انما ميدنيش مرتب قليل و يقارني بساكني اوروبا (علي سبيل المثال )
حضرتك ادخل علي google
و شوف average income in Europe
average income in Egypt
او حتي gdp per capita in Europe
gdp for capita in Egypt
اتمني لو راي غلط تصلحهولي
هو مين قال أن كل الناس في أوروبا بتأخد مرتب يقدر يخليها تشتري كل حاجة ؟؟؟؟؟
لو عايزيني أقولك على بعض الأمثلة مفيش مانع
انا هاتكلم عن بريطانيا
أولا الحد الادنى للأجور هناك هو 800 جنيه تقريبا (من 3 سنين ) معرفش زاد و لا لاءة
800 جنيه يدوب تدفع بهم ايجار مكان أو ممكن تأجر في مكان قليل شوية و تدفع 600 جنيه
تعالى نقول ان المتوسط 1300 جنيه مرتب
هاندفع 600 جنيه أيجار
100 كهرباء
50 جنيه غاز
40 جنيه مياه
20 تليفون و انترنت
10 تليفزيون
300 جنيه أكل و شرب (من غير خروجات )
-----------------------------------
1120 جنيه مصاريف للبيت فقط لا غير
لسة مصاريف المواصلات أو مصاريف العربية لو عندك عربية
لو مواصلات
لو شغله قريب من السكن ممكن يركب عجلة و يوفر ثمن المواصلات
و لو مش قريب هايدفع في الشهر حوالي 150 إلى 200 جنيه مصاريف مواصلات .
لو معاه عربية المصاريف هاتزيد أكتر
ثمن العربية مش هاندخله في الحسبة
تأمين سنوي أجباري بيتحدد بعوامل كتيرة هانقول في المتوسط 400 جنيه في السنة يعني 35 جنيه في الشهر
ضرائب العربية حوالي 150 جنيه سنويا
الطرق السريعة هناك بفلوس و دخول المدن الكبييرة بفلوس
مفيش ركن في الشارع ....... الركن كله بفلوس و في أماكن مخصصة للركن .
ناهيك عن ثمن البنزين ........ و ثمن مصاريف التشغيل الآخرى .
ده غير ضرائب الدخل و ضرائب المبيعات هناك اللي بتتعدى 18 %
الفرق بس ان هناك الشاب مش بيتجوز و يسحل نفسه بعيال إلا لما يكون أترقى في عمله و أصبح مرتبه معدي 2000 جنيه هو و مراته .... و بعدين يخلف عيل أو عيلين
إنما هنا الشاب يبقى صغير في السن و بيتجوز و يتسحل في عيال و مصاريف
إنما مصاريف الحياة هناك أغلى من هنا بكتير .
الكلام ده كله عن تجربة
عايز أقول حاجة تانية
بريطانيا خرجت من الحرب العالمية التانية فيه بعض الدمار و الميزانية منهكة بسبب الحرب
و مع ذلك مكنش عندهم دعم و كانت الناس بتعاني و لكن أشتغلوا و تعبوا ووصلوا للي هما فيه
أحنا بس اللي أتعودنا نبقى تنابلة السلطان بسبب السياسات الخاطئة المتغيرة دائما اللي بنمشي عليها .
معلش معدل الدخل بيتحسب بالدولار
و الصح يتحسب بالوحدة (العملة ) و ليس الدولار
أنت هنا بتدفع أيجار مثلا 800 جنيه مصري
هو هناك بيدفع 800 جنيه أسترليني (يعني 8500 جحنيه مصري )
يبقى لما نحسب معدل الدخل للمواطن نحسبه بالواحدة الخاصة بالعملة
أنا مثلا ببقض 1500 وحدة و البريطاني بيقبض 1500 وحدة و الأمريكي بيقبض 1500 وحدة
و في النهاية نحسب الوحدة هاتشتري أيه و بكام و دي يتحسب على أساسها معدل الدخل
مفيش دولة في العالم مرتبات الناس (100 % منهم ) فيها بتكفيها زي ما حضرتك أشرت .
فيه ناس غنية و ناس فقيرة و ناس مش قادرة تشتري عربية أو ناس مش قادرة تصرف عليها فتقضيها مواصلات و هكذا .
انا سايب الموضوع كله وماسك فى حاجة واحدة فقط...... هو ايه الايجار اللى ب600 جنيه دا فــــــــــــــــــــــــ ين؟؟
ارائكم تحترم و كل واحد لديه وجهة نظر قد تصيب او قد تخطا و فى الاول و الاخر ده رزق ربنا كتبه للناس جميعا و ربنا مقسمها مهما حاولت تخلى كل اناس متساوية مش هتعرف تخالف حكمة ربنا و كل واحد يرضى باللى ربنا اداهوله و كتبه
ا/tutankhamoun
بالضبط زي ما حضرتك قلت "ما فيش دولة مرتبتها بتكفيها "
انا مكنتش بتكلم عن المرتبات علي وجه الخصوص "وحضرتك عندك حق في كل كلمه قلتها و انا استفدت من تعليقاتك "
بس انا اقصد نسبة و تناسب .. بمعني انا قصدي انه لو عايز انه يلغي الدعم معنديش مانع . طيب يوفرلي البديل
بمعني هل حضرتك تقارن مواصلات بريطانيا بمواصلاتنا .. او حتي شوارعنا ممكن امشي فيها بعجلة عشان اوصل مشواري ؟ " علي فكرة و انا مسافر كنت بستعمل العجلة في المشاوير مع اني كنت 10 سنين , بس بروح و باجي لان فيه اماكن مخصصة لكدة و مافيش عربية حتيجي تخبطني مثلا "
مثلا :انا طالب جامعي حاولت اروح و ارجع بالمواصلات لقيت ان اليوم بيضيع ..فعلا والله الاتوبيس اقف استناه في المحطة ساعتين و طريق ساعة مثلا و ارجع انام . يبقي مافيش مذاكرة .
و انا فاهم قصد حضرتك بان الدعم ممكن يكون واحد فقير محتاجه اكثر مني " علي اساس اننا عائلة عندنا عربية و غيرنا معندوش " بس هل هو حيشيل الدعم من البنزين و يحطه علي سلع اخري يستفيد منها الفقراء
اتمني ذلك !
بالنسبة لبريطانيا هي كانت حتعلن افلاسها فعلا لولا بير البترول اللي لقوه في بحر الشمال .عشان مفقدوش الامل و اشتغلو .. زي ما حضرتك قلت لازم نشتغل عشان نوصل لمصر اللي عايزنها :)
ا/ most_h
معلش خرجنا من صلب الموضوع
ياريت المشكلة في دعم الوقود بس
المشكلة الكبرى ان تكلفة الوقود جزء اساسي من تكلفة باقي السلع
أي سلعة يتم نقلها عدة مرات ، سواء مادة خام يتم نقلها للمصانع ، أو سلع نصف مصنوعة مثل الخيوط والمنسوجات ، او سلع تامة ، ويتم النقل من المصنع الى تاجر الجملة ، ومن تاجر الجملة الى تاجر التجزئة ، ومن تاجر التجزئة للمستهلكين
يعني رفع سعر الوقود جنيه واحد ، يؤدي لزيادة سعر السلعة 3 جنيه ، وبكرة نشوف
علشان ندفع فكل اتجاه
المهم ندفع
طيب خاليني معاك وبعض الدول المتقدمة التانية بيخدو ضريبة سي سي ؟؟؟؟؟؟
يعني بيدفعة كل سنة ضريبة علي سعه الماتور ياباشا ده شوية شوية هيخدو ضريبة شكمان وضريبة فتيس وضريبة رداتير وضريبة تكيف ومش بعيد هيعملو عداد كهربا للعربية علشان نقلل من استهلاك النور والكلاكس والتكيف
دول أوروبا وكل دول العالم بيفرضوا ضرائب على العربيات زى اى سلعة
إنما فى مصر الدولة بتشاركك فى العربية ... الضرائب لية تعريف بس إللى بيحصل فى مصر أسمة إتاوة ....
يعنى لما تدفع ٤٥٪ من تمن العربية جمارك لعربية ١٦٠٠ سى سى دى مش أسمة ضرائب !!!!!!! :N_no[1]:
ولما تدفع ١٣٥ ٪ من تمن العربية جمارك لعربية ٢٠٠٠ سى سى ....... يعنى لما تيجى تشترى عربية ٢٠٠٠ سى سى بتدفع تمن عربية وحته كمان للحكومة .... كدة الحكومة بتشاركك فى فلوسك وكمان هتدييك البنزين بتمنة الحقيقى :10_9_133:
+١١١١١١١ اي حد مقتنع ان الدعم لازم يتشال ممكن كلامه يبقي صح في ظروف معينه غير متوفره علي الاطلاق في مصر و مش هتتوفر ... علشان لو وفروها و شالوا الدعم هيخسروا اكتر من لو سابوا الدعم كده .... مش كل الدول بتخلي المرتبات تعيشك مرتاح طبعا بس اي دوله هتعيشك علي الاقل في مستوي متوسط بمعني سكن و اكل و مواصلات ادميه محترمه مضبوطه في مواعيدها و طرق جاهزه مش مجموعة حفر ماشيه ورا بعض و علاج تبع تأمين صحي زيه زي الخاص .... قبل ما حد يقول وجهة نظره يفكر في البني ادم اللي متمرمط و طالع عينه ده هيعرف يعيش ازاي .....
الضريبة في مصر على العربيات 1600 سي سي هي 230 جنيها سنويا
الضريبة في أنجلترا على العربيات 1300 سي سي هي 150 (جنيه أسترليني ) يعني 1600 جنيه مصري
و التأمين هناك أجباري (اللي هو التأمين الأختياري هنا ) و ممكن ثمنه يعدي 400 أو 600 جنيه أسترليني في السنة
الحكومة هنا تقريبا مقارنة بالخارج مش بتدفعك حاجة زي برة
أصلا المفروض أحنا نأخد البنزين بثمنه الحقيقي (ما حدث كان مهزلة من مهازل تدمير الأقتصاد ) و خلت ناس كتيرة تفتكر أن الدعم ده حق مكتسب .
ثانيا
عايز تعرف أسعار العربيات في أنجلترا كام للفئات اللي حضرتك أشرت إليها ؟
أتفضل
مصر ..... بروتون جين 2 سعة الموتور 1600 أوتوماتيك كاملة ...... 110 ألف
أنجلترا .... بروتون جين 2 سعة المحرك 1600 أوتوماتيك كاملة ....... 12 ألف أسترليني (126000 ألف جندي مصري ) يعني كمان أغلى من مصر ب 16 ألف جنيه كاملين .
ده ثمن عربية مصنوعة في أنجلترا (مش مستوردة كمان )
فوكسهول (أوبل ) أنسينيا 2000 سي سي .......... 25180 ألف أسترليني ...... يعني بالمصري تعمل 264390 جنيه مصري
أسعار الفولكس فاجن بداية من الموتور 1400 تي أس أي إلى 2000 سي سي
البداية هي 25000 ألف أسترليني و زود أنت صفر على الرقم بالمصري
و تنتهي ب 30000 ألف أسترليني و زود صفر على الرقم علشان يطلعلك بالمصري (الجنيه الأسترليني يساوي 10.5 جنيه مصري )
الضرائب و الجمارك مش مشاركة لنا في العربية
الضرائب و الجمارك للمساعدة في بناء الطرق و انارتها و بناء الكباري
اللي أنت هاتسوق عليها العربية ....... لو عايز ما تدفعش جمارك
يبقى المفروض الحكومة لو معندهاش موارد دخل أخرى ....... ما تبنيش طرق
و نسوق على الرملة !!!!
بتدحدد يا أستاذ حسام حسب السي سي و عمر العربية تقريبا داخل في المعادلة .
كل لما السي سي يعلى .... الضريبة تعلى ...... و كل لما لاعربية تقدم الضريبة تعلى كمان .
ازالة الدعم فجائيا بالطبع هايخرب و يقلب الأقتصاد رأسا على عقب .
ثانيا أنا بتكلم عم مبدء الدعم نفسه مش التطبيق ..... و البني الغلبان في مخيلتي و أنا بتكلم اللي أنا و أنت بنأخد حقه في الدعم بسبب منظومة الدعم الفاشلة .
ثالثا طبعا لما يشيل الدعم لازم يكون فيه بديل للي مش هايقدر يستعمل البنزين بالأسعار الجديدو و تكون مواصلات محترمة . (المهم أنا بتكلم عن مبدء و ليس كيفية التطبيق )
تقبل تحياتي .
تحياتي للجميع
يا جماعة الدعم ده كارثة كارة كارثة و خراب للأقتصاد
أحنا دلوقتي بنستورد البنزين و السولار و الكلام ده من 2002
ميزانية دعم الطاقة لوحدها 20 مليار جنيه في السنة !!!!!!!!!!!!!
يعني الحكومة كدا تديني مع كل تفويلة 80 جنيه هدية (فرضا أن لتر البنزين ثمنه الأصلي 4 جنيه و أنا بحط 40 لتر) يبقى أنا دفعت 1.85 قرش و الحكومة كلمتلي الباقي .
يعني أنا بأخد فلوس من الحكومة أكتر من الغلبان اللي بيكنس الشارع و يقف يتحايل علينا في الاشارات نديلة حاجة لله !!! أو واحد بتبيع مناديل في الاشارة و الحكومة مش بتديها تعريفة دعم زي اللي و أنت أصحاب العربيات بنحصل عليها لمجرد أن معانا عربية !!
فين العدل !!!!!!!!!!!!!!!!!!!
طيب برضه أنا هاكرر كلامي
أنا مش بناقش كيفية التطبيق و بناقش فقط لا غير المبدء
أنا من رأيي أن الحكومة تشيل الدعم خالص من على البنزين كمرحلة أولى و حتى مش عايز كوبونات و مع توفير الآتي :
توفير مواصلات محترمة في كل المدن الكبيرة و تكون بسواقين محترمين و بمواعيد .
تفعيل خدمة القطارات و الخطوط الداخلية لخدمة سكان المدن الواقعة على خطوط القطارات .
تثبيت الدعم على الديزل أو السولار و أزالته تدريجيا مع تحسن الأقتصاد حتى لا ترتفع الأسعار فجائيا .
طبعا 20 مليار بتوع الدعم لو راحوا في مشاريع عملاقة نستفيد بها بدل ما بنحرقهم في الهوا احسن بكتير من الدعم لأن هايكون مشروع له عائد مستمر بعكس الدعم اللي ملوش أي عائد .
أنا مش شايف ازاي الحكومة تديني دعم علشان أركب عربية لوحدى و مشغل التكييف و أروح و أجي للشغل و فيه ناس تانية ممكن تكون محتاجة فلوس تعمل عملية أو تحسين المدارس أو ا لمستشفيات أو البحث العلمي و أحنا زعلانيين أن الدعم هايتشال .!
يا جماعة أنت عايز مشفى حكومى محترم (عايزة فلوس )
عايز مدارس حكومية محترمة (عايز فلوس )
عايز خدمات حكومية محترمة (عايزة فلوس)
لازم نبدء من نقطة ما علشان نوصل
إنما الشعب يقعد يقول يوفرلي كله الأول وبعدين يأخد الدعم (اللي هو مش من حقه أصلا ) !!!
أي منطق !؟ نتحدث ؟!
افلحت الحكومة ان صدقت و ما ادراك ان الدولة هتحول الدعم الى التنمية مش ممكن توجهه لسد عجز الموازنة مثلا او الصرف على الانتخابات او المستشارببن فى الدولة او او .... الخ و لو الدعم اتلغى ما ادراك ان الدولة بعد كام سنة ما فيش موارد كافية للميزانية تعمل ايه ممكن تفرض ضريبة تحت اى مسمى مش هتغلب على البنزين لزيادة موارد الدولة و سد العجز المشكلة مش فى الدعم المشكلة الاساسية فى الفكر و العقول موارد مصر عبارة عن ثروات طبيعية البترول الاثار قناة السويس فين الفكر اللى يجيب فلوس من صناعة حقيقية مبنية على علم مش مصانع بسكويت و صناعات غذائية و ورش تجميع السيارات و قنوات غنائية و مسلسلات و افلام امريكا بكل ما لديها من قوة بفضل العلم كوريا الجنوبية اللى مساحتها صغيرة جدا رابع اقووووى اقتصاد فى العالم و احنا هنا بنعتبر العلم مضيعة للوقت و الفلوس و كمان مجال للتريقة على العلماء نظارة كعب كوبية و ما شابه احنا عايزين ناس واعية و جادة و شعب متعاون للوصول الى الهدف المنشود و واحد زى مهاتير محمد
حضرتك بتتكلم عن آليات تنفيذ
أنا بتكلم عن مبدء فقط ليس إلا .
الدعم غلط و خراب للأقتصاد
تنفيذ ازالته ازاي ........... دي قصة تانية .
=================
و بعدين أحنا دلوقتي بنشحط ........... نقوم نستلف علشان ندعم العربيات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟
أما بقى موضوع الانتاج .... ده كلام لا خلاف عليه
و الأقتصاد القوي لا يُبنى على الدعم ..... أو بمعنى آخر مفيش دولة أقتصادها قوي فيها دعم لأي سلعة .
آليات التنفيذ طبعا لازم تكون سلسلة و واحدة واحدة علشان الناس ما تحسسش بده بسرعة و يحصل ارتفاع للأسعار مفاجئ .
مع تحياتي
ما هو حضرتك بتكلم على انك بتاخد دعم مش من حقك ماشى بس مش برده تشوف الفلوس دى راحت فين و اتصرفت ازاى و حاجة مهمة جدا المبدا لازم و ابدا يكون معه الية تنفيذ ممكن اوى المبدا ظاهره خير باطنه شر فى التنفيذ وفى امثلة كتيرة على كده فى البلد انا معاك فى الغاء الدعم تماما بس هيتطبق ازاى و ما الضمانات ان الفلوس ستوجه الى التنمية و عدم فرض ضرائب جديدة كما ذكرت و لو صدقت النوايا لكان حال البلد غير كده خالص ما فيش حد معترض على الغاء الدعم بس ازاى و اثاره ايه انت ممكن تلغى الدعم كاملا بس تدى الناس زيادات على المرتب بس هتلاقى فى الموضوع تحايل وسرقة و ..و. من الشعب زى بالظبط مبدا العدالة الاجتماعية تلاقى اتنين موظفين واحد فى البنك بياخد اد كده و موظف فى الارشيف بياخد ملاليم هتلاقى اللى فى البنك عايش كويس و مش محتاج يشتغل شغلانة تانية او ياخد رشوة و لو خد رشوة ساعتها يستاهل العقوبة اللى عليه اما التانى يا اما يشتغل شغلانتين او يسرق او ياخد رشوة و لو عاقبته هتعاقبه ازاى هيقولك الدولة ما ادتنيش حد الكفاف ازاى ب 300 جنيه اعيش انا و اسرتى المبدا كويس و حلو بس لازم يسبقه تنفيذ كويس علشان تحس بيه لكن اللى بيحصل ان عندنا قوانين كتير و مبادى و حالنا دلوقتى يصعب على الكافر ليه لعدم الصدق فى النوايا و التخوين و عدم المصارحة و الوضوح فى الرؤية و كفى ان الناس بتطالب بالعدالة و العدالة بتتطبق على ناس و ناس لا بكده يبقى المبدا ملوش لازمة و انكسر يعنى ما فيش مبدا من اساسه احنا عاوزيين نبقى كويسيين بس مش عارفيين نبقى كويسيين ازاى و تانى ماحدش معترض على المبدا بس بيبقى مشكلة هنا فى تطبيقه بالصورة الصحيحة
حضرتك تخصصك ايه يا توت بك؟ كلامك ظاهره خير وباطنه شر...فين الكلام عن اكتشافات بترولية كبيرة في الصحراء الغربية؟العملية عندنا مختلفة عن بره صدقني وبعدين انت دائما بتقارن بالمملكة المتحدة اعتقد المقارنة مش متكافئة المفروض تقارن بدول تانية زي الاتحاد الاوروبي مثلا .. بمناسبة الضرائب علي العربيات العربية بره (دول الاتحاد اوروبي)زي عربيتي مثلا ب3000 جنيه مستعملة وفيها تكييف وباور ومش خالية الدسم زي مانزلوها في مصر هنا العربية مستعملة ب30000 جنيه ابويا اشتغل 25 سنة علشان نجيبها ده في اي دولة ياعالم 25 سنة شغل علشان تجيب عربية ليه؟؟؟ انا رأيي يوفروا الدعم من مصادر تانية يمنعوا السرقة الحد الادني والاقصي للرواتب يورونا البترول المستكشف ده فين والذهب بتاع السكري وغيره فين ربنا يعلم في ناس كتير بيحطوا بنزين بالعافية وانا منهم وفي نفس الوقت ساكن بعيد عن القاهرة ب45 كيلو يعني لو نزلت القاهرة رايح جاي 100 كم في اليوم!!اسف معادلتك فيها غلط ولبس جامد يا توت بك
وزير الصحة بيقول ان تطوير 580 مستشفى على مستوى الجمهورية ( جميع مستشفيات الدولة ) يحتاج الى 8 مليار جنيه
بينما دعم الطاقة يصل الى 100 مليار جنيه
التطوير بتاع المستشفيات دا يحصل مرة واحدة كل 5 الى 8 سنين
ودعم البنزين لوحده 20 مليار جنيه .......
يعني لو سنة واحدة توقف دعم البنزين او نزل للنص ده لوحدة كفيل ببناء المنظومة الصحية من جديد ..
لكن انا طول عمري بقول ان احنا في مصر بنهتم ببناء الحجارة اولا قبل وجود سياسة تشغيل وادارة
يعني نبني مستشفى ونجيب اجهزة وفي الآخر مش لاقيين ادارة ناجة للمستشفى .........
ولما نحب نجدد المستشفى برضو نروح نجدد المبنى ونسيب المشكلة الأساسية
الادارة دي علم وله ناسه اللي بتفهم فيه ....... التطوير مش اني ابني حجارة واصرف على حاجات بتروح مع الوقت ...... التطوير اني اعمل نظام يتمشي عليه لمدة طويلة ...... اعمل system
مش كل حاجة نبني وندهن ونسفلت شوارع
و كمان فى حاجة تانية ان اللى عاوز او بيطالب برفع الدعم هيجى عليه وقت و يقول ياريت اللى جرى ما كان لانه هينضر من اسلوب التنفيذ الخاطىء اللى هتتاثر بيه الطبقة الوسطى او اللى فوق الوسطى كمان يعنى كله هيتاثر ما عدا الاغنياء طبعا
معلش يا أستاذ توت ، هو اية الفرق بين العربية الـ 1600 سى سى والعربية الـ 3000 سى سى؟ أستهلاك البنزين ونسبة الكربون
فالمنطق بيقول انه بما انه مبقاش يحمل الحكومة دعم بنزين، فالجمارك تنزل لنفس جمارك ال 1600
+ حضرتك بتتكلم عن انجلترا ونظام التأمين سواء على الصحة او السيارة
هو حضرتك احنا عندنا تأمين اساساً؟؟؟ سواء ع الصحة او السيارة؟؟
دة حتى تأمين السيارة بتتسرق فيه، واحيانا كتير بيطلع عينك فى حالة لا قدر الله حصل حادث
وضرائب السيارات هناك، اولا السيارات هناك عليها قيود كتير، منها مثلا انها لازم تكون امان ، يعنى بيهتموا بالمواطن مش زى عندنا
فدة بيرفع ثمن العربية من غير اى ضرائب، ضيف عليها ضرائب بتزيد كل ما نسبة تلويث العربية للهواء زادت (برضة بيراعوا صحة المواطن)
مش زى هنا ، يفرض لك ضريبة 200% على عربية 3000 سى سى نسبة تلوثها للهواء اقل من بكتيييييييييييير من عربية قديمة غير آدمية مبتدفعش ضريبة
انا مش مع الدعم، بس مش مع أستخفاف نظام الحكم بينا وسعيه خلف مصالحة الشخصية دون مراعة الشعب
فى دولة زى امريكا، بالتمن اللى جبت بيه هنا عربية byd عادة، اجيب هوندا سيفك 1800 سى سى
ومفيش دعم هناك على البنزين برضة
انا برده شايف ان طالما هيشيل الدعم يبقي يقلل الجمارك والضرائب اللي في المرور اللي هي اصلا كتيير جدا عشان موضوغ حجم الموتور واستهلاك البنزين
يعني ال x5 مثلا ب 50 الف دولار بره يعني 350 الف مصري عشان موتورها كبير مع ان التكنولوجيا دلوقتي ممكن تخلي عربيه زي دي 8 سيلندر تستهلك بنزين اقل من ال 1600
اجي انا هنا ادفع فيها مليون و500 الف او اكتر يعني دافع فيها مليون و150 الف يعني لو هيمشي 1000 كيلو في الشهر هتمشي 5 كيلو للتر وسعر التر 10 جنيه مثلا يبقي الراجل دافع للكومه سعر البنزين بتاع عربيته لمدة 48 سنه
يجي بقي يدفع تاني 2% كل سنه ضرايب وحوالي 20 الف عشان يرخص ويشتري كمان البنزين بالسعر الحر
باي منطق ؟ واي شرع واي قانون ؟
ده اسمه سرقه
يعني الدوله المصتعة نفسها اللي شجعت وطلعت مصانع وعملت كل ده اخدت جزء من تمن العربيه اًلأصلي اللي هو 50 الف دولار وانت بدون اي وجه حق اخدت اكتر من 200 الف دولار من صاحبها وكمان هدفعة ضرايب وكمان مفيش اي دعم ليه علي البنزين؟
ياباشا الحكومة دي حكومة وطنية خالصة بنت تنكيد علي الشعب
انا موافق يرفعة الدعم بس وفرلي موصلات زي اوربا وزي الاستاذ توت عنخ أمون عمال يستشهد بي انجلترا ياباشا علي الاقل عندهم احترام لي البني ادم يعني في موصلات في اسعار مش بتتحكم فيها التجار في رقابة في ان البنزين بتعهم مش زي البنزين الي هنا الي كلة رصاص وجاز ومياه ياباشا احنا عملين الصح مع حكومتنا ومتقوليش البنزين والحكومة بتتصدق علينا بيه واحب اقولك بره في الدول الاوربية في اعانةو بطالة لي الشباب انا ليه وحد صديقي مولود في ايطاليا والله الحكومة بتصرف له كل شهر مرتب
بي اليورو وبيتبعت له مصر تصدق دي بقا
انا تعالي اقولك الشعب المطحون ده الحكومة بتنكد عليه ازاي يعني دلوقتي وصل الغاز بقا يجي مش اقل من 50 جنية وفواتير الكهرباء وفواتير المياة الي بتيجي كل شهرين من 30 الي 39 جنية
وكمان فواتير التلفون الي بتدفع كل 3 شهور سواء اتكلمت ام لا بتدفع 50 جنية ولو اتكلمت عد بقا برحتك
تاني حاجة النت في كل دول العالم رخيص الا مصر دفعين له جمرك هو كمان :grin02: اقل اشتراك في النت لوحدك كل شهر 95 جنية وسرعه حدث ولاحرج اذا كان بتغلي علي الناس النت عايز تعد ازاي شعب يمسك الاي باد ويدرس بي الكمبيوتر ياباشا قبل الغاء دعم البزين وفر البدائل لي اني انا مش مجبر اشتري عربية واروح بيها الشغل وادفع له سعر عالمي في البنزين لي ان المفروض بره في الدول الاوربية ان العربيات لي الرفاهية فا بي التالي حقهم انهم يشيله من عليه الدعم أما هنا في مصر هما مكرباصين اتنين الي شغالي في كل منطقة واليمكروباص بيبقا محمل فيه الناس فوق بعضهم والي هيركب اتوبيس هيلقي الي متشعبط علي في جيوب بنطلونة الخلفي فا بي التالي فكرة رفع البنزين غلط وهما الي هيخسرة لي انهم بيستعجلو ثورة الجياع عليهم
مرة تاتية و تالتة و خمس تلاف الدعم اللى هيتشال دى هيقلل عجز الموازنة و بس و مش هايخش جيبنا تانى لا ف صحة و لا تعليم و لا مواصلات و لا اى حاجة دى فلوس بالسلف الحكومة هاتوفرها و لما توفرها مش هاتستلفها عشان تدعم الصحة او النقل او التعليم
و يا استاذ توت بفرض ان حسبتك مزبوطة عن المواطن ف انجلترا طيب بالنسبة للعلاج المجانى بالكامل و الشامل لكل شئ حتى ثمن المواصلات للمستشفى دا مش دعم
هل توفير الحكومة البريطانية الدعم لمنتجات الالبان و الاغذية الطبيعية و تلاقى سعرهم رخيص دا مش دعم
طيب فيه زملاء كتير سافروا بره و كانوا معاهم ولادهم و مرتب البعثة الحكومى المصرى هناك عرة الحكومة البريطانية كانت بتصرف البان و اغذية لاطفال المصريين هناك و فى حالة ان الاب تقاعس عن استلام هذه المأكولات كان ممكن يخش السجن دا مش دعم و ايه مش لمواطن بريطانى دا لاجنبى و الكلام ده من 5 سنين فاتوا
طيب ال 300 ج استرلينى بتوع الاكل دا بيكفيهم اكل وشرب بشكل صحى و سليم و مشبع و لا مقضينها نشويات و مقليات و مفيش منتجات لحوم و فواكه زى هنا سيادتم افتح جرنان النهاردة 44% من المصريين قالوا انه خلال السنة ده مكانش معاهم فلوس تكفى شراء احتياجاتهم من الاكل عارفين يعنى ايه نرفع الدعم عن البنزين و السولار المكون الاساسى للزراعة من رى و حصد و اساسى ف النقل من اماكن الزراعة للاسواق و اساسى فى انتاج مصانع الاغذية بانواعها دا حتى لو دعم كمية من السولار برضه الاسعار هاتزيد
هل دا منظر حكومة تقدر ترفع الدعم النهاردة و تحدد تسعيرة محترمة لكل المنتجات بما يرضى الله بما يناسب التكلفة و ربح مناسب
هل يقدر مصنع اغذية او تجار فواكه فى بريطانيا يغلوا اسعار منتجات اساسية من غير موافقة و مراجعة الحكومة بقول تانى منتجات اساسية زى الالبان و الخضروات و اللحوم احسن حد يقولى كافيار و لا حاجة
رفع الدعم ده هايجيب كوارث ع البلد ف ظل حكومة خايبة و معلش جشع تجار هو اصلا مش مخصوص للمصريين بس طبيعة انسانية مادام مفيش رقابة
ما نسيت ان اقوله ان ما يذكره السيد توت عن فض الدولة البريطانية عن يديها ف دعم المواطن و اعتماد سياسة السوق الحر و الليبرالية الاقتصادية هو ما يشكو منه كثير من البريطانيين بمرارة و ما عاناه العمال البريطانيين على يد السيدة ثاتشر ليس بالقليل فى هذا الشأن خلافا لما يتمتع به الفرنسيون مثلا من دعم حكومى فى مجالات عديدة