الموضوع: رفع الدعم عن البنزين وجمارك السيارات

ارائكم تحترم و كل واحد لديه وجهة نظر قد تصيب او قد تخطا و فى الاول و الاخر ده رزق ربنا كتبه للناس جميعا و ربنا مقسمها مهما حاولت تخلى كل اناس متساوية مش هتعرف تخالف حكمة ربنا و كل واحد يرضى باللى ربنا اداهوله و كتبه

ا/tutankhamoun
بالضبط زي ما حضرتك قلت "ما فيش دولة مرتبتها بتكفيها "
انا مكنتش بتكلم عن المرتبات علي وجه الخصوص "وحضرتك عندك حق في كل كلمه قلتها و انا استفدت من تعليقاتك "
بس انا اقصد نسبة و تناسب .. بمعني انا قصدي انه لو عايز انه يلغي الدعم معنديش مانع . طيب يوفرلي البديل
بمعني هل حضرتك تقارن مواصلات بريطانيا بمواصلاتنا .. او حتي شوارعنا ممكن امشي فيها بعجلة عشان اوصل مشواري ؟ " علي فكرة و انا مسافر كنت بستعمل العجلة في المشاوير مع اني كنت 10 سنين , بس بروح و باجي لان فيه اماكن مخصصة لكدة و مافيش عربية حتيجي تخبطني مثلا "

مثلا :انا طالب جامعي حاولت اروح و ارجع بالمواصلات لقيت ان اليوم بيضيع ..فعلا والله الاتوبيس اقف استناه في المحطة ساعتين و طريق ساعة مثلا و ارجع انام . يبقي مافيش مذاكرة .

و انا فاهم قصد حضرتك بان الدعم ممكن يكون واحد فقير محتاجه اكثر مني " علي اساس اننا عائلة عندنا عربية و غيرنا معندوش " بس هل هو حيشيل الدعم من البنزين و يحطه علي سلع اخري يستفيد منها الفقراء

اتمني ذلك !

بالنسبة لبريطانيا هي كانت حتعلن افلاسها فعلا لولا بير البترول اللي لقوه في بحر الشمال .عشان مفقدوش الامل و اشتغلو .. زي ما حضرتك قلت لازم نشتغل عشان نوصل لمصر اللي عايزنها :)

ا/ most_h
معلش خرجنا من صلب الموضوع

المشاركة الأصلية كتبت بواسطة aymanshebl

ارائكم تحترم و كل واحد لديه وجهة نظر قد تصيب او قد تخطا و فى الاول و الاخر ده رزق ربنا كتبه للناس جميعا و ربنا مقسمها مهما حاولت تخلى كل اناس متساوية مش هتعرف تخالف حكمة ربنا و كل واحد يرضى باللى ربنا اداهوله و كتبه

بالضبط ما فيش بنا خلاف ان شاء الله .. كلها اراء و ادينا "علي الاقل انا" بنستفيد

علشان ندفع فكل اتجاه
المهم ندفع

المشاركة الأصلية كتبت بواسطة tutankhamoun

كل دول العالم فيها ضرائب على السيارات (جمارك) و كمان مفيش دعم على المحروقات

أصحاب السيارات في مصر بيأخدوا دعم أكتر من الغلابة اللي معهومش سيارات و ده قمة الظلم .

=======

الطرق محتاجة فلوس علشان تتبني و أحنا نسوق عليها ,,,,,, و محتاجة انارة (الطرق الداخلية )
و الحاجات دي بتتكلف مليارات .

دعم البنزين مش من حقنا أصلا علشان نزعل لما يتشال و حضرتك تقول لما يشيعل عني دعم البنزين يشيل معاه الجمارك !!!

أصلا الدول الداعمة للبنزبن في العالم كلهم على بعضهم 10 دول و كلهم دول منتجة للبترول بوفرة و كمان كلهم دول نامية و متخلفة صناعيا و أحنا معاهم .

كل دول أوروبا بـتأخد ضرائب على السيارات و كمان مفيش دعم للبنزين أو أي سلعة تانية مهما كانت .

مش علشان أحنا أتعودنا على الدعم معناه أنه بقى حق مكتسب من حقوق الناس .

طيب خاليني معاك وبعض الدول المتقدمة التانية بيخدو ضريبة سي سي ؟؟؟؟؟؟
يعني بيدفعة كل سنة ضريبة علي سعه الماتور ياباشا ده شوية شوية هيخدو ضريبة شكمان وضريبة فتيس وضريبة رداتير وضريبة تكيف ومش بعيد هيعملو عداد كهربا للعربية علشان نقلل من استهلاك النور والكلاكس والتكيف