عملت حادثة باللوجان و التوكيل عايزها 3 شهور

**Mr.Mahmoud** · 18-05-2013 09:01 AM

المشاركة الأصلية كتبت بواسطة sh_sunsea

مصر للتأمين شركة كويسة لو عامل محضر ومظبط نفسك - صلحها في التوكيل - بس هاتدفع انت وتسترد 80% تقريبا من المبلغ الي هاتدفعه

لو فيه فرصة تتحسب total loss - ياريت علشان الاصلاح في صدر العربية بيبقى سخيف وصعب جدا - وأصعب على من بخارج التوكيل والنتيجة غالبا مش هاتبىقى مريحة

اتعرضت لتجربة مشابهة وصلتها بره - ورغم جودة التصليح الا ان العربية ماطلعتش زي الاول وبعتها في الآخر

عندك فكرة التوتال لوس ده بتاخد كام في المية من قيمة العربية ؟
و هما بيحاسبوني على قيمة العربية ساعتها و لا دلوقتي ؟
و بجد رنا يكرمك على الاهتتمام

**zeekas15** · 18-05-2013 10:04 AM

حمدا لله على سلامتك وقدر ولطف.........
لو ناوى تبيعها على عيبها يبقى صلحها بره التوكيل وبيعها
اما لو ناوى العربيه تستمر معاك يبقى مفيش غير التوكيل وعلى الاقل التوكيل هيقدر يقولك هى هتنفع ولا هتتكهن وفى الحاله دى لو التوكيل صلحها يبقى انت مضطر تستلف الفلوس لغاية ما التأمين يردلك قيمة الاصلاح لان التامين بياخد وقت معين لرد قيمة الاصلاح اما لو اتكهنت التامين هيصرفلك قيمتها بسعرها المستعمل مش الزيرو...........ربنا معاك انا شايف التوكيل أسلم اختيار

**Sh_sunsea** · 18-05-2013 10:27 AM

المشاركة الأصلية كتبت بواسطة Mr.Mahmoud

عندك فكرة التوتال لوس ده بتاخد كام في المية من قيمة العربية ؟
و هما بيحاسبوني على قيمة العربية ساعتها و لا دلوقتي ؟
و بجد رنا يكرمك على الاهتتمام

يا فندم لا شكر على واجب وربنا يعينك

بالنسبة Total Loss كل شركة تأمين بتحسبها بنسبة مختلفة 40 -50 -60 - اتوقع مصر للتأمين بين 50% و60 % من المبلغ المذكور في عقد التأمين انه تم تقييم سيارتك به - اذا تجاوز التصليح مثلا 50% من التقييم المذكور في عقد التأمين بتعتبر Total loss في الحالة دي

**Ahmed Selim** · 18-05-2013 12:34 PM

لو الشركة متعاقدة مع التوكيل يبقى هما هيحاسبوا بعض و أنت هتدفع نسبتك بس..........

و لو مش متعاقدة و ده الأغلب يبقى حضرتك هتدفع المبلغ كله و تسترده خلال شهر أو أتنين من شركة التأمين بعد خصم نسبتك.

لو توتال لوس هيقيموا العربية على أساس سعر السوق حالياً.....بمعنى

لو العربية سعرها فى السوق 70 و التصليح هيتكلف 60 مثلاً يبقى توتال لوس

هتاخد انت نسبة حوالي 80% من سعر العربية الحالى......و إحتمال أقل حسب ما العقد بينص.

**abdo_2812** · 19-05-2013 06:43 AM

المشاركة الأصلية كتبت بواسطة aboamina

يا استاذ محمود حمد الله على سلامتك قبل اي شىء وربنا يوفقك في القرار الاصح....لكن ليا سؤال وقت التصادم الاير باج فتح ولا لأ عشان انا عملت حادثة بلوجان برضه من شهرين والعربية اتقلبت 3مرات والاير باج مافتحش وفي ناس قالتلي المفروض يفتح بس عند التصادم من قدام. ياريت الاعضاء يفيدونا بالرد على الموضوع ده

حضرتك كنت قافل الحزام ولا لأ ؟؟، معلوماتي إن الإيرباج مش بيفتح إلا لو الحزام مقفول لأنه ممكن يسببلك ضرر كبير لا قدر الله لو فتح في وشك وانت مش شادد الحزام

**wael30003** · 21-05-2013 03:58 PM

ده مقايسة عملتها فى مركز فرنش موتورز ومش عارف المركز ده سمعته ايه

حد عنده فكرة

اليكم المقايسة بالتفصيل

اصلاحات
1- اعمال سمكرة بالجهاز 700
2- اعمال فيبر 100
3- اعمال كهرباء 100
4- اعمال ميكانيكا 400
5-شحن فريون 400
6-اعمال دهان فردة شاسيه 250
7-كبوت 350

اجمالى الاصلاحات 2300 جنيه

قطع غيار
1- درياتير 1050
2- سرابنتينة 1050
3- شاسيه اكصدام 750

اجمالى قطع الغيار 2850

الاجمالى العام 5150 جنيه

فى حد عنده فكره شاسيه الاكصدام لو اتنى ممكن يتغير بواحد تانى

لأنى خبطت فى عربية كانت امامى

وباظ الردياتير والسربنتينة

وشاسيه الاكصدام

ومهندس المركز قال لى هيغيره

فما حقيقة هذا الكلام

افيدونى افادكم الله

**shaddadfalcon1** · 21-05-2013 04:35 PM

لا حول ولاقوة الا بالله ربنا يجيرك في مصيبتك ويخلف عليك خير منها

يعني حادثه زي دي ومحصلتش الموتور ازاي تتكلف 40% من تمن العربيه !!

**Sh_sunsea** · 23-05-2013 10:25 AM

ماتور اللوجان الاوتوماتيك في التوكيل ممكن يعمل كام.. !!

الموضوع: عملت حادثة باللوجان و التوكيل عايزها 3 شهور

LinkBack

أدوات الموضوع

عرض

-

-

-

-

المواضيع المتشابهه

عملت حادثة باللوجان

انا عملت حادثة باللوجان -قدر الله ومشاء فعل-

عملت حادثة باللوجان

عملت حادثة على الطريق الزراعى باللوجان ارجو الافادة

الحمد لله عملت حادثة و دى قصتى مع التوكيل و الجمعية المصرية

الكلمات الدلالية لهذا الموضوع

المفضلات

المفضلات

ضوابط المشاركة