الموضوع: opel vectra gls 1999 للاهمية

ايه يا رجالة الاوبل فين الردود أنا عايز أفهم ..... السرعة ونبي :d

انا معايا نفس الموديل ده ومغير الكاسيت بالـ Panasonic بتاع موديل 2003 + ريموت الكاسيت + سي دي تشانجر 6 اسطوانات اوديو بتاع نفس الموديل بيركب في درج التابلوه او اي مكان تحبه + طاره مالتي فانكشن بتاعه نفس الموديل برده للتحكم في مستوي الصوت + التحكم في الاغاني next & previous + التحكم في الاسطوانات السته + التغيير بين الراديو والكاسيت والسي دي والتحكم في قنوات الراديو

شاشه المعلومات اوتوماتيك بتقري رقم السي دي الي شغال + رقم التراك الي انت بتسمعه

سعر الحوار ده كله ممكن يعمل 1000 من غير تركيب والله اعلم جايز تكون الاسعار نزلت بس هي كانت الكاسيت والريموت 400 والطاره 300 والسي دي 300 والتركيب ممكن 100 جنيه او اكتر حسب الصنايعي..

لو انتا قريب من طنطا ممكن تجيب من عند الحاج عاشور الي عند مدخل ميت حبيش وهوا الي هيركبهملك

الموضوع لذيذ جدا وهتحب العربيه اكتر ومفيد اكتر من حاجات تانيه ملهاش لازمه زي الجنوط وخلافه

يعني لزم أغير شاشة معلومات ولا مكن على الأصلية وبيغير ف السلك بتاع الكاست الأصلي ولا على الفبريكة أنا عايز بس الكاست و السيدي شنجر مش أكتر

لا مش بيغير شاشة المعلومات.. بس بيغير فيشة الكاسيت يعني لازم تشتري الكاسيت بفيشته ( هوا اصلا هتلاقيه مديهوله بالفيشه ) ونصيحه هات الطاره المالتي فنكشن هتنبسط منها اوي اوي اوي فوق ما تتخيل يعني

طب معلش هو مكن لو مع حضرتك نمرة الحج عاشور ده عشان أكلمو أعرف منو الأسعار وكدا ومعلش مش لو غيرت الطرة بتبقى مش ذي م كنت يعني د حاجة تيدور العربية ولا اه رأي حضرتك و شاشة المعلومات الأصلية بتشتغل عليها السيدي والتراك ورقم وكدا صح ؟

ايوا شاشة المعلومات الاصليه بتشتغل عليها السيدي ورقم التراك وكل حاجه وتغيير الطاره ميضرش العربيه دي طاره يعني انتا مش مغير نص ولا حاجه ودي حاجه.. بالعكس دي بتضيف للعربيه اوبشن زياده

بالنسبه للحاج عاشور هوا رقمه 01222424928

والله أنا مش عرف اشكر حضرتك ازاي واتمنى نكون أصدقاء إن شاء الله خاصةً إن معنا نفس العربيات