إيه رأيك في بي أم 318 مو 82

**mo3tsem** · 17-05-2013 10:18 PM

السلام عليكم ... انا شفت عربيه بي ام 318 موديل 82 ( فانوس واحد ) بصراحه العربيه تمام التمام ماتور 1800 بتاع رالفابريكه بس حالته 70% هو مش محتاج حاجه ... كامله أوتو ماتيك فتحه سقف .. وكل حاجه فيها كهربا .. عليها الجنط 15 بي ام لسه جديد أعرض حاجه ... لونها اسود .. وفيها زينون وليدات والوش بتاعها ما شاء الله عليه .. بصراحه العربيه عاجباني جداً وطبعاً هي فابريكه دواخل بالكااامل ومفيهاش مصروووف جنيه واحد
هو طالب 28000 جنيه نهائي ... هل ده سعر معقول ولا عالي ولا إيييه ..؟
مع اني المفروض أروح أخلص فيها انهارده بس مش عاوز أروح قبل ما استشيركوا ... فـ انا عاوز رأيكم إيه فيها وتنصحوني بإيه بقي ولو مش ده سعرها إيه هو السعر المعقول عليها ... والف شكر يا رجااااله :)

**Mstfun** · 18-05-2013 01:14 AM

تمام علي كلامك......
بس موضزع 1800 سي سي دا مقلق شويه
احسن يقولك مالكش دعم ف البنزين ولا حاجه
احسن تسال كويس عن الموضوع دا الاول

**mo3tsem** · 18-05-2013 10:11 AM

المشاركة الأصلية كتبت بواسطة mstfun

تمام علي كلامك......
بس موضزع 1800 سي سي دا مقلق شويه
احسن يقولك مالكش دعم ف البنزين ولا حاجه
احسن تسال كويس عن الموضوع دا الاول

بس تصدق ممكن .. عندك حق ... :)

**mohannd** · 18-05-2013 05:02 PM

اتفرج عليها كويس وخلى معاك حد فاهم او صنايعى معرفة علشان قطع غيار العربية دى موجودة بس قليلة شوية وهى موديل e21 ولو احتاجت حاجة ممكن تكلمنى فى اى وقت انا معايا زيها . مهند من المعادى 01068828829

**mo3tsem** · 18-05-2013 05:25 PM

المشاركة الأصلية كتبت بواسطة mohannd

اتفرج عليها كويس وخلى معاك حد فاهم او صنايعى معرفة علشان قطع غيار العربية دى موجودة بس قليلة شوية وهى موديل e21 ولو احتاجت حاجة ممكن تكلمنى فى اى وقت انا معايا زيها . مهند من المعادى 01068828829

تمااااااام أوي .. طب ممكن تقوللي العربيه دي سعرها كده حلو ولا وحش ولا عالي ولا واطي ولا إيييه .. ؟ :)

**mo3tsem** · 18-05-2013 06:32 PM

المشاركة الأصلية كتبت بواسطة mohannd

اتفرج عليها كويس وخلى معاك حد فاهم او صنايعى معرفة علشان قطع غيار العربية دى موجودة بس قليلة شوية وهى موديل e21 ولو احتاجت حاجة ممكن تكلمنى فى اى وقت انا معايا زيها . مهند من المعادى 01068828829

اللي انا اعرفه يا معلم انك طلع عينك في العربيه بتاعتك مع الميكانيكيه ... ياريت بقي يا معلم تقوللي لو السعر ده كويس ولا كتير عليها ولا إيه .. وإيه هي مشاكلها معااك .. :)

**mohannd** · 18-05-2013 07:11 PM

بصراحة السعر بيكون فى العربية دى على حسب الحالة ومعمول فيها اية يعنى ممكن تلاقى واحدة ب 12 الف و واحدة تانى ب 35 علشان العربية ممكن يتعمل فيها تعديلات كتير ويتصرف عليها اكتر بس انت بتقول عليها المكنة بتاعتها ودى قديمة شوية انا عندى 1800 بس المكنة موديل 92 انجكشن المهم تكون اساسيات العربية سليمة والرفايع والتابلوة سلام يعنى لو بالمبلغ دة يبقى المفروض فعلا متصرفش جنية بعد كدة وربنا يكرمك بالخير