اشتريت بيجو 301 اليوم

**Moh.El Saady** · 18-05-2013 10:43 AM

الف مبروك عليك يا باشا بس ياريت تقرير شامل عن كل حاجة في العربية لأن في ناس كتير مستنة التقرير ده وياريت يكون بالصور بقة

**abdulhafeez** · 18-05-2013 11:25 AM

الف مبروك
ربنا يديك خيرها ويعيذك من شرها

**dramir1** · 18-05-2013 11:53 AM

ربنا يديك خيرها ويكفيك شرها ...في انتظار التقرير...هي تقفيل فرنسي؟؟
وياريت اسعارها والفرق بين الفئات

**mohjarr** · 18-05-2013 02:43 PM

ألف شكر لكم جميعاً الصراحة لم أتوقع كل هذه الردود .. إن شاء الله أول لما أستلم هأعمل تقرير مبدئى عنها و بعد ذلك تقرير أخر بعد الإستخدام.
إنطباعى الأول أن السيارة تقفيلها أكثر من جيدجداً الفئة الهاى لاين أفضل من البيس لاين من حيث الشكل و المضمون و تزيد عنها بجنوط 16 سبور و كاوتش ماركة ميشلان أو جوديير و سينسور الباركيج و و تكييف ديجيتال و و كاسيت بيلت إن شكلة أكثر من رائع خصوصاً بعد بدأ تشغيل السيارة و إضائة الأنوار و 2 إيرباج.
شنطة السيارة كبيرة جداً على الرغم من أنه لا يظهر ذلك قبل فتحها . عموماً شكل السيارة و جودة التقفيل كان من الممكن أن يضعها فى فئة سعرية أعلى من ذلك بكثير و أعتبرها صفقة كقيمة و جودة مقابل المال. يبدو أن التوكيل قام بتوزيع أول دفعة على المعارض ليحقق الإنتشار و الدعايا لها ولذا تجدها ببعض المعارض بزيادات متفاوتة مع الأخذ فى الإعتبار أن كل الألوان متوفرة ماعادا البعض المميز مثل Bianca White و Rich OAK

**mohjarr** · 18-05-2013 02:46 PM

المشاركة الأصلية كتبت بواسطة mohamed gemy

ممكن اعرف جبتها من اي معرض لان انا المفروض ان شاء الله هنزل احجزها اليوم او غدا

معرض أباظة أوتو تريد بس هايكون فيه زيادة عن السعر الرسمى للتسليم الفورى. بالنسبة للحجز من التوكيل أفاد أنه يوجد حجز الأن و الأستلام فى أحد الدفعتين القادمتين فى شهر 8 و شهر 9

**Muahmmad Honda** · 18-05-2013 02:48 PM

الف مبروووووووووك و منتظر التقرير على نار !! قريت عنها فى اهرام الجمعة اللى فاتت و الصراحة عجبتنى جدا و سعرها بردو !! ربنا يباركلك فيها ان شاء الله

**mohjarr** · 18-05-2013 02:50 PM

المشاركة الأصلية كتبت بواسطة wael30003

الف مبروك

لسه امبارح قريت عنها فى ملحق الاهرام للسيارات

سعرها خرافة بالنسبة لحجمها - اسمها - مميزاتها

احد مميزاتها الشنطة 640 لتر - انا عندى اللوجان الشنطة بحر 520 لتر

مكتوب سعرها يبدأ من 108000 جنيه

مقارنة السيارة من وجهة نظرى ب اللانسر او ربما ( الكورولا )

من حيث الكفاءة والراحة -

وطبعا انت الوحيد فى المنتدى اللى هيكلمنا عنها

ويستفيض فى الكلام

منتظرين بفارغ الصبر - بس ياريت كل صغيرة وكبيرة من اول ما تحط المفتاح فى الباب لغاية من

تنزل من العربية

بالنسبة للحجم سيدان ومش اى سيدان لأ - دى سيدان كبيرة

وبيجو - اسم بيجو يكفى حتى ركبت عجلة ماركة بيجو

إن شاء الله هأعرض التقرير بمجرد الإستلام و على فكرة إنت ممكن تشوفها فى معرض أباظه إللى فى شارع التسعين.. أنا شايف إنك ساكن فى نفس المنطقة بس إللى معروضة الأن البيزلاين و يوجد الهاىلاين بتاع السى إليزيه برضه فممكن تشوف الشكل الخارجى بتاع ال 301 على البيزلاين ثم تلقى نظرة على الهاى لاين بتاع الستروين لترى الفارق بين البيزلاين و الهاى لاين.

**asuity** · 18-05-2013 02:56 PM

المشاركة الأصلية كتبت بواسطة mohjarr

إن شاء الله هأعرض التقرير بمجرد الإستلام و على فكرة إنت ممكن تشوفها فى معرض أباظه إللى فى شارع التسعين.. أنا شايف إنك ساكن فى نفس المنطقة بس إللى معروضة الأن البيزلاين و يوجد الهاىلاين بتاع السى إليزيه برضه فممكن تشوف الشكل الخارجى بتاع ال 301 على البيزلاين ثم تلقى نظرة على الهاى لاين بتاع الستروين لترى الفارق بين البيزلاين و الهاى لاين.

ممكن اسالك ليه اخترت البيجو على الاليزيه.

**Moh.El Saady** · 18-05-2013 02:59 PM

المشاركة الأصلية كتبت بواسطة mohjarr

ألف شكر لكم جميعاً الصراحة لم أتوقع كل هذه الردود .. إن شاء الله أول لما أستلم هأعمل تقرير مبدئى عنها و بعد ذلك تقرير أخر بعد الإستخدام.
إنطباعى الأول أن السيارة تقفيلها أكثر من جيدجداً الفئة الهاى لاين أفضل من البيس لاين من حيث الشكل و المضمون و تزيد عنها بجنوط 16 سبور و كاوتش ماركة ميشلان أو جوديير و سينسور الباركيج و و تكييف ديجيتال و و كاسيت بيلت إن شكلة أكثر من رائع خصوصاً بعد بدأ تشغيل السيارة و إضائة الأنوار و 2 إيرباج.
شنطة السيارة كبيرة جداً على الرغم من أنه لا يظهر ذلك قبل فتحها . عموماً شكل السيارة و جودة التقفيل كان من الممكن أن يضعها فى فئة سعرية أعلى من ذلك بكثير و أعتبرها صفقة كقيمة و جودة مقابل المال. يبدو أن التوكيل قام بتوزيع أول دفعة على المعارض ليحقق الإنتشار و الدعايا لها ولذا تجدها ببعض المعارض بزيادات متفاوتة مع الأخذ فى الإعتبار أن كل الألوان متوفرة ماعادا البعض المميز مثل bianca white و rich oak

هو البيس لاين فيها نوع كاوتش مختلف؟؟؟ ولا هو الفرق في الجنوط فقط؟؟