الموضوع: اشتريت بيجو 301 اليوم

المشاركة الأصلية كتبت بواسطة asuity

ممكن اسالك ليه اخترت البيجو على الاليزيه.

علشان الوكيل و إسم بيجو فى مصر لكن السيارتين مثل التوأم من الداخل لكن فى البرشور و المقارنات بينها و بين السيتروين ستجد أن البيجو أطول بنسبة بسيطة جداً كما أن البرشور ذكر أن الشنطة أكبر فى البيجو .
لم أتعامل مع عز العرب ولكن الشكاوى التى سمعتها من بعض مالكى بروتون الموجودين فى المنتدى أقلقتنى الصراحة من السى إليزية لذا قررت أن أدفع الزيادة للأسم فقط و هذا ليس تقليلاً من ماركة السيتروين ولكن ثقافة السوق المصرى .

المشاركة الأصلية كتبت بواسطة dramir1

ربنا يديك خيرها ويكفيك شرها ...في انتظار التقرير...هي تقفيل فرنسي؟؟
وياريت اسعارها والفرق بين الفئات

ألف شكر لك .. السيارة بيجو 301 و السيتروين سى إليزية بلد المنشاء فرنسا و يتم تقفيلهم فى نفس المصنع معاً فى أسبانيا يعنى الإثنين على نفس خط الإنتاج و على رأى مندوب البيعات الإتنين من جردل بوية واحد

المشاركة الأصلية كتبت بواسطة moh.el saady

هو البيس لاين فيها نوع كاوتش مختلف؟؟؟ ولا هو الفرق في الجنوط فقط؟؟

المعرض الذى إشتريت منه كان عنده البيزلاين بتاع البيجو 301 و الهاى لاين بتاع السيتروين . البيجو الكاوتش كان جووديير مع جنط عادى و طاسات و الستروين الهاى لاين كانت بجنوط أسبور 16 و كاوتش ميشلان و مندوب المعرض ذكر أن الهاى لاين بتاع البيجو هايكون زى السى إليزيه

مبروك البيجو ياريت ترجع تانى وتسمع زى 504

الف مبروووك
ربنا يباركلك فيها ويكفيك شرها ويعطيك خيرها ان شاء الله

انا ناوى اجيبها وكنت فى معرض اباظه التجمع الخامس عربيه جميله وفعلا هى والاليزيه سى نسخه بالكربون

فى انتظار التقرير والف شكر
هى الهاى لاين البيجو بكام ؟ والاوفر برايس كام ؟

المشاركة الأصلية كتبت بواسطة hatem_swaf

الف مبروووك
ربنا يباركلك فيها ويكفيك شرها ويعطيك خيرها ان شاء الله

انا ناوى اجيبها وكنت فى معرض اباظه التجمع الخامس عربيه جميله وفعلا هى والاليزيه سى نسخه بالكربون

فى انتظار التقرير والف شكر
هى الهاى لاين البيجو بكام ؟ والاوفر برايس كام ؟

الهاى لاين 135.000 و بياخد أوفر برايس 3.000 و الموديلين الأخرين بياخد 2.000 أوفر برايس