الموضوع: عاوز اشتري عربية لاتزيد عن 70 الف

شاكر لحضرتك الاقتراحات وفعلا ملاحظ انها مترتبه كويس
لي سؤال هل الافضل اني اروح للاحدث في الموديل وهنا هي الاوبترا
وبالاستعمال المعتدل والمحافظة عمرها يكون طويل مثلا 8 : 10 سنوات من الان

السلام عليكم ورحمة الله وبركاته

انا معايا فى حدود 45000 الى 50000 جنيه عايز اجيب لانوس او فيرنا ايه العربية المناسبة والموديل المناسب و حالة الدهان

قدامي بومه 2004 1300 مانيوال ماشية 94 الف ومطلوب فيها 70 هل المبلغ كده كويس عليها
وفي كمان مكوه 2003 1300 اوتو مطلوب 65 الف

كنت استقريت على اوبل فكترا او استرا ولكن بالبحث عن مواردها في محافظتي مش لقيت سوق كبير لقطع الغيار ( واحد بس محتكر قطع الغيار ) وكمان ميكانيكي واحد شغال فيها
فنقلت العطا على شيفورلية اوبترا وعجبني وسع صالونها وكبر شنطتها وكل حاجه فيها حلوه بس افتقارها لعوامل الامان وصاجها اللي الناس بتقول عليه خفيف قوي

وفعلا بدئت اشوف كام عربيه وادور
واصدقائي نصحوني بالياباني واني اسبني من الكوري فبصيت على اللانسر لقيت المكوة والبومة ولقيت ان الفلوس اللي معايا(70) هتجيب موديلات اوائل ال 2000 من اللانسر زي مكوه 2003 او بومه 2004 ( والنهارده في واحد بيقول لي ع بومه 2007 ب 70 هشوفها ) وكلهم 1300 سي سي

اما الاوبترا فممكن الفلوس دي تجيب لي عربيه 2008 او 2009 يعني احدث في الموديل وهتكون طبعا 1600
فهل الكوري اثبت نفسة
هل الكوري ممكن يعمر معايا فوق ال 10 سنين قدام و يوم ما احب ابيع هيكون محتفظ بالقيمة ومش اخسر فيها ولا الاقي للكوري استمرار بعد كده
الياباني فلوسي هتجيب موتور 1300 والكوري هتجيب 1600
الياباني موديلات قديمه شوية 2002 : 2004 والكوري موديلات احدث 2008 : 2010

استعمالي خفيف ومش بفرتك العربية ولا مش هواه الشد ولا الهري
من البيت للشغل ومن الشغل للبيت بمتوسط 10 كيلو في اليوم
وغير مشوار السفر الشهري مع العائلة لزيارة الاقارب في البلد
فهل ال 1300 يكفوني ولا اخليني في الصالون الواسع والموتور الكبير

فكر في البروتون سواء جين 2 او بيرسونا
عربيه ممتازه بكل المقاييس

المشاركة الأصلية كتبت بواسطة mhopa2440

راي الشخصي المعبر عني انا وبس

اوعى تركب عربية 1300 صدقني هتندم طول عمرك لعند ما تغيرها على الاقل لو حبيت ف مرة انك تشد لسبب ما حتى عشان تخرج من موقف مش هتلاقي ف اي تجاوب تحت رجلك ولا الهواء حضرتك

مدخلش الاوبل مقارنة مع الكوري كدا كدا الاوبل هتكسب بس اللي بيحب يركب البي ام والمرسيدس والالماني بيكون عنده غيه او هوامية ومش بيعترف بالكوري اصلا عربيا

اما ثبات ف السوق انزل اسئل على العربية الانترا موديل 2005 وشوف الناس هتقولك ايه عشان تعرف الكوري عمل ايه وقدر يوصل بالعربية لاعلى المواصفات

انا لو مكانك هشتري الانترا او لانسر 1600 واحتمال ضعيف جدا جدا جدا اشتري اوبترا مش عشان العربية وحشة لا عشان فرق السعر قليل جدا

ملحوظة : اللي بيبوظ العربيات ف مصر الميكانيكية واهمال صاحب العربية او جهله بالشئ مع ميكانكي مش فاهم الدنيا بتضيع
وانا من الزقازيق على فكرة لو احتاجت اي حاجة ربنا يقدرني واقدر افيدك
لو كدا ابقى راسلني اسيب لك رقم الموبايل لو احتجت اي شئ

وبالتوفيق ان شاء الله

نزلت السوق علشان اعرف رينج السعر لقيت فعلا الالنترا 2005 ماسكه سعر جامد لدرجه ان واحد كان بيقول فيها 86
اما الانسر ال 1600 فمبلغ 70 مش هيجيبها
انا ساكن في طريق الغشام انت منين