في حد هنا عنده رخصه دوليه ممكن يساعدني

**ahmed khedr** · 18-05-2013 11:25 PM

كنت عاوز اعمل رخصه قياده دوليه علشان انا بسافر في الصيف شهرين فعاوز اعمل الرخصه دي

كنت عاوز اعرف ايه الشروط والاوراق المطلوبه والرسوم للدفع

شكرا

**aboamina** · 19-05-2013 12:18 AM

بتروح مرور مدينة نصر (طريق النصر رابعةالعدوية) وتاخد منهم استمارة رخصة دولية مجانا , تملا الاستمارة وتروح تقدمها هي وصورة الرخصة الخاصة وصورة البطاقة و4صور شخصية في نادي السيارات (في وسط البلد جنب جروبي) وهتستلم الرخصة بعد ساعتين تلاتة من وقت ما تقدمها , الرسوم حوالي 150ج , بس خد بالك مدة سريانها سنة فقط فيفضل انك تعملها قبل ما تسافر على طول عشان يبقى معاك وقت مناسب قبل ما تعمل رخصة في البلد اللي انت مسافرها.
ربنا يوفقك

**sayed911** · 19-05-2013 12:43 AM

ياريت حضرتك قبل ما تستخرجها تتاكد من سرياها لأنه على ما اذكر والدي كان نوه انه فيه بلدان الرخصة الدولية لا تسري فيها ولكن مش متأكد ممن المعلومة فياريت حضرتك تتأكد الأول

**haissam24h** · 19-05-2013 12:45 AM

ولازم يكون معاك تصريح سفر للدوله الى انته رايحها عشان تقدر تعمل الرخصه
التكلفة كلها حوالى 100 ج بالكثير التصريح ده لو انته مش معاه اعفاء نهائى

**mohamed_selim** · 19-05-2013 12:55 AM

معلش الكلام مش صح
لا محتاج تصريح ولا حاجه
بتجيب جواب من مرور رابعه ببلاش ببيانات الرخصه و تطلع على نادى السيارات معاك رخصتك و صورتها و صورتين ليك و المصاريف ١٨٠ جنيه
المفروض انهم هيبداوا يخلو ظابط قاعد فى نادى السيارات يعمل الجواب بدل مشوار رابعه بس لسه بيقولو من اول الشهر و مش عارف ده هيلغى رابعه ولا هتكون موجوده لان عمل الجواب ده يستلزم وجود الشخص صاحب الرخصه نفسه بينما الرخصه الدوليه اى حد يقدم طالما الورق معاه

الصلاحيه سنه و فعلا فى بلاد مبتقبلهاش بس غالبا دول عالم تالت يعنى اوروبا و امريكا مقبوله فيهم

**shenoo** · 19-05-2013 01:44 AM

الظابط خلاص موجود فعلا من النهاردة 18/5 في نادي السيارات . يعني تروح نادي السيارات علطول . المهم بس ان رخصتك تكون سارية لمدة سنه و الرخصة الدولية بتكون لمدة سنه واحدة فقط. و المطلوب صورة البطاقة و الرخصة و 2 صورة شخصية و المصاريف 200 جنية.

**ahmed khedr** · 19-05-2013 02:16 AM

طيب ممكن سؤالين بس

يعني ايه رخصتك تكون سارية لمدة سنه يعني تاريخ الانتهاء اكتر من سنه ولا تاريخ الصدور من اكتر من سنه

وهل دول الخليج بتقبلها ولا ايه

**mohammed.h** · 19-05-2013 02:47 AM

الاستاذ الفاضل
لقد قمت باستخراج الرخصة الدولية من شهر تقريبا وكانت الاجراءات كالاتي
قمت بالزهاب الي مرور رابعة العدوية وتوجهت الي مباحث المرور بالدور الثاني
وقدمت اصل الرخصة الخاصة بالمكتب لاستخراج الجواب الموجه الي نادي السيارات وتم استلام الجواب بدون اي رسوم في خمس دقائق
وفي اليوم التالي توجهت الي نادي السيارات بجوار جروبي بمنطقة وسط البلد الساعة التاسعة والنصف صباحا
وانتظرت داخل المكتب حتي بداية العمل في الساعة العاشرة وقدمت الاوراق وهي
صورة بطاقة الرقم القومي او الجواز
عدد 2 صورة شخصية
الجواب بتاع مرور رابعة وقالولي استلمها الساعة الثانية عشر ظهرا وبالفعل وقد تم
اما عن شروط استخدامها فهي كالاتي
مسموح بها داخل اكثر من 150 دولة ومنها كل الدول العربية
غير مسموع بالقيادة بها داخل مصر
لابد من ان تكون داخل الدولة اللي هتستخدمها فيها بناشيرة سياحة فقط وليس اقامة

هذا كل ما اتزكرة وارجو ان اكون قد افدتكم

**mohammed.h** · 19-05-2013 02:50 AM

اسف للنسيان رسوم الاستخراج 150 جنيها ومدتها عام من تاريخ الاصدار ولا تجدد ولكن يتم استخراج رخصة جديدة عند انتهاء مدتها
وشكرا

**mohamed_selim** · 19-05-2013 09:30 AM

يكون فاضل فى رخصتك اكتر من سنه لان الاصل ان اللى انت بتعمله نوع من انواع ترجمة رخصتك و المفروض انك بتدبس الاتنين فى بعض و التعامل بالدوليه و رخصتك مع بعض فمينفعش رخصتك تكون فاضل فها اقل من سنه لان اللى بتعملها صلاحيتها سنه