توك توك خبطنى و كمان فى بنزينة

**kokowasfy** · 19-05-2013 04:51 PM

المشاركة الأصلية كتبت بواسطة ahmed_adham

أنا كنت عند محطه كالتكس اللي جنب نادي المهندسين يوم الخميس بالليل لقيت غزو تكاتك وأنا دايمابمون من المحطه دي ومتعود انها هاديه وبالكتير بلاقي عربيتين قدامي في الدور لكن المره دي التكاتك كانت كتير قوي وداخله في وسط العربيات وعملين طابور من الناحيتين (عملو طابور من الاتجاه العكسي) طب أنا واقف في الناحيه الصح في الاتجاه الطبيعي للطريق وبيني وبين الدور بتاع 6 عربيات ألاقي صف تاني اتكون الناحيه التانيه بعد مانا وقفت وهياخدو عربيه من هنا وعربيه من هناك كده يبقى دوري رقم 14 بدل رقم 7 أول ما لقيت كده قمت ماشي. بس موبيل اللي كانت قبل ميدان جهينه كانت رايقه شويه بس مدخلتهاش عشان كنت مش متوقع ألاقيها رايقه فكنت ماشي بره مش من الحاره البطيئه.

واللة صح كلامك غزو تكاتك لكن بس انتا رحت موبيل الساعة كام عشان دى كانت زحمة اوى

**S O P H O S** · 19-05-2013 04:55 PM

بصراحة دي ظاهرة ربنا يصبرنا عليها

**Land_Cruiser** · 19-05-2013 05:24 PM

وجهه نظري ان التوكتوك ده اكيد مش حل لأزمه المواصلات و لا كمان للبطاله . ده بيزود ازمه المرور بالمشاكل اللي بيعملها و بيساعد علي انتشار البلطجه و الجريمه و كمان بياخد من دخل أصحاب التاكسيات و الميكروباصات اللي بيدفعوا ترخيصه تأمين و ضرائب لكن ده ببشاركهم في الدخل و البنزين المدعم وكمان يفتقد الي عوامل الامان بشكل واضح و تلاقي في لجنه مرور تاكسي مثلا موقفينه امن و متانه علشان زلطه في الزجاج و لا فانوس مكسور و علي الجهه الأخري التوكتوك معدي عامل تلوث سمعي و بصري و مفيش حد بيكلمه. المفروض يبقي فيه حلول كامله لازمه المرور عن طريق اعاده تخطيط الشوارع و الميادين و عوده رجال المرور مع تشديدهم علي قواعد المرور و بالتالي ممكن ساعتها سائقين التوكتوك يلاقوا وظيفه كويسه و مرخصه و دخلها افضل

**Habd** · 20-05-2013 02:17 AM

التوكتوك ده بلوة من اللى ساقينه لطريقة سواقتهم حتى ف التلوث السمعى و البيئى اللى عمله الاخطر انوا ملوش نمر يعنى اهرب و اجرى و بقى مهنة اللى ملوش مهنة

**Mohab.Nabil** · 20-05-2013 02:30 AM

المشاركة الأصلية كتبت بواسطة land_cruiser

وجهه نظري ان التوكتوك ده اكيد مش حل لأزمه المواصلات و لا كمان للبطاله . ده بيزود ازمه المرور بالمشاكل اللي بيعملها و بيساعد علي انتشار البلطجه و الجريمه و كمان بياخد من دخل أصحاب التاكسيات و الميكروباصات اللي بيدفعوا ترخيصه تأمين و ضرائب لكن ده ببشاركهم في الدخل و البنزين المدعم وكمان يفتقد الي عوامل الامان بشكل واضح و تلاقي في لجنه مرور تاكسي مثلا موقفينه امن و متانه علشان زلطه في الزجاج و لا فانوس مكسور و علي الجهه الأخري التوكتوك معدي عامل تلوث سمعي و بصري و مفيش حد بيكلمه. المفروض يبقي فيه حلول كامله لازمه المرور عن طريق اعاده تخطيط الشوارع و الميادين و عوده رجال المرور مع تشديدهم علي قواعد المرور و بالتالي ممكن ساعتها سائقين التوكتوك يلاقوا وظيفه كويسه و مرخصه و دخلها افضل

+1

كلام 10 على 10 .. دا شارع الهرم بقى زحمة و بيقف على طول بسبب قرف التوكتوك دا عاملين موقف قدام كل شارع رئيسى و واخدين 3 حارات من شارع الهرم الرئيسى و سايبين الشارع كله يمشى فى حارتين بدل الـ 5 و طبعا الشارع واقف من اوله لأخره و الناس كلها قرفانة .. و رأيك سليم تماما تلاقيهم موقفين بتاع الملاكى عشان ستيكر و لا فاميه و بتاع التاكسى عشان فانوس ولا حاجة و سايبين التوكتوك اللى نص اللى راكبينه اصلا بلطجية و حرامية و معلهوش نمر يعنى اسرق و اخبط و اجرى

**abdulhafeez** · 20-05-2013 02:42 AM

على العموم ان شاء الله لو اتعمل البنزين بالكوبونات
التكاتك كلها غالبا هتختفي من البلد ... علشان البنزين هيبقى غالي قوي عليهم

بعدين في اكتوبر التوكتوك والتاكسي بياخدوا نفس الاجرة
انا كنت ركبت مرة توكتوك خد مني 4 جنيه في المشوار ومش عاجبه وعايز 5 جنيه
ومرة تانية خدت تاكسي بالعداد خد 4 ونص والتاكسي انضف واحسن طبعا

**Ramy_2R** · 20-05-2013 11:35 AM

بغض النظر عن أي حاجة
مش من حقك تضرب صاحب التكتك قلمين عشان خبطك
ده يسمى ب القهر
انك تضربه عشان هو مش قادر على فعل شي ضدك
عيل غلبان يعني
و ده جزء كبير من السبب في المشاكل النفسية عند الطبقة دي

**eng.m7md.ali** · 20-05-2013 11:43 AM

انا شايف ناس بتدافع عن صاحب التوك توك وكانه بقى ملاك

بصراحة لولا اننا في منتدا محترم كنت قولت كلام مش كويس وهيزعل مني كتير

اسف جدا بس اللي بتقولوه ده مينعش في مصر

**Ramy_2R** · 20-05-2013 03:09 PM

المشاركة الأصلية كتبت بواسطة eng f3lix

انا شايف ناس بتدافع عن صاحب التوك توك وكانه بقى ملاك

بصراحة لولا اننا في منتدا محترم كنت قولت كلام مش كويس وهيزعل مني كتير

اسف جدا بس اللي بتقولوه ده مينعش في مصر

أنا ولا بدافع عنه كأنة ملاك و لا ببرره خطأه
غلط يتعاقب
قل أدبه يتضرب
بلطج .. يتنفخ
بس الفكرة في موضوع التعميم
سواق تكتوك بقت وصمة أجتماعية
تعطيك الحق في إهانة صاحبها بغض النظر مين هو أو تصرفه أيه

**eng.m7md.ali** · 20-05-2013 06:36 PM

المشاركة الأصلية كتبت بواسطة ramy_2r

أنا ولا بدافع عنه كأنة ملاك و لا ببرره خطأه
غلط يتعاقب
قل أدبه يتضرب
بلطج .. يتنفخ
بس الفكرة في موضوع التعميم
سواق تكتوك بقت وصمة أجتماعية
تعطيك الحق في إهانة صاحبها بغض النظر مين هو أو تصرفه أيه

ياباشا للاسف كلهم كدة

حتى المتعلمين منهم او ناس محترمة بردو بيبلطج بحكم انه سواق توكتوك وده الاسلوب الامثل للتعامل مع الناس

يعني واحد لابس جلابية ومربي دقنه وشكله شيخ ومحترم كدة الاقيه جاي عكس وبيبلطج كمان .. قولي بقى ده اسمه ايه؟

مشاهدة نتائج الإستطلاع: مبقاش فى احترام خالص من بتوع لتكاكت

الموضوع: توك توك خبطنى و كمان فى بنزينة

LinkBack

أدوات الموضوع

عرض

-

-

-

-

-

المواضيع المتشابهه

توكتوك خبطنى

اتوبيس خبطنى

واحد خبطنى النهاردة بشفريوليه الدبابة

واحد خبطنى والحمد لله

خبطنى أخدت مفتاحه ومشيت !

الكلمات الدلالية لهذا الموضوع

المفضلات

المفضلات

ضوابط المشاركة