الموضوع: سكان هضبة الهرم محتاج مساعدتكم

بص ياباشا الشقه بعداد وجراج بس البكيه 25 الف وفى الدور الرابع وبعداد وانت مش اخر دور يعنى العمارة 5 ادواى والعدداد باسم صاحب الشقة هى المشكلة مش فى الهضبة المشكله فى شارع الجيش الشارع دة كلوا محلات ولما تمشى شويه كدة بتلاقى كافيه اسموة تيتو عامل امامه الناحية التانية كراسى وقاعدة وشيشة وقهوة فى الحتة دى ويبقى الشارع قلب قهاوى وكفيهات زى شارع الهرم وفيصل ويبقى انا معملتش حاجة عزلت من الهرم روحت للهرم

ايه ده ياباشا ... 550 الف فى شقه فى حدائق الاهرام !! حتى لو على الشارع ولو كاش غاليه جدا جدا جدا ده كده حاسب المتر اكتر من 2000 جنيه .. متوسط اسعار المتر هناك 1500 و 1600 تقسيط على 4 و خمس سنين .. انا عايز اقولك انت ممكن تاخد فيلا بسعر اقل من اللى حضرتك كاتبه ده .. انا من سكان الحدئق البوابه الرابعه ساكن فى الشارع اللى فيه خير زمان .. المنطقه هاديه جدا .. خلينى اخش فى العيوب على طول و من غير ما اجامل .

1) الميه بتقطع كتير وساعات بتبقى ضعيفه
2) النور بيقطع كل يومين او تلاته لمده نص ساعه
3) التكاتك ( بس عندنا فى الرابعه مش كتير زى الاولى والتانيه ولا زى اى شارع رئيسى )
4) البناء المخالف من الناس اللى حوليك .. يعنى انا عمرتى ماشيه على الرخصه بالظبط 4 ادوار و جراج .. تلاقى عماره قدامك 5 و 6 ادوار طبعا منظر مش كويس ويا سلام لو عندك رووف زى حلاتى .. هتبقى واقف فى الروف والناس اللى ساكنه فى الدور الخامس فى العماره اللى جنبك معاك :)))
5) حرق الزباله من قبل الغفراء .. قمه الجهل بقى تلاقى الغفير يجمع زباله العماره كلها ويحرقها فى اى ارض فاضيه .. خناقات للصبح لان الدخان بيخش الشقق .
6) الكهرباء والعدادات .. بتاخد وقت على ما تركب .

معظم العيوب دى ممكن التغاطى عنها وكل واحد و مقدرته .. بس نصيحه منى لو هتاخد فى الحدايق خد فى الرابعه وخدلك فى شارع جانبى و لازم يبقى فيها جراج علشان الركنه بتبقى صعبه . و فاااصل على قد ما تقدر فى السعر .. انت راجل رايح تدفع كاش يعنى لقطه بالنسبه لصاحب العماره .

لو احتجت حاجه انا تحت امرك :)

ربنا يكرمك يا رب كل الى انت اكلمت فى دة صح عشان اختى تعانى من نفس المشكله بس انا عاوز اقولك حاجة الشقه 230 متر متشطبة تشطيب نضيف حمامات duravit and ideal standard وسيراميك الجوهرة الراجل دة ساكن فيها بقالوا 10 تشهر وعاوز يعزل مكان جنب الشغل بتاعه تمام انا هاخد الشقه ب المطبخ بالدهان بكل الحاجات دى بالباب الشقه والكلام دة عشان كدة غاليه يعنى لو حسبت المتر فى شارع الجيش 1700 يبقى الشقة ب 391 الف وتشطيب 110 يعنى هية غاليه شويه بس انا هفاصل لسه معاه شويه عموما انا لسه هتكلم معاه فى 515

على العموم انا كنت عاوز اخد رائيك فى شارع الجيش نفسه والعك الى فيه والكافيهات والشغلانه دى

ممم طالما انت شايف انها مناسبه يبقى خلاص .. انا مثلا عندى ادفع 130 الف تشطيب مش 110 بس بذوقى وعلى مزاجى اوى .. فى الاول والاخر دى حاجه ترجعلك وعلى حسب تفكيرك .

نصيحه بخصوص مساحه الشقه .. 230 دول صافى ولا بالبروز و المناور .. الحدايق مشهوره بالمساحات المتاكل منها .. انا مثلا الشقه 145 وده اللى مكتوب فى العقد .. بس فى الحقيقه هيا 130 :) وده ابدااع لانى دخلت شقق والله 150 صافى 120 و 110 !!

نيجى للجيش .. لو عايز فى الجيس ابعد عن تيتو .. كلاسيك .. و وسوبر ماركت الحذيفى و المحلات اللى جنبه اطلع فوووق .. طول ما انت طالع فوق الارض بتعلى معاك والدنيا اهدا واهدا .. لو مشيت شويه فى الشاره هتلاقى فيلا وخده ناصيه لونها رمادى فى احمر دى بتاعت رياض الخولى العماير اللى جنبيها كويسه والدنيا هاديه اوى هناك .. لو كملت لقدام كمان هتخش على الملكى و هتبقى قريب من المول .. فيها نسبه ازعاج و تكاتك كتير .

خليك فى بعد تيتو لفيلا رياض الخولى وبعد رياض الخولى بشويه دور و بص فى المنطقه دى .. انت مقولتش صحيح هيا الشقه فين من الشارع ؟

ههههههه الشقه فى العمارة الى فيها الحذيفى اية رائيك على العموم انا كلمت الراجل النهاردة على 510 وهو قالى بعيد بس انا هاشوف وقالى هرد عليك كمان يومين انت ايه رائيك عشان انا فعلاً متردد ان اهم حاجه فى الشقة دى انها مش مجروحة يعنى بفتح البلكونة بشوف شارع الجيش هو اة فى تراب وقرف بس مش عارف فى احسن منها بعداد

بصراحه .. انا لو مكانك ابعد عنها .. لان المنطقه دى زحمه بسبب الحذيفى ومزارع رايه و الراجل بتاع الكاوتش .. فالرجل عليها كتير اوى .

بخصوص انك مش مجروح اى شقه فى اى عماره على الصف ده عمرك ما هتبقى مجروح نهائى لان قدامك ارض مش هيتبنى عليها نهائى فدى مش ميزه فى الشقه على فكره .

انا من رئى تنزل لفه على العماير اللى على نفس الصف ( شارع الجيش ) و تدور .. ممكن تقع فى شقه سعرها رخيص وبفرق السعر تشطبها على مزاجك و هتاخد شقه فى منطقه هاديه و مش مجروحه .. بس زى ما انت قولت لو شويه هوا قامو شقتك هتتردم تراب .. انا فى شارع جانبى و مقفل بالوميتال ps كبير ومتظبط تراب وده عادى فى الحدائق كلها .. بس انت هتاخد نصيب الاسد لانك على الشارع على طول .

وانا ارهنك ان الراجل صاحب الشقه لما تقوله انك صرفت نظر هينزل للسعر اللى انت عايزه .

ربنا يوفقك و ابقى طمنا عملت ايه

الراجل كلمنى امبارح على 530 وانا متاكد انى هوصل معاه للرقم الى انا عاوزة 510 بس الراجل كان صريح معايا وقالى التراب فى الهضبة رهيب ... نزلت امبارح فى شقق كتير جداااااا بس كلها منغير عداد طيب ايه العمل وانا بدورعلى شقه متكنش مجروحة روحت بصيت على شارع الكرنيش كله فيلات والعمارات تحت الانشاء ادور فين