تساؤل بخصوص اللانسر شارك

**beihoo** · 08-07-2009 10:17 PM

يا جماعة أنا مش عارف ليه اللانسر الشارك مش منتشرة زي البوما اللي سعرها زاد قرابة ال 13 الف جنيه بلا مبرر رغم تقادم موديلها عن الشارك.

يا ريت تقولولي ليه الشارك مش محبوبة زي البوما لأني بصراحة شايف الشارك (المفروض) تكون أحسن.

و ياريت لو فيه موضوع فيه مقارنة بين الاتنين.

**kareemhisham** · 09-07-2009 12:19 AM

انا اشتريت البوما على اقتناع تام بالاوبشنز الفيها و قوتها و شياكتها ,,
و انا اصلا مكنتش بفكر فيها خااااااااااااالص و كنت ببص على الكورولا و الميجان ,, بس الكورولا كانت خلصانة و الميجان واحد جارى معاه قالى بلاش منها عشان قطع الغيار غالية
و بعدين لما بصيت على اللانسر لقيت البومة هاى لاين يا اما الشارك الاوتوماتيك فاضية الهى كاسيت و كان التابلوه بتاعها شكله فقير بطريقة مستفزة ,,

انما البومة فكان فيها جنوط سبور و سبويلر و فرش جلد و جلد على الطارة و عربية فى منتهى الشياكة ,,
انا فعلا مكنش عاجبنى انها منتشرة اوى كدة ,, بس بصراحة العربية ممتازة و عيوبها قليلة و كل يوم بحبها اكتر من اليوم القبله

و بعدين يعنى هو اسعار الشارك دى هى المبررة ,, دى اسعارها ضاربة فى السماء على فرق شوية اوبشنز مش اكتر

و ياريت يا جماعة الهيقول رأيه فى الموضوع ميقولش قصة حب الشعب المصرى و الشعب المصرى يحب التقليد و الكلام دة عشان الواحد اكتفى منه و عايزين اسباب واقعية

**beihoo** · 09-07-2009 01:43 PM

شكرا يا كريم على الرد
لكن يظهر فعلا محدش عارف ليه الشارك وحشة

طبعا أول ما البوما تخلص من عند الوكيل هايخلي الشارك أحسن إختراع بعد الكهربا.

**kareemhisham** · 09-07-2009 06:22 PM

المشاركة الأصلية كتبت بواسطة beihoo

شكرا يا كريم على الرد
لكن يظهر فعلا محدش عارف ليه الشارك وحشة

طبعا أول ما البوما تخلص من عند الوكيل هايخلي الشارك أحسن إختراع بعد الكهربا.

اصل بصراحة مينفعش اغير الشكل و ازود السعر 20 ولا 25 الف جنيه !!!
مينفعش خاااالص ,,

لأ و ايه ,, واحد فى سمير ريان قالى ان البومة هتفضل موجودة لغاية 2012 ,, ههههههههه