فيديو Skoda Rapid, Citroen C-elysee, Peugeot 301 & Dacia Logan

**hossam_elwani** · 19-05-2013 07:15 PM

فيديو Skoda Rapid, Citroen C-elysee, Peugeot 301 & Dacia Logan

Skoda Rapid, Citroen C-elysee, Peugeot 301 & Dacia Logan TopGear Bulgaria - YouTube

انا حاسس ان وجود الرابيد هنا غلط ومتفوقه عليهم كلهم شكلا ومضمونا معايا ولا ايه ؟؟

**hossam_elwani** · 19-05-2013 07:19 PM

ودى برضه مقارنه شكليه بين الاليزيه والبيجو 301 و الرابيد

Peugeot 301 vs Citroen C-Elysee - YouTube

**mabxx** · 19-05-2013 08:23 PM

في رأيي الشخصي ...
العربيات اللي بتستحق ثمنها في السوق المصري الوقت ده وبعتبرها Value for money هيا ..
1-Skoda Rapid ... لما تكون 122 حصان + عزم 205 n\m بالموتور TSI ... تعتبر سيارة رائعة ... بس عيبها بنزين 95 وسعره اللعين
2- Citroen C-elysee ... سيارة روعة
3- Peugeot 301 ... تقريبا نفس الــ Citroen C-elysee بس بعلامة الأسد الفرنساوي
وممكن نضيف ليهم الـرينو داستر كـ قيمة مقابل سعر .. وجودة واعتمادية .. عربية 100% بصراحة
.........
وانا من رأيي ان السيارات دي هتخلي العربيات الكوري التانية ترجع لرشدها وتعرف قيمة سعرها كويس
اللي اساسا كان اهم ميزة فيها هوه السعر اللي كان بيعتبر قيمة مناسبة لمعظم الناس...
لكن بعد الــ over price المبالغ فيه جدااا ... وتوفر بدائل افضل وأقوى وبسعر منافس .. المسألة اتقلبت !!

**S O P H O S** · 20-05-2013 01:42 AM

جميل

**m_newyork** · 20-05-2013 09:40 AM

انا شايف من وجهه نظري الشخصيه ان بعد الاسكودا بيجوا 301 لسبب بسيط اولا اقيم من الستروين ف الشكل لانهم واحد ف كل شئ وكمان هتكون البيجو فرصه اكتر بالنسبه لتوافر قطع الغيار وفي اعاده البيع بتكون احسن من الستروين نوع ما دا راي الشخصي وياريت تشركوني رايكم

**ahmed hares** · 20-05-2013 10:31 PM

اولا البيجو 301 والستروين اليزيه هما نفس العربية تمام كم ناحية الجوانت الفنية زيادة ان البيجو فيها esp
,وده اكيد من الوكيل بتاعها نيجي نقارن بين اعادة السعر بين الاثنين :
احنا كلنا ارتبط في زهننا منذ السبيعينات والثمانينيات اسم بيجو وبالاخص موديلين مشهورين قوي 504 و505
كان مش ممكن تمشي متلاقيش تاكسي 504 والعربية ده بالذات مرتبط بالناس قوي رغم ان انتاجها اتوقف بالشكل ده منذ 1982 تقريبا وكانت مسكه سعرها قوي بجانب الموديلات الحديثة اللي نزلت بعد كده زي 206 307و 507 405و بجانب ان الوكيل السابق وجيه اباظه كان غامل سمعة طيبه قوي للتوكيل واظن ان التوكيل الجديد حيحاول يحافظ علي السمعة ده عشان كده حتلاقي بعد سنه او اتنين سعر اعادة البيع للعربية بيجو 301 اعلي من ستروين اليزيه لان الستروين ارتبطت في زهننا انها عربية حلوه وكل حاجه بس اسعار قطع غيارها غالية قوي وسعر اعادة بيعها بتخسر فيه قوي وبالتوفيق لكل اللي حاجز الموديلين سواء بيجو او ستروين واسف للاطالة

**ahmedz310** · 20-05-2013 10:41 PM

المشاركة الأصلية كتبت بواسطة m_newyork

انا شايف من وجهه نظري الشخصيه ان بعد الاسكودا بيجوا 301 لسبب بسيط اولا اقيم من الستروين ف الشكل لانهم واحد ف كل شئ وكمان هتكون البيجو فرصه اكتر بالنسبه لتوافر قطع الغيار وفي اعاده البيع بتكون احسن من الستروين نوع ما دا راي الشخصي وياريت تشركوني رايكم

فعلا اسم بيجو في مصر وانتشارها افضل وبالتالي هتبقي افضل في اعادة البيع اللي ناس كتير بتقلق منه