أنا بجد زعلان منكوا

**mohamed** · 21-08-2008 11:41 AM

كلام صحيح يا علا ولانك بتقولى ان الموضوع عام فاحب اقول ان اللى مغير المنتدى هو كمية المواضيع الفارغة من اى مضمون مفيد يا ريت الادارة تقنن هذه المواضيع اما الجو الديمقراطى اللى موجود فى المنتدى فده انا بحيى الادارة عليه

**MMamdouh** · 21-08-2008 02:14 PM

قصة المواضيع الفارغة و الغير مجدية و كدة مسؤليتنا احنا... احن اللى ممكن ترفض او نقبل هذه المواضيع و نشيد بيها او نذم فيها و اكيد صاحب الموضوع حيحس فورا اذا كان اصاب او اخطاء

يعنى لما واحد يكتب موضوع منقول اتكتب كتير اوى و حد يقولة "قصة قديمة اتكتبت كتير" حيحاول يبقى حريص فى مواضيعة بعد كدة و لما واحد يعمل موضوع واسع شويتين و الناس تقولة فيما معناه "انت بتهجس" حيعرف انه مش بيكلم عيال صغيرة فى ابتدائى

الادارة مش حتراجع كل موضوع و تشوف الحتوى دقيق ولا لا و هجس ولا لا... دى مسؤليتنا احنا... زى كدة ما واحد يلبس لبس ذوقة سىء او موضة هبلة زى البنطلونات الساقطة و التيشرتات المطقعة... الشرطة مش حتقبض عليه لكن كل الناس اللى ماشيين حواليه و زميلة حيبصوله بقرف و استنكار... وصلت الفكرة؟

MMamdouh

**Ashraf A.Kader** · 21-08-2008 03:40 PM

علي فكرة انا بقالي فترة كبيرة مش بادخل المنتدي من كتر الشحن الموجود ولسه يا دوب داخل المنتدي بالامس واليوم
يا جماعة احنا بندخل المنتدي علشان ننسي همومنا وندردش مع بعض في حاجات مفيدة ونتعرف علي ناس جميلة ولذيذة والحمد لله كل الشخصيات اللي اتعرفت عليها في المنتدي في غاية الاحترام
يا ريت نرجع زي زمان وننسي نغمة التعصب والغضب اللي كان مسيطر علي المنتدي الفترة السابقة
وتحياتي لكل احبائي بالمنتدي كريم باشا حسام حسن شريف 84 الدكتور احمد وميمو حفناوي وغيرهم علشان مش عايز انسي اسماء
وكل عام وانتم بخير بقرب قدوم شهر رمضان وان شاء الله الافطار السنة دي حيبقي امتي وفين؟

**mo7amed_omara** · 21-08-2008 03:53 PM

المشاركة الأصلية كتبت بواسطة Ashraf A.Kader

وكل عام وانتم بخير بقرب قدوم شهر رمضان وان شاء الله الافطار السنة دي حيبقي امتي وفين؟

معمول كل حاجة عن مقابلة رمضان فى بداية المنتدى العام هناك موضوع مثبت باسم مقابلة رمضان
وشكرا

**ahmed1981** · 21-08-2008 06:40 PM

أحيوا الحق بذكره ** وأميتوا الباطل بهجره

**WalidAdel** · 21-08-2008 09:38 PM

المشاركة الأصلية كتبت بواسطة ahmed1981

أحيوا الحق بذكره ** وأميتوا الباطل بهجره

المقوله دي بجد صح 100% المشكله اللي انا شايفها و انا عامة مليش مشاركات كثيره في المنتدي بس في واحد صحبي بيشبه اللي بيحصل هنا و هي ان كل واحد بيدافع عن رايه باستماته رهيبه كاننا في مسابقه و طبعاً مع وجود الناس اللي الباشمهندس سبعاوي بيتكلم عنهم اللي يرمي كلمه تولع الموضوع و تمشي بس مثل هذه المواشيع مش حتتحل الا بتنازل طرف من الاطراف عن رايه او زي مابيقولوا يكبر دماغه من الطرف الاخر علي اساس ان المناقشه حتنتهي بطرقه واحده ملهاش ثاني و ان الموضوع يكبر و يتفاقم و تطور الي مشاحنات و في الاخر الموضوع يتقفل او يتحذف و خلاص و الناس تزعل من بعض و بس
دي النتيجه الاخير كنت قولت ان الموضوع ده في واحد صحبي علشان متقولوش ايه دخل ده ب ده صحبي دا و الحمد لله مش بيعدي كلمه غلط من تحت اذنيه و افضل اتناقش معاه لحد ما ازهق منه و اقوله اللي تشوفه ياصحبي ما خلاص وصلت لنقطه اني مش حعرف اقنعه مش بقي اتخانق معاه و اقوله كلام يضايق لأ وجهات نظر و احنا ليسه صحاب
كل واحد مقتنع باللي في دماغه و مش حيغيره ابداً تفكيرو كده
اسف للاطاله

عادة مش عارف ليييييه كلامي محدش بيرد عليه او يعلل بحس انه متكتبش بس قولت اقول راي لان حاسس ان شاء الله حد حيعلق علي كلامي
و انا احنا كلنا في منتدي واحد و لازم كله يبدي رايه