إن شاء الله ياريس...بس اسمعها منكوا الاول....

10-05-2007 06:15 PM

صباح\مساء الفل عليكوا

املا في ان ربنا يتوب عليا من اللادا....

وبعد تفكير طويييييييييل.......استقريت تقريبا على التيوتا ياريس....

بس اكيد عيب اني ما اخدش رأي الأساتذة الافاضل,وعلشان كده انا هقول اسباب الترشيح و مستني كل الاراء بصدر رحب

و ارجو من الشباب التعليل الوافي....

الاسباب:

1:موضوع تشفير الموتور=امان خيالي (مش موضوع سرقة اللانسر)
2:موتور كورولا 1300 :على حسب ما سمعت وارجو رأي الخبراء 93 حصان
3:ارتفاع عن الارض:علشان شوارع المحروسة
4:ABS+EDB =تحكم عالي في السيارة
5:تابلوه جديد+2 اير باجز
6:شكل فضائي ظريف+واسعة من جوة
7: ياباني 100% "وان فاتنا الياباني ,,موش هايرجع تاني"
8:توكيل محترم للغاية +ضمان 3 سنوات او 100,000 كم

مع العلم انني قررت ال1300 اوتوماتيك فل اوبشن ب99000 (اخر ما عندي)

و ياريت لو اي آراء او نصيحة تانيا باى عربية في نفس الميزانية فول اوبشن

و تسلم ايديكوا :D :D :D :D :D :D

تم تعديل الهجاء الخاص بكلمة (إن شاء الله) "الإداره" مشرف1

**جندى مجند** · 10-05-2007 06:28 PM

أولاً مبروك و اختيار موفق ان شاء الله (وبالمناسبة أرجو أن تراعى كتابتها: "ان شاء" و ليس "انشاء" لأن المعنى مختلف تماماً) ... عيبها الفيبر الكتير قدام و ورا يحتاج حرص مضاعف فى القيادة ...

:موضوع تشفير الموتور=امان خيالي (مش موضوع سرقة اللانسر)

للأسف الحاجة اللى تخوف فعلاً ان اللانسر هى كمان فيها تشفير (immobilizer) برضة و مش قادرأفهم ازاى بتتسرق رغم ذلك و ربنا يستر

:موتور كورولا 1300 :على حسب ما سمعت وارجو رأي الخبراء 93 حصان

الموتور قوته كما فى الكتالوج و العديد من المواقع 87 حصان و ليس 93 و لكن رغم ذلك فهو موتور قوى ما شاء الله و سحبه جميل

**ibrahim** · 10-05-2007 07:17 PM

الانسر فئة اكبر من الياريس و انا لو مكانك و هدفع 99000 ادفعهم في لانسر 1600full option لانها اكبر و اكثر انتشارا و ليها اسمها في مصر و فى النهاية القرار قرارك

10-05-2007 07:19 PM

شكرا يا رجالة....تسلم ايديكوا و مستنني اكثر افادكم الله

**أبوسيف** · 10-05-2007 07:34 PM

الياريس عربية جميلة جدا وأعتقد انه إختيار موفق ، موتورها هو موتور الكورولا وشكلها جميل من جوة ومن برة ، وعربية يابانى بالكامل. أنا كنت فى التوكيل إمبارح بتفرج عليها لأنها من ضمن إختيارتى برده ، وفعلا العربية جميلة جدا. بس خد بالك وانت بتسوقها خاصة فى الأول لحد ما تتعود على أبعادها لأنك هاتحس بفرق كبير عن اللادا اللى انت شايف كل حتة فيها وانت قاعد على الدركسيون ، إنما مع الياريس هايبقى الوضع مختلف ، وسألت الناس هناك عن موضوع عداد الحرارة (الياريس لا يوجد بها عداد حرارة) وقال انها عبارة عن لمبة تضاء باللون الأخضر لما العربية تكون باردة وتطفى لما العربية توصل للحرارة الطبيعية بتاعتها ولما تنور أحمر فدة معناه انك لازم تبطل العربية فورا. فى حاجة كمان فى الياريس المانيوال وهى انك لازم تدوس دبرياج وانت بتدور العربية وكمان دواسة الدبرياج صغيرة جدا والتحكم فيها صعب. بس طبعا انت هاتجيب أوتوماتيك فالمشكلة دى مش هاتواجهك.
بالتوفيق ان شاء الله ولما تجيبها ابقى قولنا على رأيك فيها بعد ما تسوقها.

**fahd_628** · 11-05-2007 01:57 AM

انا واحد صاحبى عندة ياريس مانيوال

العربية ما شاء الله جميلة جدا جدا و موتورها جميل و هادى بس لما تعلى ال RPM تحس انو صوتة عالى بس العربية ناعمة جدا جدا و ان شاء الله حتنبصت بيها اوى و هية واسعة جدا و عفشتها جامدة لما تحمل عليها متلاقيش العربية فى الارض بتبقى ماسكة نفسها

بس فيها عيب واحد

الركن

العربية و انت قاعد مش حتشوف الكابوت خالص حتى لو لزقت راسك فى السقف و صعب اوى تشوف ورا علشان الشنطة عالية و ياما صاحبى خبطها بسبب المشكلة دية بس اهم حاجة انت تاخد بالك من الموضوع دة

و مبروك مقدما على العربية

**sh_masry** · 11-05-2007 02:05 AM

انا لو اللى هاشترى ... هاجيب اللانســــر فول اوبشن و انا مغمض , و مش هافكر فى الياريس خالص مالص هههههههه

a7'ook
Sherif

**Abdallah** · 11-05-2007 05:12 PM

انا ايضا اضم صوتى للاخوة فى اللانسر 1600 فل اوبشن وبالنسبة لموضوع السرقة فتستطيع اضافة انذار للسيارة + غطاء خارجى للسيارة + كلابش بيمسك الدركسيون بدواسة البنزين وراعى دائما ان سيارتك متركنهاش فى مكان مظلم او فى شارع خالى من الحركة تماما , حفظنا الله واياكم.