مع احترامى لجميع شركان السيارات ولكن!!!

**احمد فهمى** · 20-05-2013 02:09 PM

السلام عليكم اولآ اصدقائى الاعزاء ...

قد يبدو العنوان غريب بعض الشئ ولكن....
من الملاحظ من الكثير ادعاء الكورى ملوش مشاكل واليابانى وحتى شركات اوروبيه اخرى وسخونة اوبل والالمانى له اعطال وخلافه من اسطوانات معروفه للجميع لنتكلم بالحساب والمنطق ما هى موديلات السيارات سنة 1994 وما زالت تستخدم الى الان بشكل اعتمادى ومتماسكه حتى لو مجدده وبنفس محركها الاصلى ؟؟ هل هناك ايلانترا او كورولا او رينو او كريزلر نيون مثلآ او فيات وخلافه؟؟؟ الاجابه فيكترا a الوحيده المتواجده من هذه الفتره الزمنيه ومشاكل السخونه فى بعض السيارات بسبب ريداتير وخراطيم وخلافو يعملو منذ عشرين سنه تقريبآ واذا ام تغيير دورة التبريد ستعود كما كانت وهذه السيارات تعدت ال600 الف كيلو متر بنفس المحرك الاصلى حتى لو تم صيانته بسبب اهمال صاحبها من عدم تغيير خراطيم وخلافه.....

والقياس نفسو على الفيكترا بى راجع سنة الصنع وراجع نفس الفئه من الشركات الاخرى فى الشوارع وقرر بنفسك ومستقبلا نفس الوضع على الموديلات الحديثه انا لست متحيز ﻷوبل رغم ركوبى لها 13 سنه الان ولتجربتى لسيارات كثيره لسنوات بجانب اوبل اعتقد اوبل تستحق الاقتناء فعلآ والله المستعان

**mohamedhagrass** · 20-05-2013 02:48 PM

اوبل طبعا مفيش عليها كلام
لاكن مع كل احترامي
انا بشوف لانسر وكرولا تسعينات وسيفيك وبيبقى جامد وبحالته
الكوري عامتا نادرا ما هتلاقي حاجه كدا غير ممكن دايو مثلا الكلام ده
الباقي عمري ما بلاقيه بحاله الزيرو فعلا

**mohammed dodda** · 20-05-2013 02:57 PM

مبدئيا الاوبل ممتاز وانا شخصيا من محبى الاوبل....لكن بالنسبة لموضوع الاعتمادية فأنت نسيت عربيات كتير بتجرى فى شوارع مصر وكتير منها عدى ال30 سنة وبموتورها الاصلى كمان زى ال131 اعرف واحدة موديل 83 موتور الاوريجينال وصاحبها اول يد وعدت المليون كم ويتجيب ال140 لحد دلوقتى وامثلة ال504 وال505 لاتعد ولا تحصى واحنا كان عندنا لادا 2107 موديل92 بعناها فى 2004 وكانت معدية ال700 الف كيلو بالموتور الاصلى..ولو هتتكلم فى التسعينات عندك فى اليابانى السيفيك الجيل الخامس والكرولا الملكة والبيجو405 اعرف واحدة موديل 95 عدت ال800 الف وبمكنتها الاصلية وغيرها كتير