لمبات فيلبس الاصلية لجميلتى

**hany901119** · 20-05-2013 02:20 PM

قمت بشراء لمبتين اثنين شوكه للنور الواطى للفانوس الكبير ولمبتين شبوره بسلكه لفانوسين الشبوره واشترتهم فيلبس المانى اصلى من شركة طيبة وهى وكيل لمبات فيلبس وسيور دايكو الايطالى وعنوان مكان الشراء من مخزنهم (42 ش د البطراوى من عباس العقاد مدينة نصر واعلى المخزن صيدلية الحديدى وعلى ناصية ش البطراوى محل كشرى شيخ البلد) وجارى تركيبهم فى خلال يومين علما ان اللى جيبتهم قبليهم طلعوا المانى مضروب فى علبه صفراء ومقعدوش معايا شهرين وطاروا.
وبيانهم فى الفاتورة كالتالى :
لمبة فيلبس h7 21 عدد/2 26.80*2=53.60 LE
لمبة فيلبس h3 21 عدد/2 13.80*2= LE 27.60

زجاج اللمبات مصنع فى شركة زجاج الساعات (كوارتز)

**ahmedalaahosny** · 20-05-2013 02:29 PM

نقول مبروك مقدما ياباشا ولازم صورتين كدا ولا حاجة ولا اقولك ماتعمل تقرير كده محندق؟

**hany901119** · 20-05-2013 02:33 PM

المشاركة الأصلية كتبت بواسطة ahmedalaahosny

نقول مبروك مقدما ياباشا ولازم صورتين كدا ولا حاجة ولا اقولك ماتعمل تقرير كده محندق؟

انت تأمر ياباشا ..............

**ahmedselaraby** · 20-05-2013 03:43 PM

الله أكبر الله أكبر الله أكبر الله أكبر الله أكبر

خمسه الله أكبر

أعوذ بالله من شر حاسد إذا حسد

بخوووووووووووووور بخوووووووووووور حى ى ى ى ى ى ى ى ى

واحده واحده يا هانى باشا ,, ماتسخنش فى مشاركاتك لحسن العيون تسخن عليك

انا أخر مره سخنت فيها زييك كده عربيتى اتباست بوسه حلوه

صلى على رسول الله

حى ى ى ى ى ى ى ى ى ى

يا باشا مبروك اللمبات اللى زجاجها مصنع فى شركة زجاج الساعات (كوارتز)

يا سبحان الله ,, زجاج كمان ,, يعنى ده الزجاج ده أول حاجه بيجى فيها ..... يالله ما علينا ربنا يسترلك طريقك بقه

**mz_moataz** · 21-05-2013 05:54 PM

أنهي بتاعة الشبورة ؟؟
وياريت لما حضرتك تركبهم تصورهم وتقولنا ادائهم ايه لاني عاوز اغير ( اللمض )
:))
بس مش عاوز اصرف تاني الا لو تأكدت ان ضوئهم اقوي :)))

**ehabpopo** · 22-05-2013 09:52 AM

المشاركة الأصلية كتبت بواسطة peter magdy

الف مبروك يا استاذ هانى
مستنيين التقرير بعد تركيبهم و تقولنا اية الاخبار
بس سؤال
هو اللمبة الواطى نوعها h7 و الشبورة h3 -- صح كدة ولا اية
هو حضرتك جبتهم ابيض ولا اصفر

مظبوط الكلام ده يابيتر... الشبورة h3 ... النور الصغير h7 ...
والف مبروك اللمبات يا استاذ هانى ... ومنتظرين تقرير التركيب بالصور علشان نشوف فرق الاضائة ...
سؤال . انت جبيت لمبات الشبورة 55 واط ... ولا اكتر ؟؟ وال h7 كام واط بردة ؟؟؟؟؟
دى ال h3

وال h7 موجودة هنا

**hany901119** · 22-05-2013 10:55 AM

المشاركة الأصلية كتبت بواسطة ehabpopo

مظبوط الكلام ده يابيتر... الشبورة h3 ... النور الصغير h7 ...
والف مبروك اللمبات يا استاذ هانى ... ومنتظرين تقرير التركيب بالصور علشان نشوف فرق الاضائة ...
سؤال . انت جبيت لمبات الشبورة 55 واط ... ولا اكتر ؟؟ وال h7 كام واط بردة ؟؟؟؟؟
دى ال h3

وال h7 موجودة هنا

كلام صحييييح بس الشئ المهم اللى نسيت ااقوله ليكم ان اللمبات دى بتكنولوجيا جديده يعنى ايه تكنولوجيا جديده ؟؟؟

يعنى اللمبتين بتاع الفانوس الكبير والشبورة 55واط ولكن بيعطوا اضائه زيادة 30% وهو ده الاختراااع ياكوتش وعندهم كمان طقم لمبات انسجرام 55 واط بس بتدى اضائه زيادة 100% وثمنهم 195ج... والكلام ده من بق استاذ شريف شلبى غالب ابن صاحب الشركة او التوكيل واقعدت معاه وفرجنى على كل حاجة وورانى على التاب بتاعه من على موقع فيلبس سمليتور لعربيات انت تختار واحده منهم وقال يعنى بتسوقهم وتشغل الانوار وتشوف مدى اللمبات القديمة والجديدة بتاعتهم وهى هى نفس الواااااط (55) واللمبات دى نازله الوانها نور اصفر/نور ابيض/نور ثلجى/نور ازرق

وسمعنى اكبر سلالالام شحط محط