الموضوع: تكييف القشقاي

السلام عليكم ورحمة الله وبركاته

الاخوة الأعزاء مالكي القشقاي كنت عايز أستفسر من حضراتكم عن رايكم في تكييف العربية ... هل بيسد معاكم تمام في الايام الحر اللي احنا فيها دي؟

الحقيقة أنا عندي عربية قشقاي بقالها اربعة أشهر عاملة حوالي 2600 كم ومبدأتش أشغل التكييف إلا من حوالي أسبوع لكن في الحقيقة حاسس انه مش بالقدر المتوقع من تكييف سيارة يابانية أبدا .. أنا بأشغله على الـ dual وبوصل الحرارة لأقل حاجة (16 درجة) والمروحة على الدرجة قبل الاخيرة - وساعات بشأعله على الـ low فالمروحة تشتغل أوتوماتيك على أقصى سرعة .. وطبعا عامل دورة الهواء داخلية مش بتاخد من برة ..... لكن برده بأحس انه هواء مروحة ساقعة شوية لكن مش التكييف الياباني بمعنى الكلمة زي ما شفته في عربيات تانية ... يعني مش التكييف اللي يبرد المقصورة تماما ويخليك في جو تاني وتحس بفرقه وانت نازل من العربية في يوم درجة حرارته 40 درجة مئوية ....

فهل المشكلة عندي فقط ومحتاج أكشف على الفريون ولا دي حاجة عامة في العربيات القشقاي؟ ولو محتاج أكشف ممكن في أي مركز تكييف ولا لازم مركز صيانة معتمد لنيسان؟

أرجو الاهتمام والرد خصوصا إننا داخلين على موسم السفر والاجازات ولكم جزيل الشكر مقدما مع أسفي على الاطالة .......