حاجات بسيطه لكن تدايق

**hany901119** · 22-05-2013 11:08 AM

بص يا ابو حمييييد كل اللى انت قولته ده عندنا كلنا ولكن حاجة منهم واحدة انا عالجتها وعلاجها جه بالصدفة وليس بفكاكه منى وهى الباكته اللى على سقف العربية لما ركبت الشبكة اللى على سقف العربية بتاعتى (العربية تاكسى) شالوا الباكته دى علشان الشبكة عندى تركب لأنها بتركب فى الفراغ اللى تحت البكته دى بطريقة ما ولما جه يركبها حط قبل مايركبها سيلكون اسود بالمسدس بتاعه خط سيلكون رفيع جدا وبعدين ثبت الباكته وحطها مكانها وكله تماااااام ياريس وانسى خالص الموضوع ده !!!

**ahmedselaraby** · 22-05-2013 11:45 AM

شكرا هانى باشا على المعلومه

الواحد بس كان نفسه ان الناس تكون عندها زمه و ضمير أكتر من كده ,, للأسف عندنا فى مصر مفيش معايير للجوده ,, ربط ربط ,, شعلق شعلق ,, لصم لصم ,, محدش حيحاسبنا ,, محدش حيفتش ورانا ,, محدش حيفئسنا ,, محدش حيعرف ,, محدش شايفنا

طب الماده اللى بنلزق بيها قربت تخلص ,, يا عمى ,, الكميه اللى تلزق واحده ,, خليها تلزق اتنين تلاته ,, طب ما هى حتفك بعد كده ,, يا عمى ,, ما تفك ,, ايه يعنى ,, مش حاجه كبيره قوى ,, ما هى لازم تفك ,, عاجلا ام اجلا حتفك ,, ماتوجعش دماغك ,, المهم الشغل يطلع و نسلم الكميه المطلوبه ,, طب اللزق مش كويس ,, رخيص ,, عاادى ,, ماحنا لازم نوفر عشان الربح يزيد و المكسب يعلى ,, امال ايه ,, أقل تكلفه و أعلى سعر ,, انت ماسمعتش عن السياسه ديه قبل كده و لا ايه