انا رايح التوكيل بكرة - حد عايز يسأل على حاجة هناك

**gabrel** · 22-05-2013 02:46 PM

المشاركة الأصلية كتبت بواسطة gebreel

يا ريت تعرفلنا اسعار الصيانات كام دلوقتي للمانيوال و الاوتو و لو تسألنا على قطع الغيار علشان نحدث الموضوع بتاعها و بالمرة حملة الفحص على التكييف لسة شغالة ولا خلصت و لو لسة شغالة شغالة احد امتى

صيانة اللوجان المانيوال
10 ، 30 ، 50 ، 70 ، 90 ألف كم تكلفتهم 495 جم + 10% ضريبة
20 ، 40 ألف كم تكلفتهم 820 جم + 10% ضريبة
60 ألف كم تكلفتها 2076 + 10% ضريبة
بعتذر اني مجبتش قطع الغيار لان مسئول المخزن كان عنده زحمه ومعرفتش اساله

بالنسبة لحملة التكييف خلصت 30 ابريل ، لكن الكشف مجاني في العربيات الي جوه الضمان وبيتدفع ثمن الفلتر بس لو عايز يتغير وبيتكلف 150 جم

**gabrel** · 22-05-2013 02:54 PM

المشاركة الأصلية كتبت بواسطة mzeid

يا ريت بعد اذنك سؤال عن صوت من العفشة من تحت خبط خفيف كدة عند النقر و المطبات او عند الفرملة و الموضوع دة من ال 30 الف و هي دلوقتي عاملة 95 الف كيلو
مع العلم ان ان العربية عاملة الصيانة في مركز خدمة قريب و صيانة ال 60 كانت في توكيل العامرية

المهندس قال لو في اي خبط من عفشة العربية دي اكيد حاجة عايزة تتربط كويس وقالي مش هايعرف يفيدني شفوي لازم يبص على العفشة و يجرب العربية وهي ماشية علشان يعرف الصوت منين بالظبط

**gabrel** · 22-05-2013 03:08 PM

انا سالت على سير الكاتينه وقالولي لازم يتغير بعد 3 سنين او 60 ألف كم / و3 سنين دي علشان المواد المصنوع منها التيل بتتغير خواصها بعد 3 سنين وبتكون اضعف من الأول
وتغييره بيتكلف 1200 جم بس مش فاكر ان المبلغ ده شامل الضريبة والمصنعية ولا لا

**crayvor** · 22-05-2013 06:14 PM

استاذ جبريل لو لسة في التوكيل لو سمحت كنت عاوز أسأل علي سعر اكصدام خلفي وأمامي سانديرو بالتركيب من غير رش.. أصل كنت عاوز أجيب اتنين أركبهم ع الفبر علي أبوه منها شكل جديد شوية ومنها أي خدوش مش حتبان فيها.

**dr_msr_saudi** · 23-05-2013 04:01 AM

المشاركة الأصلية كتبت بواسطة gabrel

- صوت تصفير مع الفرامل مسموع من داخل العربيه على الرغم من ان حالة التيل ممتازه
لو التيل جديد ممكن يصفر في الاول لكن بتروح بعد كام كيلو ، لكن لو بقاله فترة راكب فإحتمال يكون قدام شويه ويتغير .

-صوت تزييق من جوه العربيه فى الملفات والمطبات زى تزييق مفصلات بالرغم من ان العفشه متربطه لسه فى صيانة ال 20000
المهندس قال انه احتمال كبير يكون الزوايا بتاعة العربية عايز تتظبط .

عاوز أركب سنسور بارك وانذار وكاميرا خلفيه وشاشه ال سى دى بس اشتريهم من بره واركبهم فى التوكيل
مفيش عندهم في الفرع تركيب دول ، قالي اسال في فرع العبور .

-عاوز اعرف تركيب جلد كربون على العربيه بيأثر على الدهان ولا لأ
اللزق الي بيكون في الجلد ده مكون من مواد كيماوية وبيأثر مع الوقت على الدهان وبتختلف مدة الوقت ده على حسب نضافة نوع اللزق وجلد الكربون الي هايتركب .

وعاوز اعرف العمر الافتراضى للكاوتش الباريوم اللى راكب فى اللوجان وعلامات تغييره
العمر الإفتراضى 4 سنين من تاريخ الإنتاج المطبوع على الكاوتش أو من 40 / 50 ألف كيلو
، علامات تغييره ان تلاقي مشاكله كترت بيريح كتير ويتخرم
لكن نصيحتي الحق غيره انا النهارده وانا ماشي كنت هالبس في العربية الي قدامي بسبب الكاوتش العربية بعد مادست فرامل زحفت شوية وربنا ستر بالرغم من اني ماشي 60 كم وسايب مسافة كويسة والتيل لسه مغيره جديد من 400كم بس ، واكيد المشكلة دي بسبب الكاوتش وإن شاء الله هاغيره ( هو بقاله معايا 3 سنين وماشي بيه 36 ألف كم )
ونوع الكاوتش الكويس الي بيشكره فيه وناوي اجيبه إن شاء الله yokohama c drive

الله يبارك لك وشكرا على الاهتمام بالرد والسؤال ...وجزاك الله الف خير ...أخوك د/ محمد