الموضوع: دركسيون التيدا !

النهاردة الصبح أول مانزلت رايح الشغل بتأمل في الدركسيون البيج الجلد الطبيعي لقيت نقطة سودة كدة في الحتة الجلد البيج اللي واصلة مع قلب الدركسيون بتكون عريضة كدة، فحاولت أنضفها ماطلعتش
دققت النظر فيها لاقيتها نقرة صغيرة في الجلد !! ودي كدة ممكن توسع
قولت يا واد أكيد انت عملت حاجة غلط خربشتها دي يادوب اسبوعين،
بس حاولت ألمس المنطقة وأخربشها بأظفاري لقيتها لا يمكن تتخربش !! مش سهل نهائي !
كدة يبقى إيه العمل لو قولتلهم عليها في صيانة الألف ! أنا متأكد إني ماخربشتهاش ومافيش حاجة حادة تعمل فيها كدة جت جنب الدريكسيون !
وبالشكل ده ممكن توسع ويتقشر مع التنضيف والمسح !
ده كدة غير دراع المساحات اللي لحامه مفكوك !!
مش عارف هايغلسوا في التوكيل في الصيانة على الكلام ده ولا لأ أعتقد حقي إن عربيتي الجديدة مايبقاش فيها كدة خصوصا وإني بحسس عليها يعني !! وهي أصلا جاية نور الإشارة والعالي مش شاغالين في التابلوه !