ياغالي انت عايزنا نقتنع بتجربتك وانا بقولك جربتها ف 4 عربيات وولا الهوا...
عموما..
انا هشوف ترمومتر ديجتال واسجل الحراره قبل واعمل العزل واشوف بعدفي نفس الظروف واشوف في فرق ولا لا...
تحياتي
Sent from my Xperia Arc S using Forum Runner
عرض للطباعة
فى عربيات مواصفات خليجى فابريقه الخراطيم البارده معزوله بغض النظر على الخلاف على انهى واحد رايح الكابينه واللى راجع منها والعزل بخراطيم كاوتش زى المساحه بتاعه الأرض
كان عندي تويوتا كريسيدا 82 وارد الكويت... وكانت ماسورة التكييف اللي خارجة من التلاجة معزولة بالرغم من عدم مرورها أمام الفرن (كانت بتمر من ناحية مانيفولد السحب)... والمنطقة المكشوفة كانت لا تتجاوز الـ20 سم، والباقي خراطيم ضغط عالي علشان تبقى مرنة مع حركة الموتور، وطبعا دي مش محتاجة عزل.
أما من ناحية الفرن... فالخرطوم اللي كان معدي كان بتاع الباور ... وده عمره كان لا يتعدى الخمس سنين بسبب الحرارة الشديدة من الفرن، واضطريت أعمله عزل في آخر مرة غيرته فيها... ومش هقلك شكل العزل بعد 5 سنين بقى شكله إيه!!!
أنا مقتنع إن العزل (أياً كان نوعه) مهم جدا في أي تطبيق بيدخل فيه... حتى ولو كان تأثيره بسيط... بس أكيد له تأثير... والمؤكد إن أحد أسباب خراب السيارات في مصر بعد تدخل الصنايعية فيها هو إنهم مش مقتنعين إن العزل له فايدة ، في حين إنهم لما بيشيلوا العزل بيدقوا المسمار الأول في نهاية العربية
...
mido51eg شكرا
يا جماعة في حاجة بسيطة هقولكم عليها شوفوا اوبل فيكترا 95 وشوفوا مواسير التكييف هتلاقيها معزولة لانها بتعدي جنب فرن الشكمان ومعزولة بورق المونيوم مفضض ودية نازلة كدة فابريكة في دليل اكتر من كدة للي بيشكك في فايدة العزل
السلام عليكم انا التكييف بتاعي مكنش عاجبني بصراحة لان تكييف البطة احسن منة ففكرت وكان في موضوع هنا عن نفس الفكرة وهو اننا نعزل ماسورة الساقع الخارجة من الكباس الي الكويل فجبت هواية سخان بتكون زي ورق الفويل بس تخين عنة وانشف ب30 جنية وقصيتها شريط رفيع ولفيتها علي ماسورة التكييف الساقع وفعلا فرق جدا التكييف لان الماسورة دية ماشية جنب فرن الشكمان غير البطة البطة كباسها عند سدر العربية وراء الموتور فبعيد جدا عن سخونية الفرن والشكمان عشان كدة تكيفها احسن ولان فريونها 12 مش 134 المهم بعد العزل التكييف بقي تمام تمام اقصي حاجة لو الجو نار 3 والعادي 2 او 1 وجربوا وقولولي وشكرا دة كان موضوع كنت عاملة في 28/5/2012 واسمة تحسين اداء التكييف
خلاص يا جماعه اللي شايف انه العزل ملوش لازمه اوعى يعمله
انا عن نفسي عمله وفي فرق واللي بيقول ملوش لازمه خلاص مايعملوش ويريح نفسه
مع الاحترام للمؤيد والمعارض
عربيتى كيا سيفيا
عزلت المواسير --------- التبريد بقى اسرررع بكتير اول ما تشغل التكييف والتكييف حلالالاوة