السلام عليكم ياأهل المنتدى الكرام
كنت قريت موضوع زمان ان ممكن عزل مواسير وخراطيم التكييف علشان حرارة وصهد الموتور مايوصلهاش ويأثر على كفاءة التبريد. ازاي اعمل العزل ده بنفسي؟
عرض للطباعة
السلام عليكم ياأهل المنتدى الكرام
كنت قريت موضوع زمان ان ممكن عزل مواسير وخراطيم التكييف علشان حرارة وصهد الموتور مايوصلهاش ويأثر على كفاءة التبريد. ازاي اعمل العزل ده بنفسي؟
متابع
متابع
اه انا قريت الموضوع ده برده...وروحت عند محل قطع غيار تﻻجات وقلتله عايز خرطوم عزل بتاع التﻻجة بيبقي لونه اسود ومن مادة زي السفنج كده...كان قاللي تقريبا الخرطوم او الخرطومين ب 15 جنيه مش فاكر....بس انا لسة ماحطيتوش علي ماسورة البارد...هيا الفكرة انك تشقه بالطول من ناخية واحدة بمقص وتركبه علي الجزء اللي مش معزول من ماسورة البارد...وفيه افايز بﻻستيك سودا صغيرة تجيبلك كام واحد وتربطه عالماسورة علي مسافات....تحياتي : )
اياك وعزل المواسير دي... لأسباب يطول شرحها... ابسطها ان الماسورة الباردة دي هي الماسورة اللي راجعه من الصالون للكباس بينما الساخنة دي اللي طالعة من الكباس للصالون... وبالتالي انت رميت فلوسك عالارض
الماسوره البارده هى اللى داخله الصالون
والماسوره السخنه هى اللى خارجه من الصالون للكباس
الماسورة الساخن هي اللي داخلة علي التلاجة الداخلية اللى في الصالون والساقع هي اللى خارجة من الصالون لان بببساطة من خصائص غاز الفريون السخونة عند الضغط والبرودة عند تفريغ الضغط او ما يعرف بخنق الفريون اللى بيقوم بية الاكسبنشن فبل الدخول الى التلاجة الداخلية مباشرا
اما عن العزل للمسورة فى دة لحماية الخرطوم نفسة من العوامل المحيطة من سخونة المحرك وخلافة وشكرا
عزل الماسورة لايوئثر على كفائة التكيف في شئ لكن ضرورى للحفاظ على الماسورة والخرطيم من التشقق والتلف
نيجى بقى لو انت عايز تاخد من التكيف الاداء المثالى وتحسن من قدرة التكيف عندك تعمل اية
1 مراجعة شحنة التكيف عند متخصص للوصول للضغط المثالى (ممكن تعملها بنفسك وفي مواضيع فى المنتدى بكدة )
2 تنظيف السربنتينة الخارجية كويس جيدا في البنزينة بلمية والصابون
3تنظيف التلاجة الداخلية وغسلها تمام عند متخصص وممكن تعملها بنفسك برضة لو ليك في الشغل اليدوى
وشكرا عزا لو في اخطاء في الكتابة علشان بستخدم التليفون
http://nileup.com/up/uploads/nilemotors_13697832401.jpg
يافندم الماسوره اللى داخله التلاجه هى البارده اللى لونها ازرق وبيكون فى حاله سائله
بيخرج من التلاجه غاز بعد مابيكون اتبخر واكتسب درجه الحراره الساخنه بتاعه الصالون وفقد البروده يعنى دى ماسوره السخن اللى بونها لبنى
العزل بقى بيتم للماسوره البارده لعشان ما تفقدش البروده بسبب سخونه الماتور
والماسوره الصفراء دى كمان بارده المفروض تتعزل هى كمان يعنى من الاخر الخط البارده كله يبقى معزول
انا عاملها عندي في العربيه بقالها سنتين تقريبا او اكتر وفرقت جامد في اداء التكييف
وانا عملتها بنفسي عادي جبت مواسير عزل من بتوع التلاجات وعملتها
فى البداية ارجو من حضرتك تقبل مداخلتى ومحاولة لتوضيح لحضرتك دورة التكيف
كما هو واضح من الرسم الموجود فى اعلى المداخلة تبدأ دورة الفريون
* عند ضغط الكباس للفريون يخرج منة الفريون ساخن قوى اتبع السهم اللى خارج من الكباس زات اللون الاحمر (الساخن)
*يمر الفريون الساخن جداً بعد كدة ب السربنتينة (condenses) لتقليل من درجة الحرارة ويكون اللون الاصفر اتبع السهم
*يدخل الفريون إلى المبخرة لتحويل من سائل إلى بخار (اللى هى الكوباية اللى فى الصورة)
*يمر الفريون عبر الاكبنشن الموجود قبل التلاجة الداخلية على طول يكون الاكبنشن ملاصق للتلاجة الداخلية
*يتحول الفريون فى الصورة إلى اللون الازرق الداكن البارد جداً فى التلاجة الداخلية
*يفقد جزء من البرودة ويخرج من التلاجة إلى الكباس اتبع السهم لتبدا الدورة
بعد الشرح ببساطة شديدة الفريون اللى داخل إلى التلاجة زات اللون الاصفر الساخن
والفريون اللى خارج من التلاجة زات اللون اللبنى البارد
ارجو من الجميع تقبل المداخلة وشكراً
ايوه ياباشا موجود عادي ورخيصه كمان
يا جماعة بعد السؤال في الموضوع دا
تبين ان الاخ الفاضل والعضو الكريم jojooo
بيتكلم صخ
وهو ببساطة شديدة الفريون بيبقى وهو داخل سخن
وهو خارج بيبقى بارد
والله صديقي اعد يشرح لى ساعة
انا ادبي
بس فهمت
لكن لاسف مش عارف اشرحها
شغل كيمياا بقى وكده :(
لكن انا مش غبي على فكره انا فهمت :)
والموضوع بتاع العزل علميا مش هيفرق
هو لو كان هيفرق مكانتش كل سركات السيارات سابت اخر ربع متر من المواسير مكشوف.... عاوز تحسن التكييف يبقى ركب مروحة اكبر او اسرع للسربنتينة...
موضوع مهم ججا
شكرا لكل من شارك بالموضوع
كده انا فهمت ان الاكبنشن ملاصق للتلاجه يعنى مفيش ماسوره بارده يمعنى انه مفيش مسافه يعنى مفيش بارد عريان
كده صح
العيب فى الصوره مش فى فهمى انا لان الصوره مش واقعيه
انا كنت فاكر ان فيه ماسوره بارده عريانه
يسعدنى جداً استفاد العضاء الكرام بمعلومة جديدة اكون قدمتها ويكون الكل فاهم كويس فكرة عمل التكيف والوصول للأداء المثالى لتكيف عربيتنا كلنا
لا الحقيقه فعلا استفدت اوى اوى علشان معلومه زى دى كانت غايبه عنى و تبقى وحشه فى حقى (بحكم دراستى لميكانيكا السيارات)
بس للاسف انا مشوفتش دوره تكييف على ارض الواقع
طيب بدون اي حساسيات بس انا بتكلم عمليا وليس علميا
عمليا وفعليا انا عزلت المواسير عندي في عربيتي وفرق جامد في التبريد !!
وبعدين بقى هههههههههههههه انا كده مش فاهم حاجه
:Copy of majd(4):
انا مع العضو bmya فعلا عزلتها وسقعت وفرق مع التكيف
صراحة مش مقتنع بموضوع عمليا دا يا جماعة
بس برده هجربها :p
ياجماعة بالمنطق كده ، فيه ماسورة البارد مثلا الفريون ماشي فيها ودرجة حرارته 10 مئوية مثلا ، لما يوصل لآخرها ونتيجة صهد الموتور هتبقى درجة حرارته 15 مئوية مثلا وهي دي درجة الحرارة اللي هيوصل للصالون بيها ، بدل 10 درجات هتبقى 15 درجة .... ماسورة السخن الفريون ماشي فيها وحرارته 30 مئوية مثلا وعلى مايوصل للسربنتينة ونتيجة لصهد الموتور برضه هتبقى حرارته 35 مثلا .
يبقى عزل المواسير ده مفيد لأنك ببساطة هتمنع وصول حرارة الموتور للفريون داخل المواسير فهتخلي البارد اللي درجة حرارته 10 مئوية هيوصل للصالون بنفس درجة الحرارة وهتخلي الساخن اللي درجة حرارته 30 يوصل للسربنتينة بنفس درجة الحرارة فهيتبرد اسرع . اتمنى اكون قدرت اوصل المعنى كويس.
موضوع هام وفكرته بسيطه ونتيجه هايله ........ بس عاوزين راى قاطع ليه لازمه وفائده لو اتعمل ولا .لأ ؟
ياباشا انا عاملها عندي بقالها كذا سنه وفعلا بتفرق في سرعه التبريد وكفاءته
أكيد العزل هايفرق - أي ماسورة باردة لما تحط عليها عزل - او ماسورة سخنة تزود التهوية عليها أكيد هاتفرق - بغض النظر عن كيفية عمل التكييف - هي مبدأ الحفاظ على الطاقة
بالنسبة للخراطيم السوداء الي بتتكلموا عليها اسمها "ارما فليكس" كان احد الاعضاء اتكلم عليها من فترة في عزل السيارة للضوضاء وصوت الهواء
متابع
لا حول ولا قوه الا بالله
يا دكتور حازم انا بقول لحضرتك انا عاملها عندي بقالها كذا سنه وفي فرق كبير والله العظيم بتفرق اعمل ايه تاني عشان تصدقوا هههههه
خلاص ياباشا هي ملهاش لازمه فيالعربيات اللي حضرتك جربت فيها تمام كده :)
بس هي فرقت عندي في عربيتي مش عارف ليه :)