شكرا لك يا عزيزى
بالنسبه لعدم وجود صباب هواء فهو موجود طبعا فى مواتير الديزل
كلها بتبقى direct injection
و بالنسبه للتكلفه فهى بسيطه جدا لان السيستم فى حد ذاته بسيط
و ال plug and play المقصود بيها عدم وجود ضبط تاكيهات
صباح الفل على احلى صاحب اوبل فالتاريخ
يا عم ابدا انتوا اللى مختفيين
و كل ما ادخل اوبل مالاقيش حد
يمكن عشان العربيه مابتبوظش و مالهاش مشاكل
ههههههههههههههههههههههههه
واضح ان انت فهمت النظريه بتاعتى تماما
و بتناقشنى فى عيوبها بالضبط
بس اعتقد ان البليه يجب ان لا تكون حديد
و بالنسبه لخنق مسار الخليط لن يحدث لانها للهواء فقط
و عمرها يعتمد على خامتها
فخامتها يجب ان تكون اختراع لوحديه
و بالنسبه للتكلفه فده يعتمد على سعر
step motor
و عايزين نشوف بعض عن قريب إن شاء الله
وحشتونى كلكوا
الف شكر ليك يا استاذ سبعاوى على الموضوع
استذنا ايهاب شكرا ليك علي المجهود معايا وده هو الحوار المثمر بجد
بالنسبه للبليه دي هاتدور علي فتحتها في السلندر زي ما انا فهمت
ايه اللي هايضمن ان فتحه السلندر دي ما تفوتش ده البستم ليه كذا شنبر ويتحطوا بطريقه معينه وبابعاد معينه علي شان لزوجه الزيت تقفل وتزيت مكانهم
خلينا في البليه نعمل ايه يبقي لازم نضغط علي البليه ضغط اعلي من الموجود في السلندر وكمان اصلا فيه ضعط الاحتراق نفسه ده ممكن يخلي البليه تتشحط في مكنها يبقي من وجهه نظري لازم تزيت
كمان الموتور ده لازم له وحده تحكم علي شان rectangular voltage pulses الي هتشغله يبقي رجعنا تاني للسوف وير
ولو هنخليه عن طريق الكرنك يبقي مافيش تقديم وتاخير للكامات
direct injection هو النظام الرسمي الديزل وبيتنقل للبنزين يا مسهل
ممكن ترجع لمداخلاتي السابقه و مداخله ا NoNaMe و واحده واحده نحاول نحل المشاكل دي ممكن نوصل لحاجه
ووالله اللي بنعمله ده يبشر بخير ده بحث المفروض يتنشر في( البيبر) بره
بصراحه يا جماعه كلكم مشكورين عالتوضيحات و الاقتراحات
و شكرا يا سبعاوي في الاساس تاني
بس المشكلة يا جماعه ان أنا فيا عيب خطير جدا و عارفة من زمان
اني مش باثق في الحلول الكهربائية اللي بتعتمد على سوفت وير و تحكم كهربائي اليكتروني
لية بقى
لأن الخطأ فيهم (و هو أمر وارد بالطبع) بيبقى فجائي و بدون سابق انذار و بدون سبب
يعني نقول مثلا
في موضوعنا دة كمثال
عمود الكامة علشان يتلف (ميكانيكيا) بمعنى ان تتآكل الركب بتاعتة و يسبب مشاكل الموضوع بياخد سنين و بيبقى لية علامات ظاهرة من صوت صفير و بوش و تآكل الركب بيسبب عدم ضبط التاكيهات و برجلة للسيارة و غيرها مثلا
يعني بتلاحظة على مدى فترة و بتشوف علامات بدايات تلفة و بالتالي بتغيرة
و نسبة التلف المفاجيء بتكون ضئيلة جدا يعني متهيألي عمر ما حد سمع عن عمود كامة اتكسر في سيارة مثلا بدون مقدمات و في كيلومترات تشغيل عادية
بخلاف سير الكاتينة اللي ممكن يقطعغ فجأة لو ماغيرتوش في الكيلومتر الموصي بة مثلا
و ان كان برضة ممكن يقطع قبل المدة المحددة بس نادراً و بيبقى اهمال مثلا في الكشف علية (حتى بالنظر) كل فترة
لكن الموضوع لو حصل فجأة خطا في السوفت وير او ان مقاومة مثلا او ترانزستور ضرب في كونترول يونيت (و دي واردة في اي وقت و بدون عمر افتراضي يعني ممكن بعد يوم او شهر او سنة) في ساعتها حايحصل مشكلة و حاتنعكس عالمحرك فورا و تسبب تلف ميكانيكي للأجزاء المتحركة بدون اي سابق انذار
انا للأسف من الناس اللي مش بيثق في انظمة التحكم الاكتروني في الفرامل ABSاو الثباتEBD و مقتنع تماما ان ممكن عطل الكتروني في دائرة التحكم (الكونترول يونيت) يسبلل مصيبة أو كارثة فورا
يعني تخيل مثلا حصل عطل في دائرة ال ABS وانت سيايق على سرعه 120 او حتى 70 و بتدوس فرامل علشان تهدي في ملف مثلاً و العطل دة سبب ان العجلتين اليمين مثلا مسكوا فرامل و العجلتين الشمال مامسكوش
البقية في حياتك تعيش انت يا حاج
و انت ماغلطش في السواقة و ربما لم تدرك اصلا اية سبب انقلاب السيارة بمجرد دوسة فرامل بدون اي مسبب خطر بالتالي مش حاتلحق تتصرف اساساً
او عطل في دائرة تحكم الكتروني في عفشة و ثبات السيارة او ميلها في المنعطفات خلى السيارة تميل للاتجاة المعاكس للملف بدل ماتميل للاتجاة الصحيح
نفس النتيجه
انت تعيش يا حاج
يمكن الكلام اللي انا باقولة مش مقنع او موسوس زيادة او مايحصلش
بس انا مش من الناس اللي يحط حياتة و حياة اولادة تحت رحمه دائرة كهربية ممكن تعلق او Error soft ware انا افضل اني اكون متحكم تماما في السيارة بدون دوائر الكترونية تتحكملي في الفرامل او العفشة او غيرة و أصبح انا "سيد قراري" المتحكم الوحيد في السيارة و المسئول عن أفعالي 100% في القيادة مش سوفت وير يهنج او بوردة تضرب توديني في ستين داهية
بالمناسبة من اسباب شرائي للفرونتيرا ان مافيهاش ABS ولا EBD ولا حتى Air Bags ممكن تفتح خطأ او من تصادم بسيط في الحساس و ادفع 20 الف جنية علشان تابلوة جديد و اير باجز جديدة
و فعلا فية اير باجز بتفتح من خبطة بوز السيارة في الارض من مطب جامد مثلا او من تصادم بسيط بس مباشر في الحساس بتاعها لا يستدعي اصلا فتح اير باج
و الاير باج لو الحزام مش مربوط (ومعظم الناس مش بتربطة) ممكن تخنق اللي في السيارة و ممكن كمان يموت من خضة فتح الاير باج في وشة , و لازم حد يفسيها فورا بآلة حادة او سيجارة مثلا علشان يعرف يتحرك منها
صحيح بالمناسبة في حد قاللي قبل كدة ان الاير باج مايفتح لو انت مش رابط الحزام اساساً
يعني فية حساس لفتح الاير باج ما يشتغلش الا لو دائرة الكهرباء بتقول ان الحزام مربوط
زي اللمبة اللي في التابلوة انك مش رابط الحزام كدة, لو اللمبة دي منورة يبقى الاير باج مايفتحش, مثلا يعني
بس ماعرفش مدى صحه المعلومة دي
بالنسبه لفتحه السلندر مض هتفوت ده لان البليه بتعمل سد تام
و نظام البليه ده يعمل بكفاءه فى الغلايات عند 500 درجه مئويه و 20 بار
انما اللى انا شايفه انها ممكن فعلا تشحط لو هى حديد
عشان كده انا بقول انها مش لازم تبقى حديد
و خامتها اختراع لوحده
ممكن تكون سيراميك او باكلايت مثلا
ياباشا الله يخليك , هو اة الناس كسلانة شوية والبوجية بتاع القسم ضعيف شوية;) "الظاهر واخد رطوبة :D " بس موجودين
اى fluid سواء غاز او سائل لو عملت خنق لمسارة هيعمل pressure loss و drag عالى ودة هيأثر على اداء المحرك
بالنسبة للبلية متنساش ان الصمام بيريح "حركتة ترددية يعنى بيوقف حتى لو زمن قليل" عكس البلية هتفضل تدور على طول , كمان فى شوط الضغط الصمام واقف ومريح على وش السلندر انما البلية بتدور باستمرار وتجاة القوة المؤثرة نتيجة ضغط المكبس عكس اتجاة دورانها فى حين الصمام فى نفس الاتجاة تقريبا ودى اكيد هيأثر بشكل كبير على عمر البلية نتيجة الاحتكاك المستمر والاحتكاك تحت ضغوط ودرجات حرارة عالية وبالذات كمان مع السرعات العالية لأن سرعة البلية لازم تبقى متناسبة مع سرعة المحرك
اكيد اى منظومة ايان كانت لازم لها مواعيد صيانة محددة من قبل الصانع والاهمال موجود كل وقت وكل مكان وممكن يقضى على اى سيستم ايا كان بغض النظر عن نوعة , يبقى منقدرش نقيم سيستم على اساس الاهمالاقتباس:
و ان كان برضة ممكن يقطع قبل المدة المحددة بس نادراً و بيبقى اهمال مثلا في الكشف علية (حتى بالنظر) كل فترة
مش شرط لما سير الكاتينة يتقطع او عمود الكامة يتقطم البسات تخبط الصمامات , شوف اللينك اللى بعتة المشاركة اللى فاتتاقتباس:
لكن الموضوع لو حصل فجأة خطا في السوفت وير او ان مقاومة مثلا او ترانزستور ضرب في كونترول يونيت (و دي واردة في اي وقت و بدون عمر افتراضي يعني ممكن بعد يوم او شهر او سنة) في ساعتها حايحصل مشكلة و حاتنعكس عالمحرك فورا و تسبب تلف ميكانيكي للأجزاء المتحركة بدون اي سابق انذار
انت هنا اتكلمت عن العيوب متكلمتش عن المميزات , اى حاجة فى الدنيا زى مليها مميزات ليها عيوب حتى احنا نفسنا كدة , واحنا هنا لو قيسنا مميزات الانظمة دى بالنسبة لعيوبها هنلاقيها ميزة مش عيباقتباس:
انا للأسف من الناس اللي مش بيثق في انظمة التحكم الاكتروني في الفرامل ABSاو الثباتEBD و مقتنع تماما ان ممكن عطل الكتروني في دائرة التحكم (الكونترول يونيت) يسبلل مصيبة أو كارثة فورا
يعني تخيل مثلا حصل عطل في دائرة ال ABS وانت سيايق على سرعه 120 او حتى 70 و بتدوس فرامل علشان تهدي في ملف مثلاً و العطل دة سبب ان العجلتين اليمين مثلا مسكوا فرامل و العجلتين الشمال مامسكوش
البقية في حياتك تعيش انت يا حاج
و انت ماغلطش في السواقة و ربما لم تدرك اصلا اية سبب انقلاب السيارة بمجرد دوسة فرامل بدون اي مسبب خطر بالتالي مش حاتلحق تتصرف اساساً
او عطل في دائرة تحكم الكتروني في عفشة و ثبات السيارة او ميلها في المنعطفات خلى السيارة تميل للاتجاة المعاكس للملف بدل ماتميل للاتجاة الصحيح
نفس النتيجه
انت تعيش يا حاج
يمكن الكلام اللي انا باقولة مش مقنع او موسوس زيادة او مايحصلش
بس انا مش من الناس اللي يحط حياتة و حياة اولادة تحت رحمه دائرة كهربية ممكن تعلق او Error soft ware انا افضل اني اكون متحكم تماما في السيارة بدون دوائر الكترونية تتحكملي في الفرامل او العفشة او غيرة و أصبح انا "سيد قراري" المتحكم الوحيد في السيارة و المسئول عن أفعالي 100% في القيادة مش سوفت وير يهنج او بوردة تضرب توديني في ستين داهية
بالمناسبة من اسباب شرائي للفرونتيرا ان مافيهاش ABS ولا EBD ولا حتى Air Bags ممكن تفتح خطأ او من تصادم بسيط في الحساس و ادفع 20 الف جنية علشان تابلوة جديد و اير باجز جديدة
و فعلا فية اير باجز بتفتح من خبطة بوز السيارة في الارض من مطب جامد مثلا او من تصادم بسيط بس مباشر في الحساس بتاعها لا يستدعي اصلا فتح اير باج
و الاير باج لو الحزام مش مربوط (ومعظم الناس مش بتربطة) ممكن تخنق اللي في السيارة و ممكن كمان يموت من خضة فتح الاير باج في وشة , و لازم حد يفسيها فورا بآلة حادة او سيجارة مثلا علشان يعرف يتحرك منها
ملحوظة ال ABS لو عطل وانت ماشى ملوش اى تأثير على فرامل العربية قوة الفرامل زى ماهيا الفرق بس انها هتبقى فرامل عادية
ايوة انا شفت فعلا الللينك الصبح و فعلا انا شفت بساتم مواتير بتنزل فيها النقر دة علشان الصباب ما يلطش في البستم لو السير اتقطع, بس مش في كل العربيات
و على فكرة انا مرة اتقطع مني سير كاتينة الهوندا و ماجابتش صباب
و اعتقد مكانش في البستم الحفر الهلالي دة
ممكن حظ او ممكن تصميم غرفة الحريق فية مساحة بين اخر مشوار البستم و مشوار الصباب مايتصادموش
___________________________
انا عارف ان ال Abs لو عطل (مش شغال) الفرامل بتشتغل عادي
انا باتكلم عن الخطأ في السوفت وير يعني لو عجلتين مسكوا و عجلتين مامسكوش
اكيد فية نسبة للخطأ ان دة ممكن يحصل
ولو حتى واحد في المليون
ماهية المرة دي بموتة, مافيهاش هزار
لو نسبة الانضغاط قليلة البستم مش هيوصل للصمام حتى لو مفيش تجويف فى اليستم
وممكن الفردة تفرقع والعربية تتقلب ومكن خرطوم زيت الفرامل يتقطع (اهى حاجة ملهاش دعوة بالسوفت وير خالص :D )اقتباس:
انا عارف ان ال Abs لو عطل (مش شغال) الفرامل بتشتغل عادي
انا باتكلم عن الخطأ في السوفت وير يعني لو عجلتين مسكوا و عجلتين مامسكوش
اكيد فية نسبة للخطأ ان دة ممكن يحصل
ولو حتى واحد في المليون
ماهية المرة دي بموتة, مافيهاش هزار
خطأ السوفت وير نسبتة قليلة وكمان بيعتمد على المبرمج والشركة المصنعة واكيد معمول حساب الاحتمالات دى كلها
الطيارة كلها سوفت وير وكمبيوتر من جوة عمرنا سمعنا عن طيارة وقعت علشان السوفت وير هيس او حصل فية حاجة :D الناس دى مش بتهزر وعاملين حساب كل حاجة وطبعا القدر والنصيب هو اللى هيحصل فى الاخر
بص يا سيدي والله انا عارف كل الكلام دة وواحد صاحبي (الأنتيم) مهندس في شركة بترول كبيرة شغلة اساسا الكونتول يونيت بتاع المعدات اتكلمنا مليون مرة بيحاول اقناعي و مافيش فايدة, انا مقتنع ان الاعطال الميكانيكية ليها مؤشرات و بوادر و علامات انذار مبكر و الاعطال في السوفت وير و الدوائر الاكترونية الكهربية مفآجأة و مالهاش اي بوادر انذار مبكر
و الخطأ فيها قاتل
هو ده اللي اقصدهاقتباس:
بالنسبة للبلية متنساش ان الصمام بيريح "حركتة ترددية يعنى بيوقف حتى لو زمن قليل" عكس البلية هتفضل تدور على طول , كمان فى شوط الضغط الصمام واقف ومريح على وش السلندر انما البلية بتدور باستمرار وتجاة القوة المؤثرة نتيجة ضغط المكبس عكس اتجاة دورانها فى حين الصمام فى نفس الاتجاة تقريبا ودى اكيد هيأثر بشكل كبير على عمر البلية نتيجة الاحتكاك المستمر والاحتكاك تحت ضغوط ودرجات حرارة عالية وبالذات كمان مع السرعات العالية لأن سرعة البلية لازم تبقى متناسبة مع سرعة المحرك
انا معاك وكمان في الغسالات الاوتوماتك بس مع الفارق انها ما بتلفش طول ما المحرك او الموتور شغالاقتباس:
بالنسبه لفتحه السلندر مض هتفوت ده لان البليه بتعمل سد تام
و نظام البليه ده يعمل بكفاءه فى الغلايات عند 500 درجه مئويه و 20 بار
انما اللى انا شايفه انها ممكن فعلا تشحط لو هى حديد
عشان كده انا بقول انها مش لازم تبقى حديد
و خامتها اختراع لوحده
ممكن تكون سيراميك او باكلايت مثلا
كمان سواء حديد او غيره ممكن تشحط من الضغط بس بنسب مختلفه
كمان المشكله بتاعه الاحتكاك والبري
وعلي شان كده قلنا علي وحده الحمايهاقتباس:
لكن الموضوع لو حصل فجأة خطا في السوفت وير او ان مقاومة مثلا او ترانزستور ضرب في كونترول يونيت (و دي واردة في اي وقت و بدون عمر افتراضي يعني ممكن بعد يوم او شهر او سنة) في ساعتها حايحصل مشكلة و حاتنعكس عالمحرك فورا و تسبب تلف ميكانيكي للأجزاء المتحركة بدون اي سابق انذار
بس نحسبها اداء عالي و توفير في البنزين ثمن منخفض بعد انتشرها والصيني يشتغل
الاشياء الالكترونيه اسهل في التصنيع -يعني بتتصنع - الاجزاء الميكانيكيه صعبه التصنيع خصوصا السبايك بتاعتها -معضله- سر من اسرار الوطن ولا النووي
ممكن تشتري ال Chip من اي محل سوبرماركت مستقبلا طبعا وتركبه و تكمل المشوار طبعا ده مستحيل لو الكاتينه هاتقعد تبوس ايد المكانيكي علي شان يعبرك مش يصلحها و 3 ساعات علي الافل ولا اقول لك شيل Chip استبن
بالمناسبه حاسس ان كل اللي اشتركوا هنا مهندسين صح
يا جماعه المهندس خالد او سبعاوي ده انسان بجد يندر وجوده في حياتنا العاديه و بجد لو حد قابله هتحس انك قصاد ابوك او اخوك الكبير و في نفس الوقت مش بتعالي او كده
سبعاوي انت انسان رائع و ربنا يباركلك و دايما للامام انت تستاهل كل خير و نيابه عن كل اعضاء المنتدي احب اقولك كتر الف خيرك و ربنا يباركلك في دنيتك و اخرتك
انا معاك قلبا و قالبا في النقطه دي و احب ازود حاجه بخصوص الموضوع ده:
الي كل الذين لم يسعفهم الحظ السعيد و لم يتعاملو بأي شيء الا الويندوز, في عالم اخر من السوفت وير سواء نظام التشغيل operating system الي ال firmware و نسب الاخطاء و المشاكل تزداد مع كل ارتقاء للنظام الي ان تصل للحدود العظمي مع الويندوز
في عالم اخر اسمه linux و عالم تاني اسمه machintoosh و الاب الشرعي ال unix ده غير اشياء اخري لا ادري عنها سوي الاسم , و كل الاسماء دي لا توجد بها المشاكل المعتاده بتاعت الويندوز من تهنيج و كراشداون و خلافه
النهايه فليحيا عالم ال 0 1
بالمناسبه كان في مثل انجليزي هاكتبو زي ما هو و اللي يعرف يقراه صح يقراه و اللي مش هيعرف يبقي مفهمهوش!!
there are 10 kinds of people those who understand binary and those who dont
اولا لو حصل اى عطل فى وحدة ال ABS الكنترول بيفصلها خالص وبتمشى بفرامل العربيه العادية
يعنى صعب 2 يقفشوا و 2 لأ عشان الكنترول عنده حساس لكل فرده ,لو حساس واحد مش شغال كويس هتلاقى لمبة ال ABS منوره ال ABS مش هيشتغل خالص
فعلا النظام ده موجود لمراعة عدم فتح ال Airbag من غير لازمه
يعنى مثلا لو انت راكب العربيه لوحدك ملهاش لازمه الairbag بتاع اللى قاعد جنبك يفتح
توفير يعنى عشان انت عارف تكلفة اعادة النظام ده عالية اوى
رديت على الحتى دى
بس على فكره
بعد الشر طبعا وربنا يسترها معانا كلنا
ممكن وانت ماشى يطلعلك كلب بيهزر مع قطة يخلوك تهزر انت مع الشجرة :)
اليونكس والسولارى من اقوى الانظمة اللى ممكن تعتمد عليها
بس المفروض توضح للناس معنى المثل عشان مش كلهم عارفين ال binary code :)
علي كدا انا 110 (Binary) نقّص منهم 5 رقم من الاتنين دول :rofl4:
مبدئيا أنا سعيد جداً بهذا الموضوع المفيد
أولاً اشكر سبعاوي باشا على هذه المعلومة المفيدة جداً
ثانياً أحب أرد على شوية ملاحظات و تعليقات
١- بالنسبة لموضوع المواتير ال-direct injection دي حاجة مش جديدة أوي و موجودة من فترة و موجودة كمان في مصر في كذا عربية ، يمكن أشهرهم في مصر عربيات VW ذات المحرك FSI ذي باسات و AUDI و غيرهم .
٢- موضوع الصبابات ذات التحكم الكهربي في شركات كتير شغالة فيها من فترة يمكن أكتر من ١٠ سنين ، و المفروض إن BMW عندها نظام إسمه valve-tronic ،و دة عبر عن تحكم إلكتروني في توقيت فتح الصبابات، كمان مرسيدس كنت أعلنت من فترة طويلة إن ال- c-class موديل ٢٠٠٨ هيكون فيها نظم مشابه للتحكم في الصبابات
٣- فورد هي أول من قدم نظام إلكتروني للتحكم في الصبابات و توقيت الفتح و دة كان في موديل فورد F-150 من كذا سنة و مازالت مصرة على عمل نظام إلكتروني بالكامل للسيارات الصغيرة بس مسمعتش عن حاجة طلعت للنور
٤- الناس إلي خايفة من السوفتوير أحب أقول ليهم إن الموضوع مش بسيط و الناس دي مش بتلعب ، أولاً فيه حاجة اسمها fail-safe في كل البرامج إلي بتتعمل في الأجهزة إلي بتعرض حياه الناس للخطر (إلي بيسموها safety-critical systems ) ،و ليها محاذير و مقاييس كتير و الهدف إن الأجهزة دي لم تتعطل بتتوقف في حالة امنة على المستخدم
ببساطة كدة عمرنا ما سمعنا عن عربية إتقلبت بسبب عطل في ال-ABS ليه ؟... عشان الجهاز دة عبارة عن محابس بتفتح و تقفل على زيت الفرامل لم السوق بيدوس فرامل عشان تعمل تقطيع في أداء الفرامل عشان العجل ميعملش block يقفش يعني ، السوفتوير بيتحكم في فتح و قفل المحبس دي حوالي ١٥ مرة في الثانية ،
طب إفرض السوفتوير عدى كل المحاذير و برضه توقف (و دة من المستحيلات يعني يحصل مرة في المليون )، في الحالة دي بيكون الطبيعي إن المحابس دي بتتوقف كلها بس في حالة فتح (يعني مش هتعمل تقطيع بس مش هتقفش) و بكده هايشغل الفرامل عادي من غير مشاكل ،
و دة إلي بيحصل في كل وحدات الكنترول الإلكترونية في السيارة أو الطيارة أو ما في حكمها
٥- رد كمان على الناس إلي خيفة من الالقرنيات في العربية ، أحب أقول إن ذي ما في عربيات مستويات يعني BMW و مرسيدس و هوندا و في صيني ، هتلاقي نفس الدرجات في المكونات (بمعنى أوضح في ترانزستور درجة أولى و تانية و تالتة و بنسميهم military grade و automotive grade و industrial grade و أخيراً commercial grade و دي أقل درجة و موجودة في كل الأجهزة إلي بنستعملها في بيتنا و في حياتنا اليومية ، أما إلي في العربيات automotive grade دي عمرها أطول كتيير و اعطالها أقل بكتيييير و تستحمل مواصفات العربية )، و ماينفعش أي حاجة إركب في عربية إلا إذا كان من automotive grade
6- بالنسبة للنظام دة تحديداً (camless) هو مفيد جداً في توفير الوقود و زيادة قوة المحرك و ديناميكية التحكم في مواصفات الموتور و اداؤه ، و لكن للأسف تكاليفه أعلى كتير من تكاليف النظام المكانيكي و عمره أقصر
و أخيراً اشكر المهندس sab3awy مرة أخرى و اتمنى أكون أضفت معلومة مفيدة
شكرا يا أستاذ سبعاوى على الموضوع الرائع
ثانيا نفسي افهم الكلام اللي بتقال
الف شكر
اولا انا اشكركم جدا جدا جدا على هذا التجاوب والنقاش الهادف الذى طرح كثير من الأفكار واثرى الموضوع
لأان فعلا هو ده الهدف الحقيقى من المنتدى، تبادل الأفكار والخبرات واثراء معلومات بعضنا البعض
كان فيه استفسار شدنى لأن محدش رد عليه وهو الاستفسار الخاص بموضوع الصمام اللى بيشتغل من خلال سولينويد بيفتح ويقفل على زيت وهذا الزيت هو اللى بيتولى فتح وغلق صبابات الوقود والعادم وان هل الزيت يمكن ان يقوم بالفتح والقفل بالسرعة المطلوبة ام انه سيكون بطئ
للاجابة على السؤال ده هنستعير قاعدة بسيطة من قواعد علم ميكانيكا الموائعfluid mechanics تقول : ان فترة التأخير بين حدوث الفعل ورد الفعل فى اى سائل تساوى المسافة بين نقطة الفعل ورد الفعل مقسومة على سرعة انتشار الموجات التضاغطية فى هذا السائل
معنى هذا الكلام ببساطة انى لو ضغطت على سائل مثلا، فالضغط ده بياخد وقت لحد ما يوصل للجدار التانى للاناء اللى فيه السائل ، الوقت ده مقداره هو المسافة بين النقطة اللى انا ضغطت فيها والجدار التانى اللى انا عايز اقيس التأثير عنده مقسومة على سرعة انتشار الموجة التضاغطيه فى السائل ده، او بتعبير آخر سرعة الصوت فى السائل ده لأن الصوت بينتشر فى السوائل فى شكل موجات تضاغطية
طيب، لو عرفنا ان سرعة الصوت فى السوائل بتلف حوالين الرقم 1500 متر فى الثانية ، يعنى كيلومتر ونصف فى الثانية الواحدة، او متر ونصف كل 1 مللى ثانية، او 15 سنتىمتر كل 1 على عشرة آلاف من الثانية،
طيب لو تخيلنا ان عندنا محرك شغال على سرعة اقصى قدرة حصانية،6000rpm ، فده معناه ان المحرك ده بيعمل لفة كامة كل 1 على 100 من الثانية، او بالأصح لفة كل 10 مللى ثانية، المطلوب من الصباب انه يقفل ويفتح مرة كل لفتين، اى مرة كل 20 مللى ثانية ،لو فرضنا ان الاشارة الكهربية وصلت للسولينويد والسولينودي اخد 1 مللى ثانية علشان يفتح، تأثير الزيت بينتقل للمكبس الصغير اللى هيفتح ويفل الصباب فى ال0.1 مللى ثانية التالية لأان اكيد المسافة بينهم اقل من 15 سم، ومع تصميم ضغط طرمبة الزيت المناسب ممكن الزيت ينتقل بالكمية اللى تكفى لدفع المكبس لفتح الصباب فى ال 1 الى 3 مللى ثانية التالية حسب التصميم المطلوب لسرعة فتح الصباب (وده مش شيء صعب لأن مطبق فى طرمبة البنزين والرشاشات للعمل بسرعات مشابهة)وبنفس الفكرة يمكن غلق الصباب فى توقيت مشابه وبالتالى يبقى الصباب فتح وقفل فى ال 10 مللى ثانية لمخصصين له ويبقى ساكنا طوال ال 10 مللى ثانية التالية
ققط لانجاح التصميم يجب تصميم مساحة المكبس الصغير الخاص بالصباب مع مساحة مسار الزيت من السولينويد الى المكبس بشكل متوائم، كما يجب ان تكون مسارات الزيت من الطرمبة الخاصة برفع ضغط الزيت وحتى السولينويد مصنوعة من مواد غير قابلة للمط( يعنى مواسير حديد وليس خراطيم كاوتش) حتى لا تضيع جزء من ضغط الزيت
طيب م سبعاوي احنا كدا عملنا التصور عل اساس الصوت وده طبعا موجاته قصيره و المدي بتاعه صغير كمان الضغط الناتج في اتجه الصباب هيكون طبعا اكبر بكتير من الموجات الصوتيه فاهيحصل تاخير في الفتح مساوي نسبيا مدي قابليه المائع للانضعاط
طيب ما احنا عوزين يكون مرن
السؤال هل هو هيكون مرن زي ماحنا عوزين
طيب كمان ان الشغلانه كلها متجربه في طامبه البنزين دي علي ما اظن مش مقياس لان البنزين كثافته لا تقارن بالزيت طيب باسلوب حضرتك الجميل ممكن نعمل ايه علي شان نقدر نجيب الحساب الصحيح بتاعه
شكرا تاني علي الموضوع خرافي اهو ده الكلام
نحسبها، لو فرضنا ان الصباب بيفتح مسافة 2 سم مثلا، وبيفتح ضد قوة سوستة الصباب اللى هى هتكون فى حدود 20 كجم اى تقريبا 200 نيوتن، بيقى لو تخيانا مثلا ان احنا هنرفع ضغط زيت الكبس الى 20 بار مثلا (2 مليون نيوتن على المتر المربع) يبقى احنا محتاجين مكبس مساحته 1 على عشرة آلاف من المتر المربع (او بالأصح 1 سنتى متر مربع)لمقاومة ضغط السوستة، يعنى لو مكبس قطره 6 مللى متر هيكفى، لكن بالطبع ضغط السوستة ليست هى المقومة الوحيدة التى لدينا لأن لدينا مقاومة الاحتكاك لكواتش الصباب والدليل، اما المقاومة الأكبر فهى مقاومة وزن الصباب نفسه، حيث ان الصباب مطلوب منه ان يقطع 2 سم فى 2 مللى ثانية وهذا يعنى انه لو طبقنا معادلات الحركة التى وضعها اسحق نيوتن فان الصباب مطلوب منه ان يتسارع من صفر الى 4 سم/مللى ثانية فى زمن قدره 2 مللى ثانية، اى ما نستطيع ان نعبر عنه بأن التسارع يساوى 2 سم/مللى ثانية مربع، او لو حولنا الواحدات الى الواحدات القياسية فأن الصباب مفروض ان يتسارع بمقدار 20 ألف متر لكل ثانية مربعة، وعلى هذا الأساس لو فرضنا ان وزن الصباب تقريبا ييساوى 100 جرام فان القوة التى نحتاجها لدفع الصباب بهذا التسارع تساوى 20000م/ث2*0.1كجم= 2000 نيوتن، مضافة الى ال200 نيوتن السابقة الخاصة بسوستة الصباب ونفرض 300 نيوتن اخرى للاحتكاك ، بيقى لو بنتكلم على ضغط 20 بار هنكون محتاجين الى مكبس مساحته 12.5 سم مربع تقريبا او قطره 3 سنتى متر، والطاقة التى سيتهلكها تساوى 2500 نيوتن مضروبة فى 0.02 متر = 5 جول لكل لفتين ، او 250 جول لكل ثانية، او بتعبير آخر او 250 وات لكل صباب
وطبعا نستطيع اننا نبطء او نسرع فتح وغلق الصباب بتغيير ضغط الزيت، ونقطة بداية الفتح والغلق نستطيع التحكم فيها بواسطة موعد فتح السولينويد
طبعا الرقم اللى انا وصلت له لاستهلاك الطاقة انا شايف انه مرتفع لكن ده مجرد تصور لكن ما تفعله شركات التطوير انها تضع تصور وتصنعه وتجربه وتعدل فيه مليون مرة قبل الطرح فى الأسواق، كما ان النموذج اللى احنا حطينا حساباته هو النموذج المبنى على الزيت وليس النموذج الكهربائى الذى تبنته شركة فاليو
شكرا يا باش مهندس سبعاوي
من الشرح ده اكاد اجذم ان الطريقه بتاعه الكويل و القلب الحديد ده اسهل وافضل وممكن نتحكم في كميه الهوا او العادم او البنزين عن طريق جهاز زي الانجكشن كدا يبقي فيه واحد لفتح وغلق الصباب واخر لتحديد الكميات ونسب الخلط وبكدا تبقي العمليه اخر مرونه
بمعني اننا نخلي واحد غلق وفتح الصمام بس والتاني لتحديد الكميات المطلوبه
ديما تعبينك وربنا يجعله في ميزان حسناتك
الفكرة دى شبيهة بفكرة عمل ال Abs مع الفارق طبعا
بس الفكرة بقى مفاقيد ااقدرة نتيجة وجود طلمبة الزيت اللى تقدر تشغل النظام دة بكفائة تامة كام !! اعتقد الاستفادة الاكبر من النظام دة هو التحكم فى الصمامات مع الحمل والسرعة بمرونة (ودة هيرفع من كفاءة المحركات) اكتر منها زيادة فى القدرة