افيدوني عايز اغسل موتور العربيه وخايف

**aminibrahim** · 22-05-2013 01:52 PM

عايز اغسله ومش عارف اغسله ازي خايف من موضوع الميه ده والا اتوكل علي الله واغسله

وتنصحوني بايه؟

**EslaM_NagY** · 22-05-2013 01:58 PM

وانا كمان خايف :(

**Mohamed said** · 22-05-2013 02:15 PM

اغسله بالفوم يا باشا فى اى بنزينه او كار كير بحوالى 40-50 جنيه تقريبا اضمن و احسن و بلاش مياه خااااااالص.

**mado83** · 22-05-2013 02:20 PM

لو مزنوق اوى فى الغسله دى يا اما بخار يا اما جاز وبعده صابون وميه وطبعا تلف الحاجات اللى فيها كهربا ببلاستيك وسيبها على الله ويفضل يكون قبل الصيانه مباشره
لان الميه ممكن تدخل للبوجيهات

**kareem_eg** · 22-05-2013 02:26 PM

بلاش بنزينة الوطنيه .. عندهم الغسيل الكيماوي اسم فقط !!
انا لسه من شهر رحت و غسلت الماتور اكدت علي ده الكيماوي صح قالي اه بالفوم .
جاب حاجه طلعت رذاذ ابيض و قالي ده الفوم (مع ان كان شكلو صابون بس قلت ماشي ) و دخل جوه و انا جالي تليفون بعدت شوية عشان الاصوات . ولما رجعت كانت المفاجاة لقيت الاستاذ جايب خرطوم الميه و بيشيل "الفوم "
انا ذهلت لدرجة اني ماقدرتش انطق و هو كان كده كده خلص 3/4 الماتور فقلت خلاص اللي حصل حصل .. رحت احاسب لحد ما هو يخلص رجعت قالي ياباشا خلاص تمام اهو غسيل كيماوي و حطيت لحضرتك جاز عشان يلمع ..
بصراحه برضو مجاش ف دماغي كلمه عدله اقلهالو ..
اوعي تكون فاكر ان الموضوع خلص لا لا .. ده و انا ماشي كان في واحد داخل يغسل عربيتو (من بره ) لقيتهم بيرشو نفس الماده (و ماظنش ان غسيل العربية حيبقي بفوم كيماوي )

العربية شغاله كويس الحمدلله ستر ربنا .. فيما عدا دخان كان بيطلع في اول يومين "اظن من الجاز"
عموما غسيل الماتور بيفرق بس نصيحة مني بلاش بنزينة الوطنية

**kareem_eg** · 22-05-2013 02:30 PM

المشاركة الأصلية كتبت بواسطة mado83

لو مزنوق اوى فى الغسله دى يا اما بخار يا اما جاز وبعده صابون وميه وطبعا تلف الحاجات اللى فيها كهربا ببلاستيك وسيبها على الله ويفضل يكون قبل الصيانه مباشره
لان الميه ممكن تدخل للبوجيهات

سؤال بعد اذنك
هو مش الجاز بيعمل تااكل في وصلات الماتور ..و الميه ممكن جدا تبوظ وصلات الكهرباء .
طب ليه ميشفش مكان كويس بيعمل غسيل فوم صح بدل ما يبقي قلقان ؟

**mado83** · 22-05-2013 02:36 PM

المشاركة الأصلية كتبت بواسطة kareem_eg

سؤال بعد اذنك
هو مش الجاز بيعمل تااكل في وصلات الماتور ..و الميه ممكن جدا تبوظ وصلات الكهرباء .
طب ليه ميشفش مكان كويس بيعمل غسيل فوم صح بدل ما يبقي قلقان ؟

انا بصراحه متعقد من غسيل الماتور كل اما اغسله يحصل حاجه
بس انا بقوله لو خلاص مزنوق اوى فى الغسله يعنى انما لو مش مهمه بلاش منها واكتفى بنفخ الهوا
او الغسيل بالبخار او الكيماوى مع انى ماجربتوش ولا اعرفه وبدليل ان سعادتك كمان ماتعرفوش لان عامل البنزينه اشتغلك بالفوم العادى وقالك ده كيماوى