المشاركة الأصلية كتبت بواسطة aliabdo
بصراحه انا صعقت من التعليقات الى قريتها
الى يقول تستاهل ضرب الجزمه و الى يقول اعمل لها محضر و الى يقول اتجوز ست ستها و الى يقول طلق يا عم و اخلص
يا جدعان الدنيا مش كده خالص
اى راجل و مراته بيختلفو مع بعض اوقات و يتفقو اوقات و اكيد الى حصل منها ده مش جديد عليهم من تصرف مع كامل احترمى للطرفين يعنى اكيد هو سمح بكده او محددش حدود الاحترام بينهم عمله ازاى و اكيد اول فتره فى الجواز بيكون فيها خلافات كتير الشاطر الى بيقدر يتغلب عليها و الضعيف الى بيستيلم ليها عشان كده اكبر نسبه طلاق فى السنين الاولى للجواز
بص يا سيدى مراتك ممكن تكون تعبانه نفسيه من حاجه معينه او حاجه مزعلاها او فى مشاكل فى شخصيتها و ان شاء الله كل ده يتحل حاول تبعدو عن بعض شويه بس بموده يعنى متححسهاش انك ما صدقت بعدت عنها و فى نفس الوقت اديها فرصتها تفكر فى الى حصل و تراجع حياتكم انتو الانتين
و انصحك خليها تزور طبيب نفسى ممكن يقدر يساعدها بحاجه
الجواز عمره ما كان بالعند و لا بالعافيه اهم حاجه التوافق ممكن من وجهه نظر الزوج انه عامل لمراته كل حاجه تتمنانها و جايب لها كل الى تحلم بيه انما من وجهة نظرها انه مش كويس عشان مقالها كلمه حلوه او سئل عليها و هى تعبانه او او
الستان عقليتهم مختلفه جدااااااا عننا و محدش بيقدر يفهمهم الصبح بحال تروح باليل تلاقى حال تانى
الموضوع محتاج شويه سعه صدر و صبر لحد ما تفهمو طباع بعض و تتعود على بعض
و ربنا يهديكم و يصلح حالكم ان شاء الله